হায়দৰাবাদ: শনিবাৰে ইলন মাস্কৰ মালিকানাধীন স্পেচএক্সে ঘোষণা কৰে যে তেওঁলোকৰ প্ৰথম মেৰু কক্ষপথ অভিযান, যাক Fram2 নামেৰে নামাকৰণ কৰা হৈছে 31 মাৰ্চৰ নিশা 9.46 বজাত ইটি (ভাৰতীয় সময় অনুসৰি 1 এপ্ৰিলৰ 7.16 বজাত) নাছাৰ ফ্ল’ৰিডাৰ কেনেডি মহাকাশ কেন্দ্ৰৰ পৰা উৎক্ষেপণ কৰা হ’ব । ফ্ৰেম2 অভিযানে মানৱ ইতিহাসত প্ৰথমবাৰৰ বাবে চাৰিজন মহাকাশচাৰীক মেৰু কক্ষপথলৈ লৈ যাব, যাক নিম্ন পৃথিৱী কক্ষপথ বুলিও কোৱা হয় ।
স্পেচএক্সৰ প্ৰাৰম্ভিক উৎক্ষেপণৰ উইণ্ড'ৰ 4.5 ঘণ্টাৰ ভিতৰত তিনিটা অতিৰিক্ত উৎক্ষেপণৰ সুযোগ আৰু 2 এপ্ৰিলত বেকআপৰ সুযোগো আছে ।
Teams rolled Falcon 9 and Dragon out to the pad at 39A in Florida ahead of the vehicles going vertical pic.twitter.com/AgbhtUQdhc
— SpaceX (@SpaceX) March 29, 2025
Fram2 মিছনৰ ক্ৰুত আছে মিছন কমাণ্ডাৰ চুন ৱাং, বাহন কমাণ্ডাৰ জেনিকে মিকেলচেন, বাহন পাইলট ৰাবেয়া ৰগ আৰু মিছন বিশেষজ্ঞ আৰু চিকিৎসা বিষয়া এৰিক ফিলিপছ । আন্তঃৰাষ্ট্ৰীয় ক্ৰুসকলক 90 ডিগ্ৰী বৃত্তাকাৰ কক্ষপথলৈ লৈ যোৱা হ’ব, যাৰ ফলত তেওঁলোকে উত্তৰ আৰু দক্ষিণ মেৰু দুয়োটাৰে ওপৰেৰে উৰণ কৰিব পাৰিব । এই যাত্ৰাৰ সময়ত তেওঁলোকে অৰোৰা ব’ৰেলিছৰ দৰে প্ৰাকৃতিক পৰিঘটনা পৰ্যবেক্ষণ কৰিব বুলি আশা কৰা হৈছে ।
এই অভিযানৰ বাবে ধন আগবঢ়াইছে ৱাঙ নামৰ এজন উদ্যোগীয়ে যিয়ে এই প্ৰকল্পৰ বাবে বিত্তীয় সাহায্য আগবঢ়াইছে । ফটোগ্ৰাফীৰ কামৰ বাবে পৰিচিত জেনিকে মিকেলচেন এগৰাকী চলচ্চিত্ৰ নিৰ্মাতা, আনহাতে 29 বছৰীয়া মহাকাশচাৰী ৰ’গে মহাকাশত প্ৰথমগৰাকী জাৰ্মান মহিলা হিচাপে পৰিগণিত হ’ব । ফিলিপছ অষ্ট্ৰেলিয়াৰ এজন মেৰু অভিযাত্ৰী ।
এই অভিযানৰ বাবে ব্যৱহাৰ কৰা হৈছে ড্ৰেগন মহাকাশযান , যিটো ক্ৰু-1, ইনস্পিৰেচন4 আৰু পোলাৰিছ ডনৰ দৰে মানৱ মহাকাশ অভিযানৰ বাবে ব্যাপকভাৱে ব্যৱহাৰ কৰা হৈছে ।
Fram2 হ’ব বহুদিন ধৰি পৰিকল্পনা কৰি থকা মহাকাশ অভিযান য’ত ড্ৰেগন মহাকাশযান আৰু ইয়াৰ দলটোৱে মেৰু কক্ষপথৰ পৰা পৃথিৱী অন্বেষণ কৰিব, মেৰু অঞ্চলৰ ওপৰেৰে উৰি যাব । মহাকাশচাৰীসকলে মহাকাশত মানৱ স্বাস্থ্যৰ বুজাবুজিৰ ওপৰত গুৰুত্ব আৰোপ কৰি 22 টা গৱেষণামূলক অধ্যয়ন কৰিব । তেওঁলোকৰ পৰীক্ষাসমূহৰ ভিতৰত মহাকাশত প্ৰথম এক্স-ৰে লৈ পেশী আৰু কংকালৰ ভৰ অধ্যয়ন কৰা আৰু মাইক্ৰ’গ্ৰেভিটিত ভেঁকুৰ ডাঙৰ কৰা আদি অন্তৰ্ভুক্ত ।
মহাকাশচাৰীসকলে চিকিৎসা বা কাৰ্যকৰী সহায় অবিহনে মহাকাশযানখনৰ পৰা ওলাই অহাৰ লক্ষ্যও লৈছে, যাৰ ফলত হ্ৰস্ব আৰু দীৰ্ঘকালীন দুয়োটা মহাকাশ অভিযানৰ প্ৰভাৱৰ বিষয়ে অধিক অধ্যয়ন কৰাটো সম্ভৱ হ’ব ।
লগতে পঢ়ক
