তেজপুৰ, ২ মাৰ্চ : ‘‘শোণিতপুৰবাসীয়ে যদি মোৰ প্ৰাৰ্থিত্ব গ্ৰহণ কৰে তেন্তে মোক ভোট দিব, যদি নকৰে নিদিব ৷ মোৰ তাত কোনো আপত্তি নাই ৷’’ এই মন্তব্য আম আদমি পাৰ্টীৰ শোণিতপুৰ লোকসভা সমষ্টিৰ প্ৰাৰ্থী ঋষিৰাজ কৌণ্ডিন্যৰ ৷ উল্লখ্য যে আম আদমি পাৰ্টীয়ে লোকসভা নিৰ্বাচনৰ টিকট গ্ৰহণ কৰাৰ পিচৰে পৰা চৰ্চাত আছে শোণিতপুৰ লোকসভা সমষ্টিৰ প্ৰাৰ্থী ঋষিৰাজ কৌণ্ডিন্য ।

সামাজিক মাধ্যমত আপৰ প্ৰাৰ্থী গৰাকীৰ বিৰুদ্ধে চর্চা চলি আছে যে একাধিক গোচৰত তেওঁ সাঙোৰ খাই আছে । এই সন্দৰ্ভত ই টিভি ভাৰতৰ তৰফৰ পৰা প্ৰাৰ্থীগৰাকীৰ লগত হোৱা এক আছুতীয়া সাক্ষাৎকাৰত বহুকেইটা মন্তব্য কৰে লোকসভা নিৰ্বাচনৰ প্ৰাৰ্থীগৰাকীয়ে ৷ তেওঁৰ বিৰুদ্ধে গোচৰ আছে, কিন্তু এটা গোচৰকে ভাগে ভাগে ৰুজু কৰা হৈছে বুলি ঋষিৰাজ কৌণ্ডিন্যই মন্তব্য কৰে ।

তেওঁৰ মতে নিৰ্বাচনত প্ৰাৰ্থিত্ব লাভ কৰাৰ বাবেহে এই বিষয়সমূহ চৰ্চিত হৈছে ৷ যদি শোণিতপুৰবাসীয়ে তেওঁক গ্ৰহণ কৰে তেন্তে ভোট দিব আৰু যদি নকৰে নিদিব বুলি মন্তব্য কৰে ঋষিৰাজ কৌণ্ডিন্যই  । 

লগতে পঢ়ক: বৰপেটা নে বঙাইগাঁৱৰ পৰা ফণীভূষণ চৌধুৰীয়ে খেলিব নিৰ্বাচন ?