1 লাখতকৈ কম মূল্যত বজাৰত উপলব্ধ এইকেইখন স্কুটাৰ
বিভিন্ন কাৰণত দেশত বৃদ্ধি হোৱা পৰিলক্ষিত হৈছে দুচকীয়া বাহনৰ গুৰুত্ব ৷ এই প্ৰতিবেদনযোগে আমি আপোনালোকক জনাবলৈ বিচাৰিছো কম মূল্যত উপলব্ধ কেইখনমান উন্নত দুচকীয়াৰ বিষয়ে ৷
Published : June 26, 2025 at 11:14 AM IST
হায়দৰাবাদ: দুচকীয়া বাহনৰ ছেগমেণ্টত স্কুটাৰৰ নিজা অনুৰাগী আছে আৰু এই ছেগমেণ্টৰ বজাৰ অহৰহ বৃদ্ধি পাইছে । এই ছেগমেণ্টৰ আটাইতকৈ জনপ্ৰিয় স্কুটাৰকেইখনৰ ভিতৰত আছে হোণ্ডা এক্টিভা, টিভিএছ জুপিটাৰ আৰু চুজুকি এক্সেছৰ দৰে স্কুটাৰ । সুবিধাজনক হোৱাৰ লগতে বৰ্ধিত হাৰত বৃদ্ধি পোৱা যান-জঁটৰ বাবে নগৰীয়া পৰিবহণৰ ক্ষেত্ৰত স্কুটাৰক উন্নত বুলি গণ্য কৰা হয় ৷ এই স্কুটাৰ সকলো বয়সৰ লোকৰ বাবেই উপলব্ধ । ইয়াত আমি দেশত বিক্ৰী হোৱা এনে 5 খন পেট্ৰ’ল স্কুটাৰৰ কথা উল্লেখ কৰিছো যিবোৰ আটাইতকৈ সুলভ মূল্যত বিক্ৰী কৰা হৈছে ।
5. Hero Destini Prime (মূল্য: Rs 78,169)
হিৰো মট’কৰ্পে বাহনসমূহ সুলভ কৰি তোলাৰ বাবে কাম কৰি আছে । কোম্পানীটোৰ পৰ্টফলিঅ’ত থকা সুলভ মূল্যৰ স্কুটাৰসমূহৰ ভিতৰত অন্যতম হৈছে হিৰো ডেষ্টিনি প্ৰাইম । মন কৰিবলগীয়া যে এইখনেই হৈছে দেশত বিক্ৰী হোৱা আটাইতকৈ সুলভ মূল্যৰ 125 চিচি স্কুটাৰ । ইয়াৰ মূল্য 78,169 টকা । ইয়াত ইউএছবি চাৰ্জিং প’ৰ্ট, এক্সটাৰ্নেল ফিউৱেল ফিলাৰ আৰু ছেমি-ডিজিটেল ইনষ্ট্ৰুমেণ্টেচনৰ দৰে বৈশিষ্ট্য আছে ।
4. Hero Pleasure+ (মূল্য: 77,577 টকাৰ পৰা 83,897 টকা)
এই তালিকাৰ পৰৱৰ্তী স্কুটাৰখনো হিৰো মট’কৰ্পৰ, যিটো হৈছে হিৰো প্লেজাৰ+। 110cc স্কুটাৰ, ইয়াৰ মূল্য আটাইতকৈ বেছি ৷ বেছ ভেৰিয়েন্টৰ বাবে 77,577 টকাৰ পৰা আৰম্ভ হয় আৰু ৰেঞ্জ টপিং এক্সটেক ভেৰিয়েন্টৰ বাবে 83,897 টকা (এক্স-শ্ব’ৰুম), যিয়ে এল ই ডি হেডলাইট আৰু জিঅ’-ফেন্সিং আৰু লকেচন ট্ৰেকিঙৰ দৰে সংযুক্ত বৈশিষ্ট্য লাভ কৰে ।
3. Honda Dio (মূল্য: 74,958 টকাৰ পৰা 86,312 টকা)
হোণ্ডা এক্টিভাৰ সলনি দ্বিতীয় বিকল্প হ’ণ্ডা ডিঅ’ও ভাৰতীয় ক্ৰেতাৰ মাজত অতি জনপ্ৰিয় । স্প’ৰ্টী ডিজাইন আৰু গ্রাফিক্সৰ বাবে কলেজলৈ যোৱা আৰু যুৱ ক্ৰেতাসকলৰ মাজত হোণ্ডা ডিঅ’ অতি জনপ্ৰিয় । স্প’ৰ্টী চৰিত্ৰৰ বাবে হোণ্ডা ডিঅ’ৰ সৈতে চোকা ষ্টাইলিং আৰু আকৰ্ষণীয় ৰঙৰ আঁচনি আছে । লগতে অতি সুলভ মূল্যত ই উপলব্ধ ।
2. Hero Xoom (মূল্য: 78,067 টকাৰ পৰা 84,017 টকা)
Hero Pleasure+ ৰ দৰেই Xoom ত 110.9cc ইঞ্জিনও ব্যৱহাৰ কৰা হৈছে । এই স্কুটাৰখন হোণ্ডা ডিঅ’ৰ প্ৰতিদ্বন্দ্বী, য’ত আছে স্প’ৰ্টী ষ্টাইলিং আৰু বহুতো ডাঙৰ ডাঙৰ বৈশিষ্ট্য । ইয়াত ব্লুটুথ সংযোগ, অনন্য কৰ্ণাৰিং লাইট আৰু শীৰ্ষ ভেৰিয়েন্টত ডাইমণ্ড কাট এলয় হুইল পোৱা যায় । ইয়াৰ Combat Edition ৰ মূল্য 78,067 টকাৰ পৰা আৰম্ভ হৈ 84,017 টকালৈ বৃদ্ধি পায় ।
1. TVS Zest 110 (মূল্য: 71,015 টকাৰ পৰা 73,752 টকা)
এই তালিকাৰ প্ৰথম স্থানত আছে TVS Zest 110 । ই ভাৰতৰ আটাইতকৈ ইক’ন’মিক পেট্ৰ’লচালিত স্কুটাৰ । এই স্কুটাৰখনত 109.7 চিচি ইঞ্জিন ব্যৱহাৰ কৰা হৈছে, যিয়ে 7.6 বিএইচপি শক্তি আৰু 8.8 এনএম টৰ্ক উৎপন্ন কৰে ৷ 2014 চনত মুকলি কৰা এই স্কুটাৰখন মুকলি হোৱাৰ এদশকৰো অধিক সময় হ’ল ।
লগতে পঢ়ক
