হায়দৰাবাদ: ভাৰতীয় বজাৰত দ্ৰুতগতিত বৃদ্ধি পাইছে বৈদ্যুতিক বাহনৰ চাহিদা । বিশেষকৈ দুচকীয়া বাহনৰ বিক্ৰী প্ৰতিমাহে ভাল হৈয়েই আছে । বজাৰত বৈদ্যুতিক স্কুটাৰৰ চাহিদা বেছি হ’লেও বহুতে ইলেক্ট্ৰিক মটৰ চাইকেল কিনিবলৈ পছন্দ কৰে । যদি আপুনিও ইলেক্ট্ৰিক মটৰ চাইকেল ক্ৰয় কৰিব বিচাৰিছে আৰু সুলভ মূল্যত কিনিব বিচাৰে, তেন্তে ইয়াত আমি আপোনাক শীৰ্ষ-5 বিকল্পৰ বিষয়ে জনাবলৈ বিচাৰিছো, যিবোৰ আটাইতকৈ সুলভ মূল্যত উপলব্ধ---
1. ৰিভ’ল্ট আৰ ভি1 (মূল্য - 91,317 টকা)
ৰিভল্ট মটৰে এই ইলেক্ট্ৰিক মটৰ চাইকেলখন বেটাৰীৰ ওপৰত ভিত্তি কৰি দুটা আৰু ৰঙৰ বিকল্পৰ ওপৰত ভিত্তি কৰি চাৰিটা ভিন্নতাত বিক্ৰী কৰিছে । কোম্পানীটোৱে 2.2 কিলোৱাট ঘণ্টা আৰু 3.24 কিলোৱাট ঘণ্টাৰ বেটাৰীৰ বিকল্প প্ৰদান কৰে, যাৰ ৰেঞ্জ 100 কিলোমিটাৰ আৰু 160 কিলোমিটাৰ । মূল্যৰ কথা ক’বলৈ গ’লে ইয়াৰ মূল্য ক্ৰমে 91,317 টকা, 94,368 টকা, 1,06,571 টকা আৰু 1,09,622 টকা (এক্স শ্ব’ৰুম) ।
2) ওবেন ৰ’ৰ ইজেড (মূল্য - 1,00,112 টকা)
ইলেক্ট্ৰিক দুচকীয়া বাহন নিৰ্মাতা কোম্পানী অবেন ইলেক্ট্ৰিক কোম্পানীয়েও বজাৰত নিজৰ সুলভ মূল্যৰ ইলেক্ট্ৰিক বাইক বিক্ৰী কৰিছে, যিখন বাইক তিনিটা বেটাৰীৰ ভিন্নতাত উপলব্ধ । এই বেটাৰীৰ বিকল্পসমূহৰ ভিতৰত আছে 2.6 কিলোৱাট ঘণ্টা, 3.4 কিলোৱাট ঘণ্টা আৰু 4.4 কিলোৱাট ঘণ্টাৰ বেটাৰী পেক, যাৰ মূল্য ক্ৰমে 1,00,112 টকা, 1,20,468 টকা আৰু 1,30,646 টকা (এক্স শ্ব’ৰুম)। ৰেঞ্জৰ কথা ক’বলৈ গ’লে বেটাৰীৰ ওপৰত নিৰ্ভৰ কৰি ইয়াৰ ৰেঞ্জ ক্ৰমে 110 কিলোমিটাৰ, 140 কিলোমিটাৰ আৰু 175 কিলোমিটাৰ । এই মটৰ চাইকেলখনত তিনিটা ৰাইডিং মোডো আছে - ইকো, স্পৰ্ট আৰু হাইপাৰ ।
3) ওলা ৰডষ্টাৰ এক্স (মূল্য - 1,00,706 টকা)
এইখনেই হৈছে অ’লা ইলেক্ট্ৰিকৰ দ্বিতীয়খন সুলভ মূল্যৰ ইলেক্ট্ৰিক বাইক, যিখন তিনিটা বেটাৰী ভেৰিয়েণ্টত বিক্ৰী কৰা হৈছে । ইয়াৰ ভিতৰত আছে 2.5 কিলোৱাট ঘণ্টা, 3.5 কিলোৱাট ঘণ্টা আৰু 4.5 কিলোৱাট ঘণ্টা, যাৰ ৰেঞ্জ ক্ৰমে 140 কিলোমিটাৰ, 196 কিলোমিটাৰ আৰু 252 কিলোমিটাৰ । মূল্যৰ কথা ক’বলৈ গ’লে এইবোৰৰ মূল্য ক্ৰমে 1,00,706 , 1,10,997 আৰু 1,21,287 টকা (এক্স শ্ব’ৰুম)। ইয়াত তিনিটা ৰাইডিং মোড আছে - ইকো, নৰ্মেল আৰু স্পৰ্টচ ।
৪) অ’লা ৰডষ্টাৰ (মূল্য - 1,05,379 টকা)
চলিত বৰ্ষত মুকলি কৰা হৈছে ওলা ইলেক্ট্ৰিক ইলেক্ট্ৰিক বাইক ৰেঞ্জ । এই ৰেঞ্জত অন্তৰ্ভুক্ত কৰা অলা ৰ’ডষ্টাৰখন মুঠ তিনিটা বেটাৰী ক্ষমতাৰ ভিন্নতাত বিক্ৰী কৰা হৈছে । ইয়াত বিকল্প আছে 3.5 কিলোৱাট ঘণ্টা, 4.5 কিলোৱাট ঘণ্টা আৰু 6 কিলোৱাট ঘণ্টা আৰু ইয়াৰ ভিত্তিত ইয়াৰ ৰেঞ্জ আৰু মূল্য নিৰ্ধাৰণ কৰা হৈছে, যিটো ক্ৰমে 1,05,379 টকা, 1,20,646 টকা আৰু 1,41,002 টকা । ইহঁতৰ ৰেঞ্জ ক্ৰমে 151 কিলোমিটাৰ, 190 কিলোমিটাৰ আৰু 248 কিলোমিটাৰ পৰ্যন্ত ।
5) ৰিভল্ট আৰভি ব্লেজএক্স (মূল্য - 1,11,456 টকা)
ৰিভল্ট মটৰে এই মটৰ চাইকেলখন মাত্ৰ এটা ভেৰিয়েণ্টত বিক্ৰী কৰিছে, য’ত 3.24 কিলোৱাট ঘণ্টাৰ পৰ্টেবল বেটাৰী ইনষ্টল কৰা হৈছে । এই বেটাৰীৰ বাবেই ই-বাইকখনে 150 কিলোমিটাৰ পৰ্যন্ত ৰাইডিং ৰেঞ্জ লাভ কৰে । কোম্পানীয়ে ইয়াত তিনিটা ৰাইডিং মোড দিছে - ইকো, চিটি আৰু স্প’ৰ্ট । স্প’ৰ্ট মোডত ইয়াৰ সৰ্বোচ্চ গতি ঘণ্টাত 85 কিলোমিটাৰ । ইয়াত স্থাপন কৰা বৈদ্যুতিক মটৰে 5.4 বিএইচপি শক্তি উৎপাদন কৰে ।
লগতে পঢ়ক
ভাৰতত বৃদ্ধি বৈদ্যুতিক দুচকীয়া বাহনৰ চাহিদা; শীৰ্ষত বাজাজ অটো
কেন্দ্ৰীয় বাজেট 2025: হ্ৰাস হ’ব নেকি ইলেকট্ৰিক গাড়ীৰ দাম; কি ক’লে বিত্তমন্ত্ৰীয়ে ?
2030 চনৰ ভিতৰত বাহনৰ বৈদ্যুতিকীকৰণৰ ক্ষেত্ৰত নিৰ্ধাৰিত লক্ষ্যত উপনীত হ’ব পাৰিবনে ভাৰত ?
