গোৱালপাৰা, 13 জুলাই: গোৱালপাৰা জিলাৰ নৱাগত শিমলীতোলাত সংঘটিত মৰ্মান্তিক নৌকা দুৰ্ঘটনাত মৃত্যু হোৱা মৃতকৰ পৰিয়ালক সাক্ষাৎ কংগ্ৰেছ বিধায়িনী দলৰ । বৃহস্পতিবাৰে শিমলীতোলাত মৃতদেহ সৎকাৰ কৰি ওভতাৰ পথতে এক শোকাৱহ নাও দুৰ্ঘটনাত মৃত্যু ঘটিছিল পাঁচজনকৈ লোকৰ । ইয়াৰ তিনিজনৰ ঘৰ শিমলীতোলা আৰু দুজনৰ ঘৰ গুৱাহাটীত বুলি জানিব পৰা গৈছে ।

শনিবাৰে অসম প্ৰদেশ কংগ্ৰেছৰ সভাপতি ভূপেন বৰা আৰু কংগ্ৰেছৰ 8 গৰাকী বিধায়ক উপস্থিত হয় শিমলীতোলাস্থিত মৃতকৰ বাসগৃহত । ভুক্তভোগী পৰিয়ালকেইটাক সাক্ষাৎ কৰি সমবেদনা জ্ঞাপন কৰাৰ লগতে কিছু আৰ্থিক সাহাৰ্য প্ৰদান কৰে 9 জনীয়া কংগ্ৰেছী নেতা-বিধায়কৰ দলটোৱে । 

অসম প্ৰদেশ কংগ্ৰেছৰ সভাপতি ভূপেন বৰাই দুৰ্ভগীয়া পৰিয়ালকেইটাক সংস্থাপন প্ৰদানৰ ব্যৱস্থা কৰিব লাগে বুলি সংবাদ মাধ্যমৰ আগত উল্লেখ কৰাৰ লগতে মটৰ পৰিবহণৰ ক্ষেত্ৰত থকাৰ দৰে নৌকা চলাচলৰ ক্ষেত্ৰতো আইন প্ৰণয়ন কৰিব লাগে বুলি মুখ্যমন্ত্ৰীৰ ওচৰত দাবী তোলে ।

লগতে পঢ়ক: গোৱালপাৰাৰ নাও দুৰ্ঘটনাত নিহতৰ পৰিয়াললৈ ৪ লাখকৈ সাহাৰ্য মুখ্যমন্ত্ৰীৰ - Goalpara Boat accident