বিধায়কে কলপুলিৰে কোবালে ঠিকাদাৰৰ কৰ্মচাৰীক

বিলাসীপাৰা : হঠাতে খং উঠিল বিলাসীপাৰা পূব বিধানসভা সমষ্টিৰ বিধায়ক ছামছুল হুদাৰ । এ আই ইউ ডি এফৰ বিধায়কগৰাকীয়ে খঙৰ ভমকতে প্ৰহাৰ কৰিলে ঠিকাদাৰৰ কৰ্মচাৰীক । তেওঁৰ ইমানেই খং উঠিল যে আধাৰশিলাৰ বাবে পোতা কলপুলি উভালি কোবালে কৰ্মচাৰীজনক । এই ঘটনাটো মঙলবাৰে সংঘটিত হৈছে সমষ্টিটোত বাহিৰ ছুৱাপাতা দৈখোৱা বজাৰত । কিয় খং উঠিল বিধায়কগৰাকীৰ ?

মঙলবাৰে বিধায়ক ছামছুল হুদাই বাহিৰ ছুৱাপাতা দৈখোৱা বজাৰত এখন আৰ চি চি দলঙৰ আধাৰশিলা স্থাপন কৰিবলৈ গৈছিল । আধাৰশিলাৰ স্থানত ৰঙাফিটাৰ সলনি দেখিলে কলপুলি । আধাৰশিলা স্থাপন অনুষ্ঠানত ঠিকাদাৰ অবিনাশ আগৰৱালাৰ কৰ্মচাৰীয়ে কামত গাফলতি কৰা বাবেই হেনো এইদৰে খঙত অগ্নিশৰ্মা হৈ পৰে বিধায়কগৰাকী । পিছত ঠিকাদাৰ অবিনাশ আগৰৱালাই বিধায়ক ছামছুল হুদাৰ ওচৰত ক্ষমা বিচাৰে ।

লগতে পঢ়ক:'অৰুণোদয়'ৰ নামত কি চলিছে ! ৰাজপথত প্ৰতিবাদেৰে বুজাই দিলে শতাধিক মহিলাই - ASSAM ORUNODOI SCHEME