কলিয়াবৰ, 11 এপ্ৰিল : ‘‘সংবাদ মাধ্যম হ’ল গণতন্ত্ৰৰ চতুৰ্থ স্তম্ভ । গণতন্ত্ৰত বিশ্বাসীসকলে আটাইকেইটা স্তম্ভকে বিশ্বাসত আৰু আস্থাত ল’ব লাগিব । জৰুৰীকালীন অৱস্থাত কংগ্ৰেছে কি কৰিছিল সেই কথা মনত পেলাই নিজেই নিজকে গৰিহণাহে দিব লাগে । আনে গৰিহণা দিবলৈ ইয়াত বাট চাবলগীয়া নাই । কংগ্ৰেছ দলে লোৱা এই সিদ্ধান্তটো উচিত নহ'ল ৷ এই সন্দৰ্ভত তেওঁলোকে পুনৰ বিবেচনা কৰাটো দৰকাৰ ৷’’ এই মন্তব্য মন্ত্ৰী কেশৱ মহন্তৰ ৷

উল্লেখ্য যে, শেহতীয়াকৈ বহুভাৱে চৰ্চাত আছে ৰাজ্যৰ দুটা ব্যক্তিগত সংবাদ মাধ্যমৰ প্ৰসংগ ৷ সেই নিৰ্দিষ্ট সংবাদ মাধ্যম কেইটাই কংগ্ৰেছৰ বিৰুদ্ধে বাতৰি পৰিৱেশন কৰে বুলি চৰ্চালৈ আহিছে ৷ যাৰ বাবে সেই সংবাদ মাধ্যম কেইটাক অসম কংগ্ৰেছে বহিষ্কাৰ কৰাৰ সিদ্ধান্ত গ্ৰহণ কৰিছে ৷ ইতিমধ্যে সংবাদ মাধ্যমৰ আগত এই কথা বহু কেইজন কংগ্ৰেছ কৰ্মীয়ে সদৰী কৰিছে ৷ বৃহস্পতিবাৰে কলিয়াবৰত উপস্থিত হৈ কংগ্ৰেছৰ এই সিদ্ধান্ত সন্দৰ্ভত প্ৰতিক্ৰিয়া প্ৰকাশ কৰে মন্ত্ৰী কেশৱ মহন্তই ৷

লগতে পঢ়ক : মৰিগাঁৱত বাজিছে নিৰ্বাচনী ৰণ দুন্দুভি; বাক্যবাণেৰে বিজেপিক আঘাতৰ চেষ্টা প্ৰদ্যুৎ বৰদলৈৰ - Lok Sabha Election 2024