নগাঁও,২৩ এপ্ৰিল: নগাঁৱত এটা হাইপ্ৰ'ফাইল চোৰ । চোৰটোৰ লক্ষ্য সাধাৰণ লোক অথবা ব্যৱসায়ী নহয় । চোৰটোৰ টাৰ্গেটত থাকে আৰক্ষী তথা শীৰ্ষ বিষয়া । পূৰ্বে আৰক্ষীৰ বন্দুকৰ গুলী চুৰি কৰি জালত পৰা ফিৰোজ খান এইবাৰ জালত পৰিল প্ৰশাসনিক বিষয়াৰ নগদ দহ লাখ টকা চুৰি কৰি । নগাঁৱৰ এগৰাকী প্ৰশাসনিক বিষয়াৰ ঘৰৰ পৰা নগদ দহ লাখ টকা চুৰি কৰি নগাঁও আৰক্ষীৰ জালত পৰিল ফিৰোজ খান নামৰ গভাইত চোৰটো । দিন দুপৰতে প্ৰশাসনিক বিষয়াগৰাকীৰ বাসগৃহত চাফাই চলাইছিল চোৰটোৱে ।  

নগাঁও জিলা আয়ুক্ত কাৰ্যালয়লৈ নিজ কৰ্তব্য পালনৰ উদ্দেশ্যে ওলাই যোৱাৰ পিচতেই দিন দুপৰতে ঘৰৰ ভিতৰত প্ৰৱেশ কৰি চাফাই চলাইছিল চোৰে । প্ৰশাসনিক বিষয়া ছফিক ভূঞাৰ ঘৰৰ পৰা নগদ দহ লাখ টকা চুৰি কৰি লৈ গৈছিল চোৰটোৱে । নগাঁও জিলা আয়ুক্তৰ বাসভৱনৰ সমীপতে থকা চৰকাৰী আবাসৰ পৰা ১৯ এপ্ৰিলৰ দিনা দহ লাখ টকা চুৰি কৰি নিয়া সন্দৰ্ভত নগাঁও আৰক্ষীক অৱগত কৰিছিল বিষয়াগৰাকীয়ে । পৰৱৰ্তী সময়ত নগাঁও আৰক্ষীয়ে এটা গোচৰ ৰুজু কৰি আৰম্ভ কৰিছিল অভিযান । মাত্ৰ তিনি দিনৰ ভিতৰতে নগাঁও আৰক্ষীৰ নগৰ শাখাই অভিযান চলাই উক্ত চুৰিকাৰ্যৰ সৈতে জড়িত ফিৰোজ খান নামৰ গভাইত চোৰটোক আটক কৰিবলৈ সক্ষম হয় । 

লগতে পঢ়ক: কলগাছিয়া আৰক্ষীৰ জিম্মাৰ পৰা পলায়ন কৰা মণিৰুল ইছলামক পুনৰ গ্ৰেপ্তাৰ - Jania Criminals Arrested