গুৱাহাটী, 30 মাৰ্চ : মহানগৰীত পুনৰ দিন দুপৰতে ধন লুটৰ ঘটনা সংঘটিত হৈছে ৷ গাড়ীৰ গ্লাচ ভাঙি দুৰ্বৃত্তই লুটি নিলে নগদ টকাসহ মূল্যবান কাগজ-পত্ৰৰ বেগ ৷ মহানগৰীৰ বেলতলাৰ চাৰ্ভেত সংঘটিত হৈছে এই ঘটনা ৷

ঘটনাৰ অনুসৰি শনিবাৰে দুপৰীয়া প্ৰায় একমান বজাত মিতালী শইকীয়া নামৰ এগৰাকী মহিলাই চাৰ্ভেৰ ৰাজপথৰ দাঁতিত AS 01 FN 5727 নম্বৰৰ বাহনখন ৰখাই সমীপৰে বেংকলৈ গৈছিল ৷ তাৰ পিচতে প্ৰায় 15 মিনিটৰ ভিতৰত বাহনখনৰ ওচৰলৈ ঘূৰি আহিছিল মহিলাগৰাকী ৷  

ইয়াৰ পিচতে তেওঁ ঘূৰি আহি দেখে যে গাড়ীৰ গ্লাচ ভাঙি কোনো দুৰ্বৃত্তই চিটৰ ওপৰত থৈ যোৱা টকা আৰু নথি-পত্ৰৰ বেগটো লৈ উধাও হয় ৷ এই ঘটনাৰ খবৰ লাভ কৰি ঘটনাস্থলীত দিছপুৰ আৰক্ষী উপস্থিত হৈ আৰম্ভ কৰিছে তদন্ত ৷  

লগতে পঢ়ক : ঘৰৰ ওচৰতে খেলিবলৈ গৈছিল অভিলাষ, তাৰ পিচৰে পৰাই নাই শুংসূত্ৰ - Missing Case In Guwahati