ডিব্ৰুগড় : দেওবাৰে পুৱাই ভয়ংকৰ পথ দুৰ্ঘটনাই কঁপাই গ'ল ডিব্ৰুগড়ৰ খোৱাং । ডিব্ৰুগড়ৰ জিলাৰ খোৱাঙৰ ৩৭নং ৰাষ্ট্ৰীয় ঘাইপথত ৰঙালাও বজাৰত সংঘটিত হৈছে এই ভয়ংকৰ পথ দুৰ্ঘটনা । NL01AE1218 নম্বৰৰ এখন বস্তু কঢ়িওৱা ট্ৰাকে মহতিয়ালে ৰঙালাও বজাৰৰ ৩খনকৈ দোকান । ফলত নিহত হয় দুগৰাকীকৈ মহিলা ।

গুৰুতৰভাৱে আহত আন এগৰাকী মহিলা । নিহত মহিলা দুগৰাকী চেৰেপাখাটি গাঁ‌ৱৰ ক্ৰমে ৰুণুমি দাস আৰু সুমিলা দাস । গুৰুতৰভাৱে আহত হয় চেৰেপাখাটি গাঁৱৰ অঞ্জলি দাস । মহিলা কেইগৰাকীয়ে ৩৭নং ৰাষ্ট্ৰীয় ঘাইপথৰ কাষতে থকা দোকান কেইখন পুৱাই খুলি চাফা কৰি আছিল । সেই সময়তে ডিব্ৰুগড় দিশে আহি থকা ট্ৰাকখনে নিয়ন্ত্ৰণ হেৰুৱাই মহিলা কেইগৰাকীৰ লগতে দোকান কেইখন মহতিয়াই দ খাৱৈত বাগৰি পৰে । দুৰ্ঘটনা সংঘটিত হোৱাৰ পিছতে ট্ৰাকৰ চালকজনে পলায়ন কৰে ।

নিহত মহিলা দুগৰাকীৰ ভিতৰত এগৰাকী ঘটনাস্থলীতে মৃত্যু হোৱাৰ লগতে আন এগৰাকী ডিব্ৰুগড় অসম চিকিৎসা মহাবিদ্যালয় পোৱাৰ পাছতেই মৃত্যু হয় । ইতিমধ্য খোৱাঙ আৰক্ষী ঘটনাস্থলীত উপস্থিত হৈ তদন্ত আৰম্ভ কৰিছে ।

লগতে পঢ়ক: ৭ বছৰে নিৰ্মাণ নহ'ল এখন দলং: ফলত প্ৰাণ হেৰুৱালে যুৱকে