চাবুৱা,১৯ জুন: মুখ্যমন্ত্ৰীৰ নিৰ্দেশত ৰাজ্যত অব্যাহত আছে সুদখোৰৰ বিৰুদ্ধে আৰক্ষীৰ অভিযান । জিলাই জিলাই আৰক্ষীয়ে অভিযান চলাই বহু সুদখোৰক আটক কৰি ৰঙাঘৰৰ আলহী কৰিছে যদিও এতিয়াও গা-লৰা নাই একাংশৰ । একাংশই আজিও দৰিদ্ৰ আৰু অসহায় লোকক ধন সুদলৈ দি চলাই আহিছে ৰমৰমীয়া ব্যৱসায় ।  

ইয়াৰ মাজতে চাবুৱা আৰক্ষীয়ে চলালে সুদখোৰৰ বিৰুদ্ধে অভিযান । ৰাইজৰ অভিযোগৰ ভিত্তিত মৰাণহাটৰ পৰা এটা সুদখোৰক আটক কৰে আৰক্ষীয়ে । আটকাধীন সুদখোৰটোৰ নাম সুভাষ তিব্ৰুৱাল । আৰক্ষীয়ে জনোৱা অনুসৰি এই সুদখোৰটোৱে বহুদিনৰ পৰা সুদৰ নামত বহু লোকক হাৰাশাস্তি কৰি আহিছিল । অৱশেষত একাংশ ভুক্তভোগীৰ অভিযোগৰ ভিত্তিত চাবুৱা আৰক্ষীয়ে মৰাণহাটৰ নিজগৃহৰ পৰা গ্ৰেপ্তাৰ কৰিবলৈ সক্ষম হয় সুভাষ তিব্ৰুৱাল নামৰ সুদখোৰটোক ।

লগতে পঢ়ক: ৰক্ষা নাই সুদখোৰৰ: গোলাঘাট আৰক্ষীৰ জালত কুখ্যাত সুদখোৰ পমি গুপ্তা - illegal money lender arrested