মৰিগাঁও,৩০ জুন : অহা ৫ জুলাইত ছবিগৃহলৈ আহিব ইমন ফিল্ম ক্ৰিয়েছনৰ বেনাৰত বিপুল চন্দ্ৰ দাস আৰু ইতি দাস গগৈৰ প্ৰযোজনাৰে নতুন অসমীয়া ছবি ‘ইমন’ । ইতিমধ্যে ছবিখনৰ প্ৰচাৰত ব্যস্ত হৈ পৰিছে কলা-কুশলীসকল । ৰাজ্যৰ বিভিন্ন প্ৰান্তত প্ৰচাৰ চলাই শনিবাৰে ইমনৰ পৰিয়াল উপস্থিত হয় মৰিগাঁৱত ।

সিদ্ধাৰ্থ শৰ্মা ফেন ক্লাৱ অসমৰ উদ্যোগত আৰু মৰিগাঁও বিদ্যাজ্যোতি কনিষ্ঠ মহাবিদ্যালয়ৰ সহযোগত অনুষ্ঠিত হয় ইমনৰ প্ৰচাৰ অনুষ্ঠান ৷ ইমনৰ প্ৰচাৰ চলাবলৈ মৰিগাঁৱত উপস্থিত হয় কেকে খ্যাত জনপ্ৰিয় অভিনেতা সিদ্ধাৰ্থ শৰ্মা, মোহন খ্যাত দ্বীপজ্যোতি কেওট, জ্যেষ্ঠ অভিনেত্ৰী প্ৰতিভা চৌধুৰীকে আদি কৰি ভালেসংখ্যক কলা-কুশলী ।

ছবিখনত সিদ্ধাৰ্থ শৰ্মাৰ লগতে অভিয় কৰিছে স্নিগ্ধা গগৈ, দেৱজিৎ মজুমদাৰকে আদি কৰি বহু প্ৰতিভাসম্পন্ন অভিনেতা অভিনেত্ৰীয়ে । মৰিগাঁৱত উপস্থিত হৈ অসীম বৈশ্যৰ পৰিচালনাৰ ছবিখন উপভোগ কৰিবলৈ অনুৰোধ জনাইছে ইমনৰ কলা-কুশলীসকলে ।

লগতে পঢ়ক: 5 জুলাইত শুভমুক্তি ‘ইমন’ৰ : তিনিচুকীয়াত বুধবাৰে উপস্থিত হ’ল কলা-কুশলী - New Assamese Movie