কৃত্ৰিম বুদ্ধিমত্তাৰ দ্ৰুত আগ্ৰাসনেও স্থান ল’ব নোৱাৰিব এইকেইটা বৃত্তিৰ !
কৃত্ৰিম বুদ্ধিমত্তাই বহু চাকৰিৰ ঠাই ল’ব বুলি সকীয়াই দিছে যদিও মাইক্ৰ’ছফ্টৰ সহ-প্ৰতিষ্ঠাপক বিল গেটছে তিনিটা বৃত্তি চিনাক্ত কৰিছে যিবোৰ ক্ষেত্ৰত মানুহৰ প্ৰয়োজন অপৰিহাৰ্য ৷
Published : March 27, 2025 at 3:13 PM IST
হায়দৰাবাদ: সমগ্ৰ বিশ্বজুৰি কদৰ বৃদ্ধি হৈছে কৃত্ৰিম বুদ্ধিমত্তাৰ ৷ 2022 চনত OpenAI এ ChatGPT আৰম্ভ কৰাৰ পিছৰে পৰা কৃত্ৰিম বুদ্ধিমত্তাই আমাৰ চিন্তা আৰু কাম কৰাৰ ধৰণক নতুন ৰূপ প্ৰদান কৰিছে । বহুক্ষেত্ৰত জেমিনি, কপাইলট, ডিপছিক আদিৰ দৰে AI চেটবট বৰ্তমান কামৰ সঁজুলি হিচাপে ব্যৱহাৰ কৰা হৈছে ৷ যাৰ বাবে চিন্তাত পৰিছে পেছাদাৰীসকল ৷ কাৰণ AI য়ে বিভিন্ন খণ্ডৰ বহু চাকৰিৰ স্থান ল’ব পাৰে ।
যোৱা মাহত মাইক্ৰ’ছফ্টৰ সহ-প্ৰতিষ্ঠাপক বিল গেটছে ভৱিষ্যদ্বাণী কৰিছিল যে AI য়ে বেছিভাগ ক্ষেত্ৰতে মানুহৰ ঠাই ল’ব আৰু এতিয়া যেতিয়া এই প্ৰযুক্তি বিশ্বজুৰি সংস্থাসমূহে গ্ৰহণ কৰিছে, তেতিয়া কোটিপতিগৰাকীয়ে এই সন্দৰ্ভত কিছু বিশেষ ভৱিষ্যৎবাণী কৰিছে ।
এনভিডিয়াৰ জেনচেন হুয়াং, অ’পেনএআইৰ ছেম অল্টমেন আৰু চেলছফৰ্চৰ চিইঅ’ মাৰ্ক বেনিঅফকে ধৰি কেইবাটাও প্ৰতিবেদন আৰু টেক নেতাই অদূৰ ভৱিষ্যতে ক’ডাৰসকলে প্ৰথমে চাকৰি হেৰুৱাব বুলি ভাবিছে যদিও গেটছৰ মতে এই প্ৰক্ৰিয়াত মানুহৰ গুৰুত্বপূৰ্ণ ভূমিকা থাকিব । 69 বছৰীয়া ৰিয়ানে লগতে কয় যে AI য়ে জীৱবিজ্ঞানীৰ ঠাই ল’ব নোৱাৰিব ৷ কিন্তু ৰোগ নিৰ্ণয়, ডিএনএ বিশ্লেষণৰ দৰে কাম কৰাৰ বাবে এক উপযোগী আহিলা হিচাপে কাম কৰে কাৰণ ইয়াত বৈজ্ঞানিক আৱিষ্কাৰৰ বাবে সৃষ্টিশীলতাৰ অভাৱ । গেটছে লগতে কয় যে AI য়ে শক্তি বিশেষজ্ঞৰ ঠাই ল’ব নোৱাৰে কাৰণ এই ক্ষেত্ৰখন এতিয়াও সম্পূৰ্ণ স্বয়ংক্ৰিয় হ’ব নোৱাৰাকৈয়ে জটিল ।
ক’ডাৰ: AI সৃষ্টিকাৰী
AI ব্যৱস্থা গঢ়ি তোলাৰ বাবে দায়বদ্ধ লোকসকলো এনে লোকৰ ভিতৰত আছে, যাৰ চাকৰি সুৰক্ষিত হৈয়েই আছে । AI এ ক'ড সৃষ্টি কৰিব পাৰে যদিও, ইয়াত জটিল ছফ্টৱেৰ বিকাশৰ বাবে প্ৰয়োজনীয় নিখুঁততা, অভিযোজন ক্ষমতা আৰু সমস্যা সমাধানৰ ক্ষমতাৰ অভাৱ । গেটছে বিশ্বাস কৰিছিল যে মানৱ প্ৰগ্ৰেমাৰসকলে AI ক নিজেই পৰিশোধন, ডিবাগিং আৰু আগুৱাই নিয়াৰ ক্ষেত্ৰত গুৰুত্বপূৰ্ণ ভূমিকা পালন কৰি যাব । অৰ্থাৎ AI য়ে ক’ডিঙত সহায় কৰিব পাৰে, কিন্তু ইয়াৰ বিৱৰ্তনক পথ প্ৰদৰ্শন কৰিবলৈ ইয়াত এতিয়াও দক্ষ পেছাদাৰীৰ প্ৰয়োজন ।
শক্তি বিশেষজ্ঞ
শক্তি খণ্ডটো AI য়ে স্বতন্ত্ৰভাৱে চম্ভালিব পৰাকৈ জটিল । তেল আৰু পাৰমাণৱিক শক্তিৰ পৰা নবীকৰণযোগ্য শক্তিৰ সমাধানলৈকে উদ্যোগ বিশেষজ্ঞসকলে নিয়ন্ত্ৰণমূলক প্ৰত্যাহ্বানসমূহৰ মাজেৰে আগবাঢ়িব লাগিব, বহনক্ষম কৌশল বিকশিত কৰিব লাগিব আৰু অভাৱনীয় বিশ্বব্যাপী চাহিদাৰ প্ৰতি সঁহাৰি জনাব লাগিব । AI য়ে দক্ষতা বৃদ্ধি কৰিব পাৰে আৰু বিশ্লেষণাত্মক অন্তৰ্দৃষ্টি প্ৰদান কৰিব পাৰে যদিও গেটছে কয় যে মানুহৰ দ্বাৰা সিদ্ধান্ত গ্ৰহণ বৰ্তমানেও অবিচ্ছেদ্য হৈয়েই আছে — বিশেষকৈ সংকট ব্যৱস্থাপনা আৰু দীৰ্ঘম্যাদী শক্তি পৰিকল্পনাৰ ক্ষেত্ৰত । বৰ্তমানেও শক্তিখণ্ডৰ পেছাদাৰীসকল অপৰিহাৰ্য হৈয়েই আছে ।
জীৱবিজ্ঞানীসকলক সহায় কৰা
চিকিৎসা গৱেষণা আৰু বৈজ্ঞানিক আৱিষ্কাৰত জীৱবিজ্ঞানীসকলে অন্তৰ্দৃষ্টি, সৃষ্টিশীলতা আৰু সমালোচনাত্মক চিন্তাধাৰাৰ ওপৰত নিৰ্ভৰ কৰে — যিবোৰ দক্ষতা AI য়ে এতিয়াও আয়ত্ত কৰিব পৰা নাই । AI য়ে বিশাল ডাটাছেট প্ৰক্ৰিয়াকৰণ কৰিব পাৰে আৰু ৰোগ নিৰ্ণয়ত সহায় কৰিব পাৰে যদিও ই যুগান্তকাৰী অনুমান প্ৰণয়ন কৰিব নোৱাৰে বা বৈজ্ঞানিক অগ্ৰগতিত বৃহৎ মাইলৰ খুঁটি হিচাপে বিবেচিত হোৱা কাম কৰিব নোৱাৰে । গেটছে ভৱিষ্যদ্বাণী কৰিছিল যে চিকিৎসা বিজ্ঞানৰ সীমাবদ্ধতা ঠেলি দিয়া আৰু জীৱনৰ জটিলতাসমূহ বুজি পোৱাত জীৱবিজ্ঞানীসকল অপৰিহাৰ্য হৈ থাকিব, এআইয়ে প্ৰতিস্থাপক নহয়, এক শক্তিশালী আহিলা হিচাপে কাম কৰিব ।
লগতে পঢ়ক
