2 এপ্ৰিলত মুকলি হ’ব মটৰ’লা এজ 60 ফিউজন
মটৰ’লাই শীঘ্ৰে ভাৰতত মটৰ’লা এজ 60 ফিউজন মুকলি কৰাৰ সম্ভাৱনা আছে । কোম্পানীটোৱে ইয়াৰ মূল ডিজাইন আৰু ডিছপ্লে বৈশিষ্ট্যসমূহ প্ৰদৰ্শন কৰা অফিচিয়েল টিজাৰ শ্বেয়াৰ কৰে।
Published : March 24, 2025 at 5:25 PM IST
হায়দৰাবাদ: মটৰ’লাই অতি সোনকালে ভাৰতত মটৰ’লা এজ 60 ফিউজন মুকলি কৰিব বুলি আশা কৰা হৈছে । অনলাইনত নতুন এজ হেণ্ডছেটৰ বিষয়ে অফিচিয়েল টিজাৰ প্ৰকাশ পাইছে যিয়ে আগন্তুক ডিভাইচটোৰ মূল ডিজাইন আৰু ডিছপ্লে বৈশিষ্ট্যসমূহৰ ইংগিত দিছে । কোম্পানীটোৱে এতিয়াও আনুষ্ঠানিকভাৱে এই ডিভাইচটোৰ নাম আৰু মুকলিৰ তাৰিখ ঘোষণা কৰা নাই । পূৰ্বৰ লিকসমূহত স্মাৰ্টফোনটোৰ ডিজাইন ৰেণ্ডাৰ আৰু ৰঙৰ ৰূপৰ লগতে ইয়াৰ প্ৰত্যাশিত মূল্য আৰু স্পেচিফিকেশনসমূহো প্ৰদৰ্শিত হৈছিল । উল্লেখযোগ্য যে যোৱা বছৰৰ মে’ মাহত মুকলি কৰা মটৰ’লা এজ 50 ফিউজন আগন্তুক এজ 60 ফিউজনৰ পূৰ্বসূৰী হ’ব ।
ভাৰতত মটৰ’লা এজ 60 ফিউজন মুকলি: সবিশেষ তথ্য
আগন্তুক মটৰ’লা স্মাৰ্টফোন উপলব্ধ হ’বলগীয়া Flipakrt ৰ এটা মাইক্ৰ’ছাইটত প্ৰকাশ পাইছে যে এই হেণ্ডছেটটো ধূলি আৰু পানী প্ৰতিৰোধৰ বাবে IP68 আৰু IP69 ৰেটিংৰ সৈতে উপলব্ধ হ’ব । পিছৰ ৰেটিঙে ফোনটোৰ ধূলি আৰু উচ্চ চাপৰ পানীৰ জেট সহ্য কৰাৰ ক্ষমতাক বুজায়, আনহাতে পূৰ্বৰ ৰেটিঙে পানীৰ তলৰ সুৰক্ষাৰ ইংগিত দিয়ে । X পোষ্টত কোম্পানীটোৱে টিজাৰৰ জৰিয়তে দেখুৱাইছে যে হেণ্ডছেটটোত “100 শতাংশ সঁচা ৰং” থকা কোৱাড-কাৰ্ভড ডিছপ্লে থাকিব বুলি আশা কৰা হৈছে । এই ডিভাইচটোৱে AI বৈশিষ্ট্য সমৰ্থন কৰে বুলি কোৱা হৈছে যদিও এই বৈশিষ্ট্যসমূহ এতিয়াও আনুষ্ঠানিকভাৱে নিশ্চিত কৰা হোৱা নাই ।
Built to last, designed to #EdgeOutTheOrdinary, & capture every moment. Stay tuned! pic.twitter.com/X3B8TeOf7E
— Motorola India (@motorolaindia) March 22, 2025
টিপষ্টাৰ অভিষেক যাদৱৰ মতে, 2025 চনৰ 2 এপ্ৰিলত ভাৰতত মুকলি কৰা হ’ব মটৰ’লা এজ 60 ফিউজন ।তেওঁ লগতে কয় যে এই ডিভাইচটো 9 এপ্ৰিলত বিক্ৰীৰ বাবে উপলব্ধ হোৱাৰ সম্ভাৱনা আছে । লিক অনুসৰি ডিভাইচটোত 120Hz ৰিফ্ৰেছ ৰেটৰ সৈতে 6.7 ইঞ্চি কোৱাড কাৰ্ভড AMOLED ডিছপ্লে থাকিব । ইয়াত সম্ভৱতঃ মিডিয়াটেক ডাইমেনচিটি 7400 চিপছেট থাকিব, 12 জিবি পৰ্যন্ত ৰেম আৰু 512 জিবি পৰ্যন্ত ষ্ট’ৰেজৰ সৈতে সংযোগ কৰা হ’ব । হেণ্ডছেটটোত ডুৱেল কেমেৰা ছেটআপ থাকিব পাৰে য’ত 50 এমপি চ’নী LYT700 প্ৰাইমেৰী ৰিয়াৰ কেমেৰা আৰু 13 এমপি ছেকেণ্ডাৰী কেমেৰা আছে । সন্মুখত 32 এমপি কেমেৰা দিয়া হ’ব পাৰে ৷
On the edge of something extraordinary. Are you ready?#ComingSoon #EdgeOutTheOrdinary
— Motorola India (@motorolaindia) March 20, 2025
IP68 আৰু IP69 ৰেটিঙৰ উপৰিও এই হেণ্ডছেটটোত MIL-STD-810 ৰ মিলিটাৰী গ্ৰেডৰ প্ৰমাণপত্ৰও প্ৰদান কৰা হ’ব পাৰে । ইয়াৰ উপৰিও এই ডিভাইচটো লাইট ব্লু, ছালমন (লাইট পিংক), আৰু লেভেণ্ডাৰ (লাইট পাৰ্পল) ৰঙৰ ৰূপত উপলব্ধ হোৱাৰ সম্ভাৱনা আছে ।
নিৰ্বাচিত বিশ্বব্যাপী বজাৰত মটৰ’লা এজ 60 ফিউজনৰ মূল্য 8জিবি ৰেম + 256জিবি ষ্ট’ৰেজ কনফিগাৰেচনৰ বাবে 350 ইউৰো (প্ৰায় 33,100 টকা) হ’ব বুলি ইংগিত দিয়া হৈছে । উল্লেখযোগ্য যে মটৰ’লা এজ 60 ফিউজন ভাৰতত ফ্লিপকাৰ্টৰ জৰিয়তে ক্ৰয় কৰিব পৰা যাব ।
লগতে পঢ়ক
