মাজুলী : ‘‘ৰাজপথত এনেদৰে ৰকিবুল হুছেইন আৰু তেওঁৰ পুত্ৰৰ ওপৰত হোৱা আক্ৰমণ অতি দুৰ্ভাগ্যজনক । এই আক্ৰমণকাৰীয়ে পুলিচৰ কৰ্মচাৰী ওপৰতো হাত উঠোৱাৰ লগতে পুলিচৰ বন্দুক কাঢ়ি ল’বলৈ চেষ্টা চলাইছিল যিটো অত্যন্ত ভয়ংকৰ কথা । মুখ্যমন্ত্ৰীগৰাকীয়ে গোটেই ঘটনাটোৰ ওপৰত যিমান গুৰুত্ব দিব লাগিছিল সিমান গুৰুত্ব দিয়া নাই । গৃহ বিভাগ ব্যৰ্থ হৈছে ৷’’ এই মন্তব্য যোৰহাট লোকসভা সমষ্টিৰ সাংসদ গৌৰৱ গগৈৰ ৷

কংগ্ৰেছৰ সাংসদগৰাকীক সুৰক্ষা নিদিলেও নিজৰ গৃহ বিভাগৰ আৰক্ষীক, সেই সময়ত স্থানীয় যিসকল ৰাইজ বজাৰত আছিল সেইসকলক সুৰক্ষা দিয়াৰ দায়িত্ব মুখ্যমন্ত্ৰীৰ আছে । এই ঘটনাৰ লগত জড়িতসকলক যদি অসম পুলিচে ধৰিব নোৱাৰে, তেতিয়া বিভিন্ন দুৰ্নীতিৰ লগত জড়িতসকলে দুৰ্নীতি কৰিবলৈ বেছি উৎসাহে পাব ৷’’ বৃহস্পতিবাৰে বিয়লি মাজুলীত উপস্থিত হৈ নগাঁৱৰ ৰাজপথত ৰকিবুল হুছেইন আৰু তেওঁৰ পুত্ৰৰ ওপৰত হোৱা আক্ৰমণ সন্দৰ্ভত প্ৰতিক্ৰিয়া প্ৰকাশ কৰে সাংসদ গৌৰৱ গগৈয়ে ৷

লগতে পঢ়ক : সাংসদ ৰকিবুল হুছেইনক আক্ৰমণৰ ঘটনা: ব্যাপক প্ৰতিক্ৰিয়া লগতে পঢ়ক : মোক জীৱন্তে মাৰি পেলাব বিচাৰিছে : ৰকিবুল হুছেইন