অন্ত পৰিল অপেক্ষা-উৎকণ্ঠাৰ ! আবদ্ধ মহাকাশচাৰীদ্বয়ৰ পৃথিৱীলৈ উভতি অহাৰ সময় নিশ্চিত কৰিলে নাছাই
অৱশেষত অন্ত পৰিল অপেক্ষা-উৎকণ্ঠাৰ । সুনীতা উইলিয়ামছ আৰু তেওঁৰ সংগী বাচ্চ উইলম’ৰ সাজু হৈছে পৃথিৱীলৈ ঘূৰি আহিবলৈ ।
Published : February 12, 2025 at 4:57 PM IST
হায়দৰাবাদ: পুনৰ নিৰ্ধাৰণ হ’ল মহাকাশত আবদ্ধ মহাকাশচাৰীদ্বয়ক পৃথিৱীলৈ ঘূৰাই অনাৰ সময় ৷ মঙলবাৰে নাছাই ঘোষণা কৰে যে যে ক্ৰু-10 মিছনৰ অধীনত সুনীতা আৰু বেৰীক ঘূৰাই পঠাবলগীয়া কেপচুলটো সন্দৰ্ভত সিদ্ধান্ত সলনি কৰা হৈছে । যাৰ ফলত সুনীতা আৰু বেৰীয়ে নিৰ্ধাৰিত সময়ৰ পূৰ্বে ঘূৰি আহিব পাৰে বুলি আশা কৰা হৈছে ।
আমেৰিকাৰ মহাকাশ সংস্থাটোৱে ঘোষণা কৰে যে আন্তঃৰাষ্ট্ৰীয় মহাকাশ কেন্দ্ৰলৈ অহা-যোৱা কৰা আগন্তুক ক্ৰু ঘূৰণীয়া অভিযানৰ লক্ষ্য উৎক্ষেপণ আৰু উভতি অহাৰ তাৰিখ ত্বৰান্বিত কৰিছে ।
পূৰ্বে 25 মাৰ্চত অনুষ্ঠিত হ’বলগীয়া এই লঞ্চটো এতিয়া 12 মাৰ্চ অৰ্থাৎ বুধবাৰলৈ আগুৱাই দিয়া হৈছে । অৱশ্যে নাছাই ঘোষণাত কয় যে এইটো “মিছন ৰেডিনেছ আৰু এজেন্সীৰ উৰণ প্ৰস্তুতিৰ প্ৰমাণীকৰণ প্ৰক্ৰিয়া সম্পূৰ্ণ হোৱাৰ অপেক্ষাত”।
মহাকাশ সংস্থাটোৱে জনোৱা মতে, নতুনকৈ অহা ক্ৰু-10 অভিযান দলৰ সৈতে হেণ্ডঅভাৰ প্ৰক্ৰিয়া সম্পূৰ্ণ কৰি ক্ৰু-9 কেপচুলটো ঘূৰি আহিব । নাছাই কয় যে মিছন পৰিচালনা দলসমূহে নতুন কেপচুলৰ পৰিৱৰ্তে ইতিমধ্যে উৰুৱাই থোৱা স্পেচএক্স ক্ৰু ড্ৰেগন কেপচুল ব্যৱহাৰ কৰাৰ সিদ্ধান্ত লৈছে কাৰণ ইয়াৰ উৎপাদন আপাত দৃষ্টিত পলম হৈছে ।
এতিয়া ব্যৱহাৰ হ’বলগীয়া এই কেপচুলৰ নাম ‘এণ্ডুৰেন্স’। নাছাৰ বিবৃতিত কোৱা হৈছে যে, “দলসমূহে ড্ৰেগনৰ নৱীকৰণ সম্পূৰ্ণ কৰি মহাকাশযানখন উৰণৰ বাবে সাজু কৰাৰ কাম কৰিব, য’ত ট্ৰাংক ষ্টেক, প্ৰপেলেণ্ট লোড আৰু মিছনৰ ফেলকন 9 ৰকেটৰ সৈতে সংগম কৰিবলৈ ফ্ল’ৰিডাৰ নাছাৰ কেনেডি স্পেচ চেণ্টাৰৰ 39A ত থকা স্পেচএক্সৰ হেংগাৰলৈ পৰিবহণ কৰা আদি অন্তৰ্ভুক্ত কৰা হৈছে ।
2024 চনৰ জুন মাহত দুয়োজনেই বয়িঙৰ ষ্টাৰলাইনাৰ কেপচুলত আই এছ এছলৈ উৰা মাৰিছিল, তাৰ পিছত বিমানখনৰ হিলিয়াম লিককে ধৰি যথেষ্ট কিবাকিবি ক্ষতিগ্ৰস্ত হৈছিল । যিহেতু নাছাৰ মহাকাশচাৰী দুগৰাকী মহাকাশ কেন্দ্ৰত আছে, সুনীতাই আই এছ এছৰ দায়িত্ব গ্ৰহণ কৰিছে ।
মহাকাশচাৰী দুগৰাকীৰ উভতি অহাটো নিৰ্ভৰ কৰে ক্ৰু-10 অভিযানৰ চাৰিজনীয়া অভিযানকাৰী দলৰ আগমনৰ ওপৰত ।
লগতে পঢ়ক
