মৰাণ, 30 মাৰ্চ : বিজেপি চৰকাৰৰ অন্যায়, প্ৰলোভনৰ ৰাজনীতিৰ বিৰুদ্ধে ৰাইজক মাৰ বান্ধি থিয় হ'বলৈ আহ্বান জনায় ডিব্ৰুগড় লোকসভা সমষ্টিৰ বিৰোধী ঐক্য মঞ্চৰ প্ৰাৰ্থী লুৰীণজ্যোতি গগৈয়ে ৷ দলীয় কৰ্মী-সমৰ্থকৰ সৈতে বিহু নাচি ব্যাপক প্ৰচাৰ অভিযান চলাইছে ডিব্ৰুগড় সমষ্টিৰ প্ৰাৰ্থী লুৰীণজ্যোতি গগৈয়ে ৷

শুকুৰবাৰৰ নিশা ভাগলৈকে ডিব্ৰুগড় লোকসভা সমষ্টিৰ অন্তৰ্গত মৰাণ আৰু টিংখাঙৰ কেইবাটাও স্থানত উপস্থিত থাকি নিৰ্বাচনী প্ৰচাৰত অংশগ্ৰহণ কৰে গগৈয়ে ৷ নৱগঠিত খোৱাং সমষ্টিৰ কোটোহা নগাঁৱৰ পৰা আৰম্ভ কৰি টিংখাং সমষ্টিৰ লেঙেৰীৰ ঘুটুংচিগা তিনিআলি, লেঙেৰীৰ ন-চাউদাং গাঁও, তিনঠেঙীয়াৰ জৰিগুৰী আদিত কেইবাখনো প্ৰচাৰ সভাত অংশগ্ৰহণ কৰে লুৰীণজ্যোতি গগৈয়ে ৷

বিয়লি জৰিগুৰী ৰূপজ্যোতি সংঘৰ প্ৰেক্ষাগৃহত অনুষ্ঠিত নিৰ্বাচনী সভাত অংশ লৈ লুৰীণজ্যোতি গগৈয়ে শাসনাধিষ্ঠ বিজেপি চৰকাৰৰ অন্যায়-অনীতি, প্ৰলোভনৰ ৰাজনীতিৰ বিৰুদ্ধে ৰাইজক মাৰবান্ধি থিয় হ'বলৈ আহ্বান জনায় ৷ সভাৰ পিচতে কেইবাশ দলীয় কৰ্মী-সমৰ্থকৰ উপস্থিতিত লুৰীণজ্যোতি গগৈয়ে নৃত্য কৰা পৰিলক্ষিত হয় ৷

লগতে পঢ়ক : ষ্টাৰ কেম্পেইনাৰ হিচাপে ৰাজ্যৰ বাহিৰে-ভিতৰে ব্যাপক প্ৰচাৰ কাৰ্যসূচী মুখ্যমন্ত্রীৰ - Lok Sabha Election 2024