ভাৰতত মুকলি হ’ল Samsung Galaxy Tab S11 ছিৰিজ আৰু Galaxy Buds 3 FE; জানক দাম আৰু বৈশিষ্ট্য

হায়দৰাবাদ: 4 ছেপ্টেম্বৰৰ দিনা ছেমছাঙে গেলেক্সি ইভেণ্টৰ আয়োজন কৰে । এই অনুষ্ঠানত কোম্পানীয়ে এটা নতুন ফোন, নতুন টেবলেট ছিৰিজ আৰু নতুন ইয়াৰবাড মুকলি কৰিছে । ছেমছাঙৰ নতুন ফোন - Samsung Galaxy S25 FE ৰ বিষয়ে ইতিমধ্যে আমাৰ পূৰ্বৰ প্ৰতিবেদনত উল্লেখ কৰিছো । এই লেখাটোত আমি ছেমছাঙৰ নতুন টেবলেট ছিৰিজ আৰু ইয়াৰবাডৰ বিষয়ে উল্লেখ কৰিম । ছেমছাঙৰ নতুন টেবলেট ছিৰিজৰ নাম দিয়া হৈছে Samsung Galaxy Tab S11 Series । এই ছিৰিজৰ দুটা টেবলেট আছে, যাৰ নাম হৈছে Galaxy Tab S11 আৰু Galaxy Tab S11 Ultra । ইয়াৰ উপৰিও কোম্পানীটোৱে ছেমছাং গেলেক্সি বাডছ 3FE ও মুকলি কৰিছে । উল্লেখ্য যে এই ডিভাইচসমূহৰ ভাৰতীয় মূল্য এতিয়াও প্ৰকাশ কৰা হোৱা নাই ।

ছেমছাং গেলেক্সি টেব S11 স্পেচিফিকেশন

ছেমছাঙৰ এই নতুন টেবলেটটোত 11 ইঞ্চিৰ Dynamic AMOLED 2X ডিছপ্লে আছে, যাৰ ৰিজ’লিউচন 2560 x 1600 পিক্সেল । এই পৰ্দাৰ ৰিফ্ৰেছ ৰেট 120 হাৰ্টজ আৰু শীৰ্ষ উজ্জ্বলতা 1600 নিট । ই মাত্ৰ 5.5 মিলিমিটাৰ মোটা । ইয়াৰ ওজনৰ কথা ক’বলৈ গ’লে ইয়াৰ দুটা বেলেগ বেলেগ মডেলৰ ওজন ভিন্ন ।

গেলাক্সি টেব এছ 11 ৰ ৱাই-ফাই মডেলৰ ওজন 469 গ্ৰাম, আনহাতে 5G মডেলৰ ওজন 471 গ্ৰাম । ইয়াত পানী আৰু ধূলিৰ পৰা হাত সাৰিবলৈ IP68 ৰেটিংযুক্ত সুৰক্ষা আছে । এই টেবলেটত প্ৰচেছৰৰ বাবে MediaTek Dimensity 9400+ চিপছেট আছে । ই Android 16 ৰ ওপৰত ভিত্তি কৰি One UI 8 ত চলি আছে । এই টেবলেটত বহুতো AI বৈশিষ্ট্য দিয়া হৈছে, যেনে Galaxy AI + Gemini Live + Writing Assist + Drawing Assist ইত্যাদি । ইয়াৰ উপৰিও Samsung DeX নামৰ এটা নতুন এক্সটেণ্ডেড মোড পোৱা গৈছে, যিয়ে ব্যৱহাৰকাৰীক ডুৱেল স্ক্ৰীণ সমৰ্থন প্ৰদান কৰে । ইয়াত ব্যৱহাৰকাৰীসকলে 4টা স্বনিৰ্বাচিত কাৰ্যস্থানো পায় । এই টেবলেটটোৰ সৈতে এটা পুনৰ ডিজাইন কৰা এছ পেনও আছে, যিয়ে কুইক টুলছ আৰু ষ্টিকি নোটকো সমৰ্থন কৰে ।

ইয়াৰ পিছফালে আছে 13MP কেমেৰা । ইয়াৰ সন্মুখত 12MP কেমেৰা আছে ছেলফি আৰু ভিডিঅ’ কলিঙৰ বাবে । ইয়াৰ উপৰিও ইয়াত কোৱাড স্পীকাৰ, বুক কভাৰ কিবৰ্ড শ্লীম ছাপৰ্ট, এণ্টি-ৰিফ্লেক্টিভ স্ক্ৰীণ প্ৰটেক্টৰ ছাপৰ্ট আছে ।

এই টেবলেটত 8,400mAh বেটাৰী আছে, যিটো 45W ফাষ্ট চাৰ্জিং সমৰ্থনৰ সৈতে উপলব্ধ । কোম্পানীটোৱে এই টেবলেটটো তিনিটা ভেৰিয়েন্টত মুকলি কৰিছে, যাৰ ষ্ট’ৰেজ মাইক্ৰ’ এছডি কাৰ্ডৰ সহায়ত 2TB পৰ্যন্ত বৃদ্ধি কৰিব পাৰি । ইয়াৰ ভিন্নতা আৰু ইয়াৰ মূল্য তলত দিয়া ধৰণৰ:

• 12 GB ৰেম + 512 GB
• 12 GB ৰেম + 256 GB
• 12 GB ৰেম + 128 GB

ছেমছাং গেলেক্সি টেব S11 আল্ট্ৰা স্পেচিফিকেশন

এই নতুন ছেমছাং টেব চেটটোত আছে 14.6 ইঞ্চিৰ Dynamic AMOLED 2X স্ক্ৰীণ, যাৰ ৰিজ’লিউচন 2960 x 1848 পিক্সেল । এই স্ক্ৰীণৰ ৰিফ্ৰেছ ৰেট 120 হাৰ্টজ, শীৰ্ষ উজ্জ্বলতা 1600 নিট, স্ক্ৰীণ টু বডি ৰেচিঅ’: সংকীৰ্ণ 5.2 মিমি বেজেল । ছেমছাঙে কয় যে এইটো আজি পৰ্যন্ত নিৰ্মাণ হোৱা আটাইতকৈ পাতল গেলাক্সি টেব । ই মাত্ৰ 5.1 মিলিমিটাৰ মোটা । ইয়াৰ ওজনৰ কথা ক’বলৈ গ’লে ইয়াৰ দুটা বেলেগ বেলেগ মডেলৰ ওজন ভিন্ন ।

গেলাক্সি টেব এছ 11 আল্ট্ৰাৰ ৱাই-ফাই মডেলৰ ওজন 692 গ্ৰাম, আনহাতে 5G মডেলৰ ওজন 695 গ্ৰাম । ইয়াত পানী আৰু ধূলিৰ পৰা হাত সাৰিবলৈ IP68 ৰেটিংযুক্ত সুৰক্ষা আছে । এই টেবলেটত প্ৰচেছৰৰ বাবে 3nm MediaTek Dimensity 9400+ চিপছেট আছে । ই Android 16 ৰ ওপৰত ভিত্তি কৰি One UI 8 ত চলিব । এই টেবলেটত বহুতো AI বৈশিষ্ট্য দিয়া হৈছে, যেনে Galaxy AI + Gemini Live + Writing Assist + Drawing Assist ইত্যাদি । ইয়াৰ উপৰিও Samsung DeX নামৰ এটা নতুন এক্সটেণ্ডেড মোড পোৱা যায়, যি ডুৱেল স্ক্ৰীণ সমৰ্থিত । এই টেবলেটটোত এটা নতুনকৈ ডিজাইন কৰা এছ পেনও আছে, যিটো শঙ্কু আকৃতিৰ টিপ আৰু ষড়ভুজ বডিৰ সৈতে উপলব্ধ । ইয়াৰ S Pen ত Quick Tools আৰু Sticky Note সমৰ্থনো আছে ।

ইয়াৰ পিছফালে ডুৱেল কেমেৰা ছেটআপ আছে, যাৰ মূল কেমেৰাত 13 MP আৰু দ্বিতীয় কেমেৰাত 8 MP চেন্সৰ আছে । ইয়াৰ সন্মুখত 12MP কেমেৰা আছে ছেলফি আৰু ভিডিঅ’ কলিঙৰ বাবে । টেবলেটটোত কোৱাড স্পীকাৰ, বুক কভাৰ কিবৰ্ড শ্লীম ছাপৰ্ট, এণ্টি ৰিফ্লেক্টিভ স্ক্ৰীণ প্ৰটেক্টৰ ছাপৰ্ট আদিও আছে ।

এই টেবলেটত 11,600mAh বেটাৰী আছে, যিটো 45W ফাষ্ট চাৰ্জিং সমৰ্থিত । কোম্পানীটোৱে এই টেবলেটটো তিনিটা ভেৰিয়েন্টত মুকলি কৰিছে, যাৰ ষ্ট’ৰেজ মাইক্ৰ’ এছডি কাৰ্ডৰ সহায়ত 2TB পৰ্যন্ত বৃদ্ধি কৰিব পাৰি । ইয়াৰ ভিন্নতা আৰু ইয়াৰ মূল্য তলত দিয়া ধৰণৰ:

• 16 GB ৰেম + 1TB
• 12 GB ৰেম + 512 GB
• 12 GB ৰেম + 256 GB

ছেমছাং গেলেক্সি টেব S11 আল্ট্ৰা বনাম ছেমছাং গেলেক্সি টেব S11: দুয়োটা টেবলেটৰ তুলনা

দুয়োটা টেবলেটৰ একে বৈশিষ্ট্যৰ তালিকা

Galaxy AI সঁজুলি:

• জেমিনী লাইভ (দৃশ্যমান ইনপুট আৰু বাস্তৱ সময়ৰ প্ৰশ্ন আৰু উত্তৰ)
• লিখাৰ সহায়ক (স্বৰ আৰু শৈলী সামঞ্জস্য কৰা)
• অংকন সহায়ক (স্কেচসমূহক পৰিষ্কাৰ দৃশ্যলৈ ৰূপান্তৰিত কৰক)
• গুগলৰ চাৰ্কল টু চাৰ্চ বৈশিষ্ট্য
• অন-স্ক্ৰীণ টেক্সট অনুবাদ

S Pen ৰ বাবে সৃষ্টিশীল এপ সমৰ্থন:

• GoodNotes (1 বছৰ বিনামূল্যে)
• ক্লিপ ষ্টুডিঅ' পেইন্ট (6 মাহৰ বিনামূলীয়া + 20% ৰেহাই)
• LumaFusion (66% ৰেহাই + 1 মাহৰ সৃষ্টিকৰ্তা পাছ)
• নশ্যন AI (1 মাহৰ বিনামূলীয়া প্লাছ পৰিকল্পনা)

Samsung Galaxy Buds 3 FE স্পেচিফিকেশন

আজিও ছেমছাঙে মুকলি কৰিছে Galaxy Buds 3 FE । ইয়াৰ দ্বাৰা পূৰ্বৰ মডেলতকৈ উন্নত এএনচি আৰু শব্দৰ মান উপলব্ধ । ছেমছাঙৰ মতে, ইয়াত থকা ক্রিষ্টাল ক্লিয়াৰ কল প্ৰযুক্তিয়ে মেচিন লাৰ্নিঙৰ সহায়ত বেকগ্ৰাউণ্ডৰ শব্দ হ্ৰাস কৰে আৰু স্পীকাৰৰ মাত স্পষ্টকৈ ধৰি ৰাখে । এই ইয়াৰবাডসমূহে পিঞ্চ জেষ্টাৰৰ সৈতে নিৰ্বাচন আৰু চুইপ জেষ্টাৰৰ সৈতে ভলিউম এডজাষ্টমেণ্টো প্ৰদান কৰে । গেলেক্সি ইক’চিষ্টেমৰ বৈশিষ্ট্যসমূহৰ ভিতৰত আছে অটো চুইচ, যিয়ে গেলেক্সি ডিভাইচসমূহৰ মাজত সংযোগ স্বয়ংক্ৰিয়ভাৱে স্থানান্তৰিত কৰে । এই ইয়াৰবাডসমূহে "হে গুগল" কমাণ্ডৰ জৰিয়তে গুগল জেমিনীলৈও হেণ্ডছ ফ্ৰী প্ৰৱেশৰ সুবিধা প্ৰদান কৰে ।

লগতে পঢ়ক

• 50MP ট্ৰিপল ৰিয়াৰ কেমেৰাৰ সৈতে ভাৰতত মুকলি হ’ল Samsung Galaxy S25 FE
• আইফোন 17 মুকলিৰ পূৰ্বে ভিনটেজ তালিকাত স্থান দিয়া হ’ল আইফোন 8 প্লাছক
• 19,999 টকা আৰম্ভণি মূল্যত মুকলি হ’ল বিশ্বৰ সবাতোকৈ শ্লীম 3D Curved Display যুক্ত Tecno Pova Slim 5G