49 লাখ টকা আৰম্ভণি মূল্যত ভাৰতত মুকলি নতুন প্ৰজন্মৰ Volkswagen Tiguan

Volkswagen ইণ্ডিয়াই মুকলি কৰিছে নতুন প্ৰজন্মৰ Volkswagen Tiguan । কোম্পানীয়ে ইয়াৰ মূল্য 49 লাখ টকা (এক্স শ্ব’ৰুম) নিৰ্ধাৰণ কৰিছে ।

হায়দৰাবাদ: ভাৰতত Volkswagen ইণ্ডিয়াই মুকলি কৰিলে নতুন প্ৰজন্মৰ Volkswagen Tiguan । কোম্পানীটোৱে এই নতুন প্ৰজন্মৰ গাড়ীখন 49 লাখ টকা (এক্স শ্ব’ৰুম) মূল্যত মুকলি কৰিছে । Volkswagen ইণ্ডিয়াৰ ফ্লেগশ্বিপ এছ ইউ ভি হিচাপে পৰিচিত এই এছ ইউ ভিখন ভাৰতত কেৱল আৰ লাইন ভেৰিয়েণ্টতহে মুকলি কৰা হৈছে । এই গাড়ীখন চিবিইউ হিচাপে সীমিত পৰিমাণত আমদানি কৰা হ’ব ।

Volkswagen Tiguan R-Line ডিজাইন

Tiguan আৰ-লাইন নতুন প্ৰজন্মৰ মডেল, গতিকে ইয়াক বৰ্তমানৰ Tiguan ৰ তুলনাত যথেষ্ট পৃথক দেখা যায় । সন্মুখত Tiguan আৰ-লাইনত সংযুক্ত এল ই ডি ষ্ট্ৰিপৰ সৈতে চিকচিকিয়া হেডলাইট আৰু তলত ৰূপালী ৰঙৰ সৈতে এটা বিশাল জালৰ আৰ্হিৰ এয়াৰ ডেম দেখা গৈছে । এই গাড়ীখনৰ স্প’ৰ্টী প্ৰকৃতিৰ কথা বিবেচনা কৰিলে টিগুয়ানৰ সন্মুখত ক্ৰ’মৰ ব্যৱহাৰ নূন্যতম কৰি ৰখা হৈছে ।

49 লাখ টকা আৰম্ভণি মূল্যত ভাৰতত মুকলি নতুন প্ৰজন্মৰ Volkswagen Tiguan (Volkswagen)

Volkswagen Tiguan R-Line ৰ আভ্যন্তৰীণ অংশ

যদি আমি Tiguan আৰ লাইনৰ কেবিনটো চাওঁ তেন্তে ইয়াত সম্পূৰ্ণ ক’লা আৰু স্প’ৰ্টছ চিটত নীলা ৰং থকা দেখা হৈছে । চেণ্টাৰ কনছ’লৰ ওপৰত 12.3 ইঞ্চিৰ টাচস্ক্ৰীণ ইনফ’টেইনমেণ্ট চিষ্টেম আছে, যিটো ক্লাইমেট কণ্ট্ৰ’ল ফাংচনৰ সৈতে আহে । ইয়াৰ লগতে বেতাঁৰ এপল কাৰপ্লে আৰু এণ্ড্ৰইড অটোও উপলব্ধ । ইয়াৰ উপৰিও আছে ‘আৰ’ বেজিং থকা থ্ৰী স্প’ক ষ্টিয়াৰিং, যাৰ পিছফালে 10.3 ইঞ্চিৰ অল ডিজিটেল ইনষ্ট্ৰুমেণ্ট ক্লাষ্টাৰ দেখা যায় ।

Volkswagen Tiguan R-Line ৰ বৈশিষ্ট্য

49 লাখ টকা আৰম্ভণি মূল্যত ভাৰতত মুকলি নতুন প্ৰজন্মৰ Volkswagen Tiguan (Volkswagen)

টিগুয়ান আৰ-লাইনত আগবঢ়োৱা আন আন ডাঙৰ বৈশিষ্ট্যসমূহৰ ভিতৰত আছে পেনোৰামিক ছানৰুফ, 30 ৰঙৰ এম্বিয়েণ্ট লাইটিং, ট্ৰাই-জ’ন ক্লাইমেট কণ্ট্ৰ’ল, ব্ৰাছ কৰা ষ্টেইনলেছ ষ্টীল পেডেল, ফ্ৰন্ট চিট মালিচ কৰা, দুটা ফোনলৈকে বেতাঁৰ চাৰ্জিং আৰু লেভেল 2 এডিএএছ । ভাৰতত উপলব্ধ টিগুয়ান আৰ-লাইনত ফক্সৱেগেনৰ পাৰ্ক এছিষ্ট প্লাছ প্ৰযুক্তিও আছে, যিয়ে উপযুক্ত পাৰ্কিং স্থান বিচাৰিব পাৰে আৰু চালকৰ হস্তক্ষেপ অবিহনে পাৰ্কিং কৌশল সম্পন্ন কৰিব পাৰে ।

Volkswagen Tiguan R-Line ৰ পাৱাৰট্ৰেইন আৰু পাৰফৰমেন্স

49 লাখ টকা আৰম্ভণি মূল্যত ভাৰতত মুকলি নতুন প্ৰজন্মৰ Volkswagen Tiguan (Volkswagen)

ফক্সৱেগেনে টিগুয়ান আৰ-লাইনত 2.0 লিটাৰৰ টাৰ্বো-পেট্ৰল ইঞ্জিন ব্যৱহাৰ কৰিছে, যিয়ে 201 বিএইচপি শক্তি আৰু 320 এনএম টৰ্ক উৎপাদন কৰে । ইঞ্জিনটো 7 স্পীড ডুৱেল ক্লাচ ট্ৰেন্সমিছনৰ সৈতে সংযুক্ত কৰা হৈছে, যিয়ে গাড়ীৰ চাৰিওটা চকাকে শক্তি প্ৰদান কৰে । এই ইঞ্জিনৰ বাবেই এই গাড়ীখনে 7.1 ছেকেণ্ডত 0-100 কিলোমিটাৰ প্ৰতি ঘণ্টাত সহজেই গতি লাভ কৰিব পাৰে আৰু ইয়াৰ শীৰ্ষ গতিবেগ প্ৰতি ঘণ্টাত 229 কিলোমিটাৰ ।

লগতে পঢ়ক