মৰাণ, 28 ফেব্ৰুৱাৰী : "ৰাণা গোস্বামীক মই শুভেচ্ছা জনাইছো ৷ তেওঁ বিজেপিলৈ আহিলে আমি তেওঁক আন্তৰিকতাৰে আদৰি লম । শেহতীয়াকৈ দলত ধাৰাবাহিকভাৱে লোক আহি আছে ৷ তেওঁলোকৰ নিজৰ দলৰ প্ৰতি মোহভংগ হৈছে ৷ আগন্তুক দিনত কংগ্ৰেছৰ বহু বাঘা বাঘা নেতাই বিজেপিত যোগদান কৰিবহি ৷ কংগ্ৰেছৰ এতিয়া মিটিং পাতিবলৈও ঠাই নোহোৱা হৈছে, ৰিজ'ৰ্টত বহি চাহ খোৱাৰ বাহিৰে কাম নাই ৷" বুধবাৰে মন্ত্ৰী যোগেন মহনে শেহতীয়াকৈ ৰাণা গোস্বামীয়ে কংগ্ৰেছৰ পৰা পদত্যাগ কৰাৰ সন্দৰ্ভত এই মন্তব্য প্ৰকাশ কৰে ।

চৰাইদেউ জিলাৰ মাহমৰা সমষ্টিৰ অন্তৰ্গত মৰাণ উচ্চতৰ মাধ্যমিক বিদ্যালয়ত অসম চৰকাৰ লোকনিৰ্মাণ (গৃহ) বিভাগৰ অধীনত আৰু চৰাইদেউ জিলা প্রশাসনৰ উদ্যোগত বিকাশ যাত্রা 2024 ৰ অধীনত প্ৰায় 8 কোটি টকাৰ অত্যাধুনিক বিদ্যালয়ৰ গৃহৰ আধাৰশিলা স্থাপন কৰে অসম চৰকাৰৰ মন্ত্ৰী যোগেন মহনে । এই আধাৰশিলা অনুষ্ঠান আৰু ৰাজহুৱা সভাত উপস্থিত থাকে চৰাইদেউ জিলাৰ অতিৰিক্ত আয়ুক্ত, শিক্ষা বিষয়া, বিভিন্ন বিদ্যালয়ৰ শিক্ষাগুৰু সকলৰ লগতে বিশিষ্ট ব্যক্তিসকলো ।

লগতে পঢ়ক: চেলেংহাটত ভয়াৱহ দুৰ্ঘটনাৰ পৰা কথমপি ৰক্ষা ৰাজধানী এক্সপ্ৰেছ