নগাঁও, 17 মাৰ্চ : গ্ৰীষ্মৰ আগমনৰ লগে লগে বজাৰত এতিয়া উপলব্ধ হৈছে বিভিন্ন ধৰণৰ সুস্বাদু শীতল পানীয় । গৰমৰ পৰা সকাহ পোৱাৰ লগতে পিয়াহ নিৰাময়ৰ বাবে বিভিন্নজনে পান কৰে বজাৰত উপলব্ধ এই শীতল পানীয় । কিন্তু আপুনি জানেনে, আপোনাৰ শৰীৰটোৰ বাবে এই এই শীতল পানীয় কিমান সুৰক্ষিত ? নগাঁৱৰ বজাৰত বৰবিহৰ ৰূপত দেখা দিছে এই শীতল পানীয়ই । ষ্প্ৰাইট নামৰ শীতল পানীয়ৰ বটলত ওলাইছে ভেঁকুৰ ।

নগাঁও চহৰৰ পানীগাঁওস্থিত এখন দোকানৰ পৰা ক্ৰয় কৰা শীতল পানীয়ভৰ্তি বটলত পোৱা গ’ল ভেঁকুৰ । এই পানীয় খাই এজন গ্ৰাহকে তৎক্ষণাত বমি কৰাৰ লগতে অসুস্থ হৈ পৰে ৷ এই ঘটনাৰ পাচতে পোহৰলৈ আহে সকলো তথ্য । ইপিনে শীতল পানীয় যোগান ধৰা দোকানখনৰ স্বত্বাধিকাৰীয়ে খুচুৰা বিক্ৰেতাৰ ওপৰতে দোষ জাপি দায়সৰা মন্তব্য দিয়ে । স্বত্বাধিকাৰীৰ মতে বিক্ৰিৰ সময়ত খুচুৰা বিক্ৰেতাইহে শীতল পানীয়ৰ বটলসমূহ পৰীক্ষা কৰিব লাগে ।

লগতে পঢ়ক : বাল্যবিবাহত বাধা দিবলৈ যোৱা যুৱকক ছুৰীৰে আক্ৰমণ