মৰাণ,২ মাৰ্চ: লোকসভা নিৰ্বাচনৰ পুৰ্বে দেশজুৰি পুনৰ নাগৰিকত্ব সংশোধনী আইন বলবৎ কৰিবলৈ তৎপৰ হৈছে কেন্দ্ৰীয় চৰকাৰ । কেন্দ্ৰীয় গৃহমন্ত্ৰী অমৃত শ্বাহে এই মাহৰ পৰাই সমগ্ৰ দেশত CAA বলৱৎ হ'ব বুলি ঘোষণা কৰাৰ পিছত প্ৰতিক্ৰিয়া সৃষ্টি হৈছে ৰাজ্যত । কেন্দ্ৰীয় চৰকাৰে কা বলৱৎ কৰিব বুলি ঘোষণা কৰা সময়তে পুনৰ ৰাজ্যৰ দল-সংগঠন সমূহ গৰজি উঠিছে। ইয়াৰ মাজতে CAA ক লৈ ডিব্ৰুগড়ৰ খোৱাঙত কেইবাটাও গুৰুত্বপূৰ্ণ মন্তব্য আগবঢ়াই কেবিনেট মন্ত্ৰী বিমল বড়াই ।  

মন্ত্ৰী গৰাকীয়ে কয় যে, CAA আন্দোলন কোনোবা ৰাজনৈতিক দল প্ৰতিষ্ঠা কৰিবলৈহে কৰা হৈছিল । একাংশ দল-সংগঠনে অপপ্ৰচাৰ চলাই ৰাইজৰ মাজত আতংকময় পৰিৱেশ সৃষ্টি কৰিছিল । CAA ৰ জৰিয়তে বাংলাদেশীক নাগৰিকত্ব দিয়া দেখুৱাই দিব পাৰিলে আজিয়েই বিধায়ক পদ ত্যাগ কৰিব বুলি উল্লেখ কৰে মন্ত্ৰী বড়াই । CAA আন্দোলনে অসমৰ উদ্যোগ ক্ষেত্ৰখনো বহুখিনি পিছুৱাই দিলে বুলিও গুৰুত্বপূৰ্ণ মন্তব্য কেবিনেট মন্ত্ৰী বিমল বড়াৰ ।

লগতে পঢ়ক: চৰকাৰে দমন নীতিৰে আন্দোলন বন্ধ কৰিব নোৱাৰে; আছু