হায়দৰাবাদ: মেটাই ঘোষণা কৰিছে হোৱাটছএপৰ বাবে কিছুমান নতুন আৰু ৰোমাঞ্চকৰ বৈশিষ্ট্য যিয়ে ব্যৱহাৰকাৰীক কলাজ, সংগীত, ষ্টীকাৰ আৰু অন্যান্য বৈশিষ্ট্যৰ জৰিয়তে সম্পূৰ্ণ নতুন অভিজ্ঞতা প্ৰদান কৰিব । শীঘ্ৰে এই নতুন বৈশিষ্ট্যসমূহ মুকলি কৰিব WhatsApp এ । হোৱাটছএপৰ শেহতীয়া সংস্কৰণত আপডেট কৰাৰ পিছত আপোনাৰ মোবাইলত উপলব্ধ হ’ব এই বৈশিষ্ট্যসমূহ । অৱশ্যে এই বৈশিষ্ট্যসমূহ বিশ্বৰ সকলো ব্যৱহাৰকাৰীৰ উপলব্ধ হ’বৰ বাবে কিছু সময় লাগিব । মেটাই WhatsApp Status ত Layout, Music, Photo Stickers আৰু Add Yours কে ধৰি 4টা নতুন বৈশিষ্ট্য সংযোজন কৰিছে । এই নতুন বৈশিষ্ট্যসমূহৰ বিষয়ে জানো আহক ---
উল্লেখ্য যে, মেটাই ইতিমধ্যে জনপ্ৰিয় মেছেজিং এপ হোৱাটছএপত ইনষ্টাগ্ৰামৰ দৰে বহু বিশেষ বৈশিষ্ট্য সন্নিবিষ্ট কৰিছে । উদাহৰণস্বৰূপে, 24 ঘন্টাত হোৱাটছএপৰ ষ্টেটাছ নোহোৱা হোৱাৰ বৈশিষ্ট্যটো ইনষ্টাগ্ৰামৰ পৰাই লোৱা হৈছিল । ইয়াৰ উপৰিও ইনষ্টাগ্ৰামৰ ষ্ট’ৰী ফিচাৰৰ পৰা লোৱা হৈছে হোৱাটছএপৰ ষ্টেটাছত সংগীত সংযোগ কৰাৰ বৈশিষ্ট্য । এনে পৰিস্থিতিত হোৱাটছএপত ইনষ্টাগ্ৰামৰ ফিচাৰ অন্তৰ্ভুক্ত হোৱাটো নতুন কথা নহয় ।
হোৱাটছএপ ষ্টেটাছৰ 4 টা নতুন বৈশিষ্ট্য
ফটো বিন্যাস
এই বৈশিষ্ট্যৰ সহায়ত ব্যৱহাৰকাৰীয়ে তেওঁলোকৰ যিকোনো 6 খন ছবি একত্ৰিত কৰি এটা নতুন ফটো ক’লাজ তৈয়াৰ কৰিব পাৰে । ব্যৱহাৰকাৰীয়ে হোৱাটছএপৰ ইন-বিল্ট এডিটিং টুলৰ সহায়ত নিজৰ পছন্দ বা শৈলী অনুসৰি এই ক’লাজটো তৈয়াৰ কৰিব পাৰে । ইনষ্টাগ্ৰামত লেআউট বৈশিষ্ট্য বুমেৰাঙৰ সৈতে আহিছে, যাৰ সহায়ত ব্যৱহাৰকাৰীয়ে তেওঁলোকৰ পুৰণি ছবিৰ পৰা ক’লাজ তৈয়াৰ কৰিব পাৰে বা ষ্ট’ৰী ইণ্টাৰফেচ পৰা নতুন ছবি ক্লিক কৰিব পাৰে ।
সংগীত বৈশিষ্ট্য
এই বৈশিষ্ট্যৰ সহায়ত ব্যৱহাৰকাৰীয়ে যিকোনো গীত WhatsApp ষ্টেটাছত ৰাখিব পাৰে আৰু লগতে যিকোনো গান মিউজিক ষ্টীকাৰলৈ ৰূপান্তৰিত কৰি বেলেগ ষ্টেটাছ পোষ্টত যোগ কৰিব পাৰে ।
ফটো ষ্টিক
এই বৈশিষ্ট্যৰ জৰিয়তে ব্যৱহাৰকাৰীয়ে নিজৰ ছবি ষ্টীকাৰলৈ ৰূপান্তৰিত কৰি তাৰ পিছত হোৱাটছএপ ষ্টেটাছত যোগ কৰিব পাৰিব । ইয়াৰ সম্পাদনা বৈশিষ্ট্যৰ সহায়ত ব্যৱহাৰকাৰীয়ে ষ্টীকাৰৰ আকাৰ আৰু আকৃতিও সলনি কৰিব পাৰে ।
এড ইউৱৰ্ছ
শেহতীয়াকৈ ইনষ্টাগ্ৰামত Add Yours নামৰ এটা নতুন বৈশিষ্ট্য সংযোজন কৰা হৈছে । এই বৈশিষ্ট্যৰ জৰিয়তে ব্যৱহাৰকাৰীয়ে এখন ছবি শ্বেয়াৰ কৰিব পাৰে আৰু বন্ধুসকলক ইয়াত কিবা এটা যোগ কৰিবলৈ আমন্ত্ৰণ জনায় যাতে তেওঁলোকে নিজৰ কাহিনীৰ জৰিয়তে সঁহাৰি দিব পাৰে । এতিয়া মেটাই WhatsApp Status ত ইনষ্টাগ্ৰামৰ এই Add Yours বৈশিষ্ট্যটোও যোগ কৰিছে ।
লগতে পঢ়ক
