Volkswagen এ মুকলি কৰিলে প্ৰথমখন বৈদ্যুতিক বাহন ID.EVERY1 Concept
বৈদ্যুতিক বাহনৰ বজাৰত প্ৰৱেশ কৰিবলৈ সাজু হৈছে Volkswagen । কোম্পানীটোৱে বিশ্বজুৰি মুকলি কৰিছে নিজৰ এণ্ট্ৰি লেভেল ইলেক্ট্ৰিক গাড়ী ID.EVERY1 কনচেপ্ট ।
Published : March 8, 2025 at 2:28 PM IST
হায়দৰাবাদ: কেৱল ভাৰততে নহয়, বিশ্ব বজাৰতো ইলেক্ট্ৰিক গাড়ীৰ চাহিদা দ্ৰুতগতিত বৃদ্ধি পাইছে । ইন্ধনৰ মূল্য বৃদ্ধিৰ বাবে এতিয়া বহু লোকে বৈদ্যুতিক বাহনক অগ্ৰাধিকাৰ দিছে । এই বৰ্ধিত চাহিদা দেখি বহু অটো কোম্পানীয়ে বৈদ্যুতিক বাহন নিৰ্মাণত মনোনিৱেশ কৰিছে । বিশ্বব্যাপী অটো কোম্পানীৰ ভিতৰত এটা হৈছে Volkswagen । এতিয়া ইভি ছেগমেণ্টত শক্তিশালী প্ৰৱেশ কৰিবলৈ সাজু হৈছে Volkswagen । বিশ্বজুৰি প্ৰথমখন ইলেক্ট্ৰিক গাড়ী প্ৰৱৰ্তন কৰিছে Volkswagen এ । কোম্পানীটোৱে সম্পূৰ্ণ বৈদ্যুতিক ধাৰণা ID.EVERY1 প্ৰৱৰ্তন কৰিছে । কোম্পানীটোৰ প্ৰথমখন ইলেক্ট্ৰিক গাড়ী হোৱাৰ উপৰিও ই হ’ব এণ্ট্ৰি লেভেল আৰু আটাইতকৈ সুলভ মূল্যৰ ইভি । বৰ্তমান এই গাড়ীখন ইউৰোপীয় বজাৰৰ বাবে মুকলি কৰা হৈছে ।
ডিজাইন
এই গাড়ীখনৰ ডিজাইন অতি মিনিমালিষ্ট আৰু বক্ৰ, যিটো ইয়াৰ চোকা বডি লাইনতকৈ বহুত বেছি ঘূৰণীয়া । ইয়াৰ দৈৰ্ঘ 3880 মিলিমিটাৰ আৰু বুটৰ স্থান 305 লিটাৰ । ইয়াৰ ক’লা পেনেলত আয়তাকাৰ এল ই ডি লাইটিং আছে । বাম্পাৰত থকা কনট্ৰাষ্টেণ্ট ক’লা ট্ৰিমৰ বাবে গাড়ীখন অদিক ধুনীয়া দেখিবলৈ পোৱা গৈছে । ইয়াত ফ্লাছ টাইপৰ দুৱাৰৰ হেণ্ডেল, ব্লেক আউট অ’আৰভিএম আৰু 19 ইঞ্চিৰ ডুৱেল টোন এলয় হুইল আছে । ৰিয়াৰ লুকৰ কথা ক’বলৈ গ’লে ইয়াৰ ক’লা পেনেলত ৰেপ-আৰউণ্ড টেইল লাইট আছে, যিটো ৰঙা লাইটিং এলিমেণ্টৰ সৈতে সংযুক্ত । ইয়াত ইন্টিগ্ৰেটেড ষ্টপ লাইটৰ সৈতে ছাদত মাউণ্ট কৰা স্পয়লাৰ লিপ আছে ।
আভ্যন্তৰীণ আৰু বৈশিষ্ট্যসমূহ
ইয়াৰ ডেচব’ৰ্ডত এখন বৃহৎ পৰ্দা আছে, ইয়াৰ তলত কিছুমান ভৌতিক নিয়ন্ত্ৰণৰ সৈতে এটা পেনেল আছে । দুটা স্প’কযুক্ত ষ্টিয়াৰিং হুইল দিয়া হৈছে, য’ত মাউণ্টেড কণ্ট্ৰ’ল আছে । ইয়াৰ উপৰিও ইয়াত ব্লুটুথ স্পীকাৰ আৰু ফ্ৰন্ট চেণ্টাৰ আৰ্মৰেষ্ট আছে ।
ID.EVERY1 কনচেপ্ট ইলেক্ট্ৰিক গাড়ীখন সম্পূৰ্ণ নতুন মডিউলাৰ MEB প্লেটফৰ্মৰ ওপৰত ভিত্তি কৰি নিৰ্মাণ কৰা হ’ব । ইয়াৰ ফ্ৰন্ট হুইল ড্ৰাইভ ট্ৰেইন পোৱাৰ সম্ভাৱনা আছে । কোম্পানীয়ে এতিয়াও বেটাৰী পেক আৰু ইয়াৰ আকাৰ প্ৰকাশ কৰা নাই যদিও ইলেক্ট্ৰিক মটৰটোৱে 95 পি এছ শক্তি উৎপাদন কৰি 130 কিলোমিটাৰ প্ৰতি ঘণ্টাত সৰ্বোচ্চ গতি লাভ কৰিব বুলি আশা কৰা হৈছে ।
মূল্য
এই গাড়ীখনৰ দাম প্ৰায় 25 হাজাৰ ইউৰো (ভাৰতীয় হিচাপত প্ৰায় 22 লাখ টকা) হ’ব বুলি আশা কৰা হৈছে ।
লগতে পঢ়ক
