সৃষ্টিশীলতা বৃদ্ধিৰ বাবে কৃত্ৰিম বুদ্ধিমত্তাৰ ওপৰত নিৰ্ভৰশীল হ’বলৈ আহ্বান সুন্দৰ পিচাইৰ
দ্ৰুত আৰু আধুনিক কামৰ বাবে কৃত্ৰিম বুদ্ধিমত্তাৰ ওপৰত নিৰ্ভৰশীল হ’বলৈ আহ্বান গুগলৰ শীৰ্ষ কাৰ্যবাহী বিষয়া সুন্দৰ পিচাইৰ ৷
Published : August 5, 2025 at 1:06 PM IST
হায়দৰাবাদ: গুগলে নিজৰ কৰ্মচাৰীসকলক এআইৰ ওপৰত অধিক নিৰ্ভৰ কৰিবলৈ আহ্বান জনাইছে ৷ দ্ৰুত আৰু আধুনিক কাম কৰাত সহায় কৰিবলৈ কৃত্ৰিম বুদ্ধিমত্তা নিৰ্ভৰশীল ল’বলৈ পিচাইয়ে আহ্বান জনাইছে । টেক জায়াণ্টটোৰ শীৰ্ষ বিষয়াসকলে স্পষ্ট কৰি দিছে যে কাম কৰাৰ নতুন পদ্ধতিটো হ’ল কম ধন ব্যয়েৰে অধিক কাম কৰা আৰু তাৰ এক বৃহৎ অংশ কৃত্ৰিম বুদ্ধিমত্তা । যোৱা সপ্তাহত কোম্পানীব্যাপী এখন বৈঠকৰ সময়ত গুগলৰ শীৰ্ষ কাৰ্যবাহী বিষয়া সুন্দৰ পিচাইয়ে দলসমূহৰ ওপৰত বৃদ্ধি পোৱা আশাৰ বিষয়ে কয় । এআই সঁজুলি নিৰ্মাণ কৰাটো গুৰুত্বপূৰ্ণ হৈয়েই আছে যদিও, গুগলৰ দলসমূহে কেনেকৈ কাম কৰিব লাগে সেইটোও সলনি হৈছে ।
CNBC ৰ এক প্ৰতিবেদন অনুসৰি পিচাইয়ে কৰ্মচাৰীসকলক কয়, “যিকোনো সময়তে আপুনি অসাধাৰণ বিনিয়োগৰ সময়ছোৱাৰ মাজেৰে পাৰ হৈ যায়, আপুনি বহুত হেডকাউণ্ট যোগ কৰি সঁহাৰি জনায় নহয়নে ? কিন্তু এই কৃত্ৰিম বুদ্ধিমত্তাৰ সময়ত মই ভাবো যে আমি এই পৰিৱৰ্তনৰ সুবিধা লৈ অধিক উৎপাদনশীলতাক আগুৱাই নিবলৈ অধিক সাধন কৰিব লাগিব ।” ইয়াৰ দ্বাৰা আজি বহু টেক কোম্পানীয়ে যি কৰি আছে তাক প্ৰতিফলিত কৰে — এআইত বহু ধন ৰাখিছে, কিন্তু কম কৰ্মচাৰীৰে অধিক কাম চম্ভালিবলৈও দলসমূহক কোৱা হৈছে । CNBC য়ে লগতে কয় যে গুগলৰ মূল কোম্পানী আলফাবেটে 2025 চনত আন্তঃগাঁথনিৰ বাবে 85 বিলিয়ন ডলাৰ ব্যয় কৰাৰ পৰিকল্পনা কৰিছে । এয়া এই বছৰৰ আৰম্ভণিতে পৰিকল্পনা কৰা 75 বিলিয়ন ডলাৰতকৈ অধিক ।
পিচাইৰ এই কথাটো সমৰ্থন কৰিছিল ব্রায়ান ছালুজ্জোৱেও, যিয়ে গুগলৰ মূল টেক চিষ্টেমসমূহ পৰিচালনা কৰা অভিযান্ত্ৰিক দলসমূহৰ নেতৃত্ব দিয়ে । ছালুজ্জোই কয় যে বিশেষকৈ গুগলৰ চফট্ ৱেৰ ডেভেলপাৰসকলৰ বাবে এআইক অধিক দৈনন্দিন কামৰ পৰিসৰলৈ অনাৰ “প্ৰকৃত প্ৰয়োজনীয়তা” আছে । তাৰ ভিতৰত আছে তেওঁলোকক দ্ৰুতভাৱে ক'ড কৰাত সহায় কৰিবলৈ AI সঁজুলি আৰু শ্ৰমিকসকলক AI ভালদৰে বুজিবলৈ সহায় কৰিবলৈ প্ৰশিক্ষণ কাৰ্যসূচী ।
গুগলে ইয়াৰ আভ্যন্তৰীণ এআই সঁজুলিসমূহো প্ৰচাৰ কৰি আছে, যেনে চাইডাৰ — এআই ভিত্তিক ক’ডিং হেল্পাৰ — যিটো ছালুজ্জোৰ মতে ইতিমধ্যে ইয়াৰ প্ৰৱেশাধিকাৰ থকা আধা লোকে সাপ্তাহিকভাৱে ব্যৱহাৰ কৰে । তেওঁ গুগলৰ কৰ্মচাৰীসকলৰ বাবে নিৰ্মিত ৱেবছাইট “এআই চেভি গুগল”ৰ কথাও উল্লেখ কৰে যিয়ে তেওঁলোকক এআই শিকিবলৈ সহায় কৰিবলৈ টুলকিট, পাঠ আৰু পাঠ্যক্ৰম শ্বেয়াৰ কৰে । গুগলে ডিপমাইণ্ডৰ সৈতেও মিলি “Building with Gemini” নামৰ এটা প্ৰশিক্ষণ পাঠ্যক্ৰম নিৰ্মাণ কৰিছে, যিটো অতি সোনকালে আৰম্ভ হ’ব ।
মানসিকতাৰ এই পৰিৱৰ্তন কেৱল গুগলত হোৱা নাই ৷ আমাজন, মাইক্ৰ’ছফ্ট, শ্বপিফাইৰ দৰে আন প্ৰধান টেক কোম্পানীসমূহেও শ্ৰমিকসকলে এআই অধিক সঘনাই ব্যৱহাৰ কৰাৰ আশা কৰিছে ।
ইফালে, গুগলৰ মুঠ কৰ্মচাৰীৰ সংখ্যা 2023 চনৰ সৰ্বোচ্চ স্থানৰ পৰা কিছু হ্ৰাস পাইছে । এতিয়া ইয়াৰ 1 লাখ 87 হাজাৰতকৈ অলপ বেছি পূৰ্ণকালীন কৰ্মচাৰী আছে । পিচাইয়ে স্বীকাৰ কৰে যে কোম্পানীটোৰ সম্পদ কম ৷ তেওঁ কয়, “আমি বহুত বেছি বিনিয়োগৰ সময়ছোৱাৰ মাজেৰে পাৰ হ’ম আৰু মই ভাবো আমি আমাৰ সম্পদৰ ক্ষেত্ৰত মিতব্যয়ী হ’ব লাগিব ।”
লগতে পঢ়ক
