ধিং: নগাঁৱৰ চলচলিত সংঘটিত হৈছে এক শোকাৱহ ঘটনা । লংকাৰ নখুটিৰ পৰা উভতিছিল দম্পতী । পেছাত দুয়োগৰাকীয়ে অধ্যাপক-অধ্যাপিকা । নিজা ঘৰলৈ উভতি আহিছিল লংকাৰ পৰা । পিছে বাটতেই যেন ৰৈ আছিল মৃত্য়ুদূত ।

মৰিগাঁও জিলাৰ মৈৰাবাৰী মহাবিদ্যালয়ৰ বুৰঞ্জী বিভাগৰ অধ্যাপিকা ৰেহেনা জেছমিনৰ সোমবাৰে বিয়লি চাৰিমান বজাত এক পথ দুৰ্ঘটনাত মৃত্যু হয় । হোজাই জিলাৰ লংকাৰ নখুটিৰ পৰা মৈৰাবাৰী মহাবিদ্যালয়ৰ অধ্যাপিকাগৰাকীয়ে স্বামী চামছুদ্দিন মজুমদাৰৰ সৈতে নিজা গাড়ীৰে মৈৰাবাৰীৰ ঘৰলৈ আহি থকা অৱস্থাত নিয়ন্ত্ৰণ হেৰুৱাই পথৰ কাষতে এজোপা গছত খুন্দিওৱাত দুয়োগৰাকী আহত হয় ।

নগাঁৱৰ চলচলিত অৱস্থিত শংকৰদেৱ বিশ্ববিদ্য়ালয়ৰ সন্মুখত গাড়ীখনে নিয়ন্ত্ৰণ হেৰুওৱাত দুৰ্ঘটনাটো সংঘটিত হয় । স্থানীয় ৰাইজে ততাতৈয়াকৈ স্বামী-স্ত্ৰী দুয়োকে নগাঁৱৰ এখন ব্যক্তিগত চিকিৎসালয়ত ভৰ্তি কৰাই যদিও অধ্যাপিকা ৰেহেনা জেছমিন (৫৫)ৰ চিকিৎসাধীন অৱস্থাত মৃত্যু হয় । মৃত্যুৰ সময়ত অধ্যাপিকাগৰাকীয়ে স্বামীৰ লগতে এজন পুত্ৰ আৰু এগৰাকী কন্যা সন্তান আৰু অসংখ্য গুণমুগ্ধ এৰি যায় । অধ্যাপিকাগৰাকীয়ে চাকৰিৰ লগতে বিভিন্ন সামাজিক কামতো ওতঃপ্ৰোতভাৱে জড়িত হৈ আছিল । 

লগতে পঢ়ক:মহানগৰীত পথ দুৰ্ঘটনাত মৃত্যু বিজেপিৰ জালুকবাৰী মণ্ডলৰ সভাপতি - GUWAHATI ROAD ACCIDENT