গুৱাহাটী, 7 মাৰ্চ : ৰাজ্যত পুনৰ আটক বহিঃৰাজ্যৰ ভুৱা পৰীক্ষাৰ্থী ৷ ভুৱা পৰিচয় পত্ৰৰে চৰকাৰী নিযুক্তি পৰীক্ষা দিবলৈ আহি ধৰা পৰিল বহিঃৰাজ্যৰ দুটাকৈ পৰীক্ষাৰ্থী ৷ গুৱাহাটীৰ বৰঝাৰত সংঘটিত হৈছে এই ঘটনা ৷  

মহানগৰীৰ বৰঝাৰস্থিত ই কম টাৱাৰৰ পৰা আটক কৰা হৈছে দুটাকৈ ভুৱা পৰীক্ষাৰ্থী ৷ আটকাধীন দুয়োটা পৰীক্ষাৰ্থী উত্তৰ প্ৰদেশৰ বুলি জানিব পৰা গৈছে ৷ দুয়োটা পৰীক্ষাৰ্থীয়ে ভুৱা তথ্যৰে SSC ৰ পৰীক্ষাত বহিবলৈ আহিছিল ৷ অসমৰ ঠিকনাৰে ভুৱা আধাৰ কাৰ্ড লৈ বৰঝাৰত পৰীক্ষাত বহিবলৈ আহিছিল দুয়োটা অভিযুক্ত ৷ কিন্তু পৰীক্ষা কেন্দ্ৰতে আন পৰীক্ষাৰ্থীৰ লোক দুজনৰ ওপৰত সন্দেহ হোৱাত তথ্য বিচৰাৰ পিচতেই পোহৰলৈ আহে এই ঘটনা ৷ পৰৱৰ্তী সময়ত পৰীক্ষাৰ্থীসকলে বহিঃৰাজ্যৰ দুয়োজন লোকক ধৰি আজাৰা আৰক্ষীক গতাই দিয়ে ৷

লগতে পঢ়ক :  চিকিৎসকৰ গাফিলতিৰ বাবে শিশুৰ মৃত্যুক লৈ উত্তপ্ত পৰিস্থিতি