গুৱাহাটী, ৬ মাৰ্চ : লোকসভা নিৰ্বাচনৰ পূৰ্বে ব্যাপক ৰূপত আৰম্ভ হৈছে আধাৰশিলা স্থাপনৰ কাম । বুধবাৰে ৰাজ্যৰ বিভিন্ন প্ৰান্তৰ লগতে মহানগৰীৰ ২৪ নং ৱাৰ্ডটো কেইবাটাও স্থানত পথৰ আধাৰশিলা স্থাপন কৰা হয় । পশ্চিম গুৱাহাটী সমষ্টিৰ বিধায়ক ৰমেন্দ্ৰ নাৰায়ণ কলিতাই প্ৰায় ১০ টাকৈ পথৰ আধাৰশিলা স্থাপন কৰে ।

মুখ্যমন্ত্ৰী নগৰীয়া পথ পকীকৰণ আঁচনিৰ উদ্যোগত আৰম্ভ কৰা হয় এই প্ৰকল্প । পাৰিষদ পুঁজিৰ প্ৰায় ৫ কোটি টকা ব্যয় সাপেক্ষে মুকলি কৰা হয় এই আধাৰশিলাৰ । এই কাৰ্যসূচীত উপস্থিত থাকি বিধায়ক গৰাকীয়ে লোকসভা নিৰ্বাচন সন্দৰ্ভত কয়, ‘কংগ্ৰেছে গুৱাহাটী লোকসভা সমষ্টিত যি প্ৰাৰ্থী নিদিয়ে কিয় আমাৰ চিন্তা কৰিবলগীয়া একো চিন্তা নাই । মুখ্যমন্ত্ৰীয়ে উন্নয়ন আৰু বিকাশৰ ক্ষেত্ৰত কাম কৰিছে । শেহতীয়াকৈ পশ্চিম গুৱাহাটী সমষ্টিত কেইবাটাও বৃহৎ আঁচনিৰ ইতিমধ্যেই কাম কৰা হৈছে । আমি গুৱাহাটী লোকসভা সমষ্টিটো জটিল বুলি ভাবিব নোৱাৰো । আমাৰ লক্ষ্য হৈছে আমি যাতে প্ৰায় ৩/৪ লাখ ভোটত আমাৰ প্ৰাৰ্থী জয়ী কৰাব পাৰো । আমাৰ অগপ দলৰ প্ৰাৰ্থী তালিকা ক্ষেত্ৰত ইতিমধ্যেই লোকসভা সমষ্টিৰ অন্তৰ্গত জিলা সমিতি, বিধান পৰিষদসমূহৰ সৈতে আলোচনা কৰিছো । অহা ১০ মাৰ্চত আমি আমাৰ প্ৰাৰ্থী তালিকা আনুষ্ঠানিকভাৱে ঘোষণা কৰিম ।’

লগতে পঢ়ক : টীয়কত ৫ খন বিদ্যালয়ৰ আধাৰশিলা স্থাপন পীযুষ হাজৰীকাৰ