হোজাই, 3 আগষ্ট : স্বাধীনতা দিৱসৰ প্ৰাকক্ষণত কূটাঘাট সংঘটিত হোৱাৰ পৰা কথমপি ৰক্ষা পৰিল হোজাই জিলা । হোজাইৰ নখুটিত শুকুৰবাৰৰ নিশা জিলাখনৰ অপৰাধ নিয়ন্ত্ৰণ শাখাৰ অতিৰিক্ত আৰক্ষী অধীক্ষক পল্লব তামুলীৰ নেতৃত্বত চলে এক অভিযান । নখুটিৰ নিকটৱৰ্তী লামডিং সংৰক্ষিত বনাঞ্চলত আৰক্ষীয়ে গোপন সূত্ৰৰ পম খেদি শুকুৰবাৰৰ নিশা চলায় এই বৃহৎ অভিযান । এই অভিযানত আৰক্ষীয়ে লামডিং বনাঞ্চলত উদ্ধাৰ কৰিবলৈ সক্ষম হয় পাঁচটাকৈ হস্তনিৰ্মিত বন্দুক ।

আৰক্ষীয়ে হস্তনিৰ্মিত বন্দুকৰ লগতে উদ্ধাৰ কৰিবলৈ সক্ষম হয় কেবাজাঁই সজীব গুলী । কূটাঘাট সংঘটিত কৰাৰ উদ্দেশ্যেৰে দুষ্কৃতিকাৰীয়ে লামডিং বনাঞ্চলত বন্দুক লুকুৱাই ৰাখিছিল বুলি আৰক্ষীয়ে সন্দেহ প্ৰকাশ কৰিছে । ঘটনা সন্দৰ্ভত বৰ্তমান পৰ্যন্ত কোনো লোকক আৰক্ষীয়ে আটক কৰিবলৈ সক্ষম হোৱা নাই যদিও ঘটনা সন্দৰ্ভত তদন্ত অব্যাহত ৰাখিছে ।

লগতে পঢ়ক: লামডিং বনাঞ্চলত মাটি খান্দি উদ্ধাৰ তিনিটাকৈ বন্দুক - guns recovered in Lumding