জোনাই, 8 আগষ্ট : আজিৰে পৰা আনুষ্ঠানিকভাৱে ৰাজ্যত আৰম্ভ হ’ল 'নিযুত মইনা আঁচনি' ৷ জোনাইত আজি আটাইকেইখন মহাবিদ্যালয়তে 'নিযুত মইনা আঁচনি' উদ্ধোধনী অনুষ্ঠানত উপস্থিত থাকে জোনাই সমষ্টিৰ বিধায়ক ভূৱন পেগু ৷ আজি মুখ্যমন্ত্ৰী ড৹ হিমন্ত বিশ্ব শৰ্মাই এই ভাৰ্চুৱেলী উদ্বোধন কৰাৰ পিচতে জোনাই বালিকা মহাবিদ্যালয় আৰু মূৰ্কংচেলেক মহাবিদ্যালয়ত অনুষ্ঠিত বিশেষ অনুষ্ঠানত জোনাই সমষ্টিৰ বিধায়ক ভূৱন পেগুৱে অংশগ্ৰহণ কৰে ৷

তেওঁ কয় যে, বাল্য বিবাহৰ দৰে কুসংস্কাৰ ৰোধেৰে ছাত্ৰীসকলক এক সুৰক্ষিত শৈক্ষিক ভৱিষ্যৎ প্ৰদানৰ লক্ষ্যৰে ৰাজ্য চৰকাৰে গ্ৰহণ কৰা এই অভিলাষী আঁচনিখন অসমৰ নাৰী শিক্ষাৰ বাবে ঐতিহাসিক পদক্ষেপ ৷ বিধায়কজনে জোনাই সমষ্টিৰ সকলো চৰকাৰী উচ্চতৰ আৰু মহাবিদ্যালয় আৰু বিশ্ববিদ্যালয়ৰ ছাত্ৰীসকলক এই আঁচনি সুবিধা লাভ কৰাৰ বাবে আজিৰে পৰা প্ৰ-পত্ৰ সংগ্ৰহ কৰিবলৈ আহ্বান জনায় ৷

ইয়াৰ পিচতে বিধায়কজনে ছাত্ৰীসকলৰ মাজত নিযুত মইনা আঁচনিৰ প্ৰ-পত্ৰ বিতৰণৰ কৰে ৷ সভাত জোনাই মহকুমাৰ মহকুমাধিপতি শান্তনু গগৈ, জোনাই বিজ্ঞান মহাবিদ্যালয়ৰ অধ্যক্ষ ড৹ ৰাজেশ্বৰ পেগু, জোনাই বালিকা মহাবিদ্যালয়ৰ অধ্যক্ষ খৰ্গেশ্বৰ পেগু, মূৰ্কংচেলেক মহাবিদ্যালয় অধ্যক্ষ ড৹ দীপক কুমাৰ দলেৰ লগতে মহাবিদ্যালয় দুখনৰ কেবাজনো অধ্যাপক উপস্থিত থাকে ৷

লগতে পঢ়ক : ১০ লাখ ছাত্ৰীক সামৰি ৰাজ্যত আৰম্ভ হ'ল মুখ্যমন্ত্ৰীৰ নিযুত মইনা আঁচনি - Assam Nijut Moina Scheme