নলবাৰী, ৪ জুন : দেশজুৰি চলি আছে লোকসভা নিৰ্বাচনৰ ভোটগণনা ৷  8 বজাৰ লগে লগে ৰাজ্যত আৰম্ভ হয় ভোটগণনা প্ৰক্ৰিয়া ৷ ৰাজ্যৰ 50 খন নিৰ্বাচনী জিলাৰ 52 টা কেন্দ্ৰৰ 152 টা হলৰ 1941 খন টেবুলত হৈছে ভোটগণনা ।

নলবাৰীৰ চৰকাৰী গৰ্ডন উচ্চতৰ মাধ্যমিক বিদ্যালয়ত অৱস্থিত ভোটগণনা কেন্দ্ৰত উপস্থিত হয় বৰপেটাৰ ইণ্ডি এলায়েন্সৰ প্ৰাৰ্থী দীপ বায়ন । ভোটগণনা কেন্দ্ৰ পৰিদৰ্শন কৰি সন্ধিয়ালৈ ভাল ফলৰ অপেক্ষাত কংগ্ৰেছৰ প্ৰাৰ্থীগৰাকী । বৰপেটাৰ ৰাইজক ধন্যবাদ জনাই প্ৰাৰ্থী গৰাকীয়ে অন্তিম পৰ্যায়ৰ গণনালৈ অপেক্ষা কৰিব বুলি জানিবলৈ দিয়ে ।

লোকসভা নিৰ্বাচনৰ ফলাফলৰ লাইভ আপডেটৰ বাবে ক্লিক কৰক-  https://www.etvbharat.com/as/!elections/lok-sabha-election-results-2024

আনহাতে ৰাষ্ট্ৰীয় সংবাদমাধ্যমে প্ৰচাৰ কৰা নিৰ্বাচনী সমীক্ষাৰ এখন বিপৰীত দৃশ্য আজি ওলাইছে বুলি মন্তব্য কৰে দীপ বায়নে । কংগ্ৰেছে বহুত ভাল ফলাফল লাভ কৰিব বুলি মন্তব্য কৰি ৰাইজৰ উন্নতি, দেশৰ অখণ্ডতা ৰক্ষাৰ হকে ৰাইজ ওলাই আহিছে বুলি মন্তব্য কৰি ৰাইজক ধন্যবাদ আৰু কৃতজ্ঞতা জনাই বৰপেটাৰ কংগ্ৰেছৰ প্ৰাৰ্থী দীপ বায়নে ।

লগতে পঢ়ক : মাজুলী ভোটগণনা কেন্দ্ৰৰ বাহিৰত উত্তপ্ত পৰিস্থিতি - Lok Sabha Election Results 2024