Spotify এ বৃদ্ধি কৰিলে প্ৰতিটো প্ৰিমিয়াম প্লেনৰ মূল্য

হায়দৰাবাদ: যদি আপুনি সংগীত অনুৰাগী আৰু গান শুনিবৰ বাবে স্পটিফাই ব্যৱহাৰ কৰে তেন্তে এই খবৰে আপোনাৰ মনত দুখ দিব পাৰে । আচলতে সংগীত ক্ষেত্ৰৰ সৈতে জড়িত এটা বৃহৎ কোম্পানী স্পটিফাইয়ে সোমবাৰে ভাৰত, দক্ষিণ এছিয়া, মধ্যপ্ৰাচ্য, আফ্ৰিকা, ইউৰোপ আদি কিছুমান দেশত নিজৰ প্ৰিমিয়াম প্লেনৰ হাৰ বৃদ্ধি কৰাৰ কথা ঘোষণা কৰে । অৰ্থাৎ এতিয়া ব্যৱহাৰকাৰীয়ে স্পটিফাইৰ প্ৰিমিয়াম সেৱাৰ বাবে পূৰ্বতকৈ অধিক ধন খৰচ কৰিব লাগিব । এই সন্দৰ্ভত বিতংকৈ জানো আহক ---

কিয় spotify য়ে বৃদ্ধি কৰিলে দাম

স্পটিফাইয়ে কয় যে তেওঁলোকে প্ৰিমিয়াম চাবস্ক্ৰাইবাৰসকলক প্ৰিমিয়াম প্লেনৰ হাৰ বৃদ্ধিৰ বিষয়ে ইমেইলৰ জৰিয়তে অৱগত কৰিব । ৰেট বৃদ্ধিৰ পিছত ব্যৱহাৰকাৰীয়ে অধিক ধন খৰচ কৰি বিজ্ঞাপন নোহোৱাকৈ সংগীত শুনিব লাগিব, নিজৰ পছন্দ অনুসৰি গীতৰ প্লেলিষ্ট ছেট কৰিব লাগিব, যিকোনো গীত যিকোনো ক্ৰমত বজাব লাগিব আৰু উন্নত অডিঅ’ মানদণ্ডৰ গীত শুনিব লাগিব ।

ভাৰতত নতুন হাৰ কি কি?

ভাৰতত স্পটিফাইৰ নতুন ৰেটৰ কথা ক’বলৈ গ’লে ইয়াক স্পটিফাই এপত দেখিবলৈ পোৱা গৈছে । স্পটিফাই এপত চাৰি ধৰণৰ প্ৰিমিয়াম প্লেন আছে - ব্যক্তিগত, যুটীয়া, পৰিয়াল আৰু ছাত্ৰ । এই চাৰিটা প্ৰিমিয়াম প্লেনৰ মূল্য বৃদ্ধি কৰা হৈছে । আমি ওপৰত কোৱাৰ দৰে স্পটিফাই মিউজিক এপত চাৰি ধৰণৰ প্ৰিমিয়াম প্লেন আছে । পূৰ্বে ব্যৱহাৰকাৰীয়ে Individual Premium plan ৰ বাবে প্ৰতিমাহে 119 টকা খৰচ কৰিব লাগিছিল, কিন্তু এতিয়া তেওঁলোকে 20 টকা বেছিকৈ অৰ্থাৎ 139 টকা খৰচ কৰিব লাগিব ।

Duo প্লেনৰ বাবে ব্যৱহাৰকাৰীয়ে আগতে 149 টকা খৰচ কৰিব লাগিছিল যদিও এতিয়া 30 টকা অৰ্থাৎ 179 টকা অধিক ব্যয় কৰিব লাগিব । আনহাতে পৰিয়াল প্লেনৰ বাবে ব্যৱহাৰকাৰীয়ে মাহে 179 টকা আগতে খৰচ কৰিব লাগিছিল যদিও এতিয়া 40 টকা অধিক অৰ্থাৎ 229 টকা খৰচ কৰিব লাগিব । ইয়াৰ বাহিৰেও ছাত্ৰৰ বাবে উপলব্ধ প্লেনৰ বাবে ছাত্ৰ-ছাত্ৰীয়ে আগতে প্ৰতিমাহে 59 টকা খৰচ কৰিব লাগিছিল, কিন্তু এতিয়া তেওঁলোকে 10 টকা অধিক অৰ্থাৎ 69 টকা খৰচ কৰিব লাগিব ।

স্পটিফাইয়ে কয় যে তেওঁলোকে নিজৰ সামগ্ৰীসমূহ উন্নত কৰাৰ বাবে কাম কৰি আছে যাতে ইয়াৰ ব্যৱহাৰকাৰীসকলক গীত আদি শুনাৰ বাবে এক সুন্দৰ অভিজ্ঞতা প্ৰদান কৰিব পৰা যায় ।বৰ্তমানৰ স্পটিফাই ব্যৱহাৰকাৰীসকলে তেওঁলোকৰ পৰৱৰ্তী বিলিং চক্ৰত নতুন ৰেটসমূহ দেখিব, আনহাতে নতুন ব্যৱহাৰকাৰীসকলে নতুন অৰ্থাৎ আৰম্ভণিৰে পৰা বৃদ্ধি কৰা ৰেটৰ সৈতে এটা ছাবস্ক্ৰিপচন কিনিব লাগিব ।

লগতে পঢ়ক

• এতিয়াৰে পৰা হোৱাটছএপ ষ্টেটাচতো লগাব পাৰিব পছন্দৰ গানটো, জানক এয়া কেনেকৈ সম্ভৱ
• অধিক উন্নত হ’ল স্পটিফাই AI; ভইচ কামাণ্ডৰ জৰিয়তেও শুনিব পাৰিব পছন্দৰ গানটো
• বিতৰ্কৰ আৱৰ্তত স্পটিফাই; গান ছাৰ্চ কৰোতে ওলাল আপত্তিজনক দৃশ্য