ভুৱা পেমেন্ট এপৰ পৰা সাৱধান; 1 ছেকেণ্ডতে খালী হৈ পৰিব পাৰে আপোনাৰ বেংক একাউণ্ট! পৰিত্ৰাণৰ উপায় কি ?
ভুৱা পেমেন্ট এপবোৰো দেখিবলৈ প্ৰকৃত এপৰ দৰেই । লেনদেনৰ ক্ষেত্ৰত ভুৱা এপৰ পৰা কেনেদৰে বাচি থাকিব জানো আহক---
Published : April 16, 2025 at 3:40 PM IST
হায়দৰাবাদ: বৰ্তমান সকলোৱে ব্যৱহাৰ কৰে ডিজিটেল পেমেণ্ট ৷ যদি আপুনিও অনলাইন পেমেণ্ট ব্যৱহাৰ কৰে তেন্তে সাৱধান হওক । ভুৱা পেমেণ্ট এপবোৰ দিনক দিনে অধিক সক্ৰিয় তথা স্মাৰ্ট হৈ আহিছে আৰু এইবোৰ দেখিবলৈ সাইলাখ প্ৰকৃত এপৰ দৰে । এই এপসমূহ কেৱল ইউজাৰ ইন্টাৰফেচ আৰু ডিজাইনত মূল এপসমূহৰ সৈতে মিল থকাই নহয়, ভুৱা লেনদেনৰ জাননী আৰু শব্দৰে আপোনাক প্ৰতাৰণা কৰিব পাৰে । এনে পৰিস্থিতিত আপুনি সজাগ হৈ থকাটো আৰু কিছুমান সাধাৰণ কথা মনত ৰাখি নিজকে আৰু আপোনাৰ ব্যৱসায়ক সুৰক্ষিত কৰি ৰখাটো গুৰুত্বপূৰ্ণ ।
ভুৱা পেমেণ্ট এপবোৰে কেনেকৈ কাম কৰে ?
ভুৱা পেমেণ্ট এপবোৰ দেখাত প্ৰকৃত এপৰ দৰে । ইহঁতৰ ৰং, ডিজাইন আৰু কাম কৰাৰ প্ৰণালীও প্ৰায় একে । এইবোৰত লেনদেন প্ৰক্ৰিয়াও একেধৰণৰ যেন লাগে, যাৰ বাবে প্ৰথম দৃষ্টিত চিনাক্ত কৰাটো কঠিন হৈ পৰে । আনকি কিছুমান এপত ভুৱা পেমেণ্ট বিপ বা নটিফিকেচনৰ শব্দও বজাই আনজনে পেমেণ্ট কৰা হৈছে বুলি ভাবিবলৈ বাধ্য কৰো হয় । এনে এপসমূহে বিশেষকৈ দোকানীসকলক লক্ষ্য কৰি লয়, য’ত তেওঁলোকে খৰখেদা আৰু ভিৰৰ সুযোগ লৈ ঠগ খায় । ভুৱা পেমেণ্ট এপ বৈধ পেমেণ্ট এপ্লিকেচনৰ নকল ।
ভুৱা পেমেণ্ট এপৰ পৰা কেনেকৈ সুৰক্ষিত থাকিব
প্ৰৱঞ্চকে ভুৱা পেমেণ্ট এপ ব্যৱহাৰ কৰি নিৰীহ ভুক্তভোগীক তেওঁলোকে লেনদেন সম্পূৰ্ণ কৰা বুলি পতিয়ন নিয়ায় । বাস্তৱত তেওঁলোকে এটা ভুৱা এপ ব্যৱহাৰ কৰে যিয়ে কেৱল পেমেণ্ট লেনদেনক অনুকৰণ কৰে, যাৰ ফলত ভুক্তভোগীয়ে পিছতহে উপলব্ধি কৰে যে লেনদেনটো ভুৱা ।
ভুৱা পেমেণ্ট এপৰ পৰা সজাগ আৰু সুৰক্ষিত হৈ থাকিবলৈ সহায় কৰা কেইটামান টিপছ ইয়াত দিয়া হ’ল:
1) লেনদেনৰ হিষ্ট’ৰী পৰীক্ষা কৰক: সদায় আপোনাৰ পেমেণ্ট এপ বা বেংক একাউণ্টৰ জৰিয়তে লেনদেন পৰীক্ষা কৰক । কেৱল স্ক্ৰীণশ্বট বা জাননীৰ ওপৰত নিৰ্ভৰ নকৰিব ।
2) অসামঞ্জস্যপূৰ্ণ তথ্য: লেনদেনৰ বিৱৰণত অমিল বিচাৰক । ভুৱা এপসমূহত সূক্ষ্ম ভুল বা অসামঞ্জস্য থাকিব পাৰে যিয়ে আপোনাক কেলেংকাৰীৰ বিষয়ে সতৰ্ক কৰি দিব পাৰে ।
3) হেঁচা প্ৰয়োগ: সঠিক পৰীক্ষণৰ বাবে সময় নিদিয়াকৈ লেনদেন সম্পূৰ্ণ কৰিবলৈ লৰালৰি কৰা ব্যক্তিৰ পৰা সাৱধান হওক ।
4) অজ্ঞাত এপ: আপোনাৰ অঞ্চলত সাধাৰণতে ব্যৱহৃত বৈধ পেমেণ্ট এপৰ সৈতে নিজকে পৰিচিত কৰক । যদি কোনোবাই অচিনাকি এপৰ জৰিয়তে পেমেণ্ট কৰে, তেন্তে সাৱধানে আগবাঢ়িব ।
ব্যৱসায়ীসকলে কি কি অতিৰিক্ত সাৱধানতা অৱলম্বন কৰিব লাগে?
ক্ৰমান্বয়ে ভুৱা পেমেণ্ট এপৰ লক্ষ্য হৈ পৰিছে ব্যৱসায়ীসকল । ব্যস্ত দোকান বা ব্যৱসায়ীৰ বিভক্ত মনোযোগৰ বিশৃংখলতাৰ সুযোগ লৈ প্ৰৱঞ্চকে এই ভুৱা পেমেণ্ট এপবোৰেৰে তেওঁলোকক প্ৰতাৰণা কৰে ।
ব্যৱসায়ীসকলৰ বাবে কিছুমান প্ৰয়োজনীয় টিপছ আগবঢ়োৱা হ’ল যিয়ে ভুৱা পেমেণ্ট এপৰ পৰা জালিয়াতি ৰোধ কৰাত সহায় কৰিব।
- আপোনাৰ কৰ্মচাৰীসকলক শিক্ষিত কৰক: নিশ্চিত কৰক যে সকলো কৰ্মচাৰীয়ে এই কেলেংকাৰীৰ বিষয়ে সচেতন আৰু প্ৰৱঞ্চনামূলক লেনদেন কেনেকৈ ধৰা পেলাব লাগে সেই বিষয়ে জানে।
- পৰীক্ষণ পদ্ধতি ৰূপায়ণ কৰা: সামগ্ৰী বা সেৱা প্ৰদান কৰাৰ আগতে পেমেণ্ট পৰীক্ষা কৰাৰ বাবে এটা মানক প্ৰক্ৰিয়া বিকশিত কৰা । ইয়াৰ ভিতৰত আপোনাৰ PhonePe স্মাৰ্ট স্পীকাৰৰ পৰা পেমেণ্ট প্ৰমাণীকৰণৰ বাবে অপেক্ষা কৰা (ভুৱা এপসমূহে এই সতৰ্কবাণী বাৰ্তাসমূহ ট্ৰিগাৰ কৰিব নোৱাৰে), লেনদেন আইডি পৰীক্ষা কৰা বা আপোনাৰ পেমেণ্ট প্ৰচেছৰৰ পৰা নিশ্চিতকৰণৰ বাবে অপেক্ষা কৰা অন্তৰ্ভুক্ত হ'ব পাৰে ।
- সন্দেহজনক কাৰ্যকলাপৰ ৰিপৰ্ট: যদি আপুনি কোনো সন্দেহযুক্ত ভুৱা পেমেণ্ট এপৰ সন্মুখীন হয়, তেন্তে তৎক্ষণাত সংশ্লিষ্ট কৰ্তৃপক্ষ আৰু আপোনাৰ পেমেণ্ট প্ৰচেছৰক ৰিপৰ্ট কৰক ৷ PhonePe এ নিজৰ ব্ৰেণ্ডৰ অনুকৰণ কৰা প্ৰৱঞ্চনামূলক এপ আৰু চেনেলৰ বিৰুদ্ধে সক্ৰিয়ভাৱে যুঁজি আছে । কোম্পানীটোৱে নিজৰ ট্ৰেডমাৰ্ক উলংঘা ৰোধ কৰিবলৈ ‘জন ড’’ নিষেধাজ্ঞা আদেশ বিচাৰি মাদ্ৰাজ উচ্চ ন্যায়ালয়ৰ কাষ চাপিছে সক্ৰিয় ব্যৱস্থা গ্ৰহণ কৰিছে ।
উক্ত গোচৰৰ পিছত আদালতে ছ’চিয়েল মিডিয়া প্লেটফৰ্মক ফোনপেৰ পৰা যিকোনো অভিযোগ লাভ কৰাৰ লগে লগে যিকোনো ভুৱা পেমেণ্ট এপ পোষ্টক ক্ষিপ্ৰতাৰে সম্বোধন কৰি নমাই আনিবলৈ নিৰ্দেশ দিছে ।
যদি আপুনি PhonePe ত কোনো প্ৰৱঞ্চকৰ দ্বাৰা প্ৰতাৰিত হৈছে, তেন্তে আপুনি PhonePe এপত বা গ্ৰাহক সেৱা নম্বৰ 080–68727374 / 022–68727374, বা PhonePe ৰ অফিচিয়েল ছ’চিয়েল মিডিয়া হেণ্ডেলত ফোন কৰি এনে কেলেংকাৰীৰ ৰিপ’ৰ্ট তৎক্ষণাত দিব পাৰে । শেষত, আপুনি নিকটতম চাইবাৰ ক্ৰাইম শাখাত জালিয়াতিৰ অভিযোগৰ ৰিপৰ্ট দিব পাৰে বা https://www.cybercrime.gov.in/ ত অনলাইনত অভিযোগ পঞ্জীয়ন কৰিব পাৰে বা চাইবাৰ ক্ৰাইম চেলৰ হেল্পলাইন -- 1930 ত যোগাযোগ কৰিব পাৰে ।
লগতে পঢ়ক
সাৱধান ! চাইবাৰ অপৰাধীৰ টাৰ্গেটত নিবনুৱা, গৃহিণী...: গৃহ মন্ত্ৰণালয়
AI ৰ অপব্যৱহাৰ: ChatGPT ৰ জৰিয়তে নিখুঁতভাৱে প্ৰস্তুত হৈ আছে ভুৱা আধাৰ, পান কাৰ্ড
চাইবাৰ অপৰাধৰ সংখ্যা হ্ৰাস কৰিবলৈ দূৰসংযোগ মন্ত্ৰণালয়ৰ সৈতে হাত মিলালে WhatsApp এ
