শিৱসাগৰ : ছয় জনগোষ্ঠীক জনজাতিকৰণৰ দাবীত ৰাজ্যত প্ৰতিবাদ অব্যাহত আছে । মৰাণ-মটক জনগোষ্ঠীকে ধৰি আহোম জনগোষ্ঠীৰো বিভিন্ন সংগঠনে প্ৰতিবাদ অব্যাহত ৰাখিছে । তাৰ মাজতে শিৱসাগৰত সদৌ টাই আহোম ছাত্ৰ সন্থাই বৃহস্পতিবাৰে তীব্ৰ প্ৰতিবাদী কাৰ্যসূচী ৰূপায়ণ কৰে । শিৱসাগৰ দৌলমুখ চাৰিআলিত কেন্দ্ৰীয় জনজাতীয় পৰিক্ৰমা মন্ত্ৰী জুৱেল ওৰাম আৰু অসমৰ মুখ্যমন্ত্ৰীৰ পুত্তলিকা দাহেৰে প্ৰতিবাদ সাব্যস্ত কৰে সংগঠনটোৱে । আটাছু কৰ্মী তথা বিষয়ববীয়াসকলে আহোম জনগোষ্ঠীক জনজাতিকৰণৰ দাবীত এই প্ৰতিবাদ সাব্যস্ত কৰে ।

প্ৰতিবাদকাৰীয়ে অভিযোগ কৰা মতে ৰাজ্য তথা কেন্দ্ৰীয় চৰকাৰে জনজাতিকৰণৰ নামত বছৰ বছৰ ধৰি প্ৰৱঞ্চনা কৰি আহিছে । শীঘ্ৰে চৰকাৰে যদি ৬ জনগোষ্ঠীক জনজাতিৰ স্বীকৃতি নিদিয়ে তেনেহ'লে ৰাজ্যজুৰি তীব্ৰ প্ৰতিবাদৰো হুংকাৰ দিছে সদৌ টাই আহোম ছাত্ৰ সন্থাৰ সভাপতি বসন্ত গগৈয়ে ।

লগতে পঢ়ক :আজি অধিবাসেৰে দক্ষিণপাট সত্ৰত আৰম্ভ ৰাসলীলাৰ কাৰ্যসূচী