মুকলি হ’ল মেটা AI এপ: য’ত বন্ধুৰ সৈতে প্ৰকাশ কৰাৰ দৰেই পাতিব পাৰিব কথা-বতৰা
মেটাই মুকলি কৰিছে নতুন এপ - মেটা AI এপ ৷ য’ত আছে বহু উন্নত বৈশিষ্ট্য ৷
Published : May 1, 2025 at 11:38 AM IST
হায়দৰাবাদ: 30 এপ্ৰিল বুধবাৰে মেটাই মুকলি কৰিলে এটা নতুন এ আই এপ (Meta AI app) ৷ এই এপটোৰ ভিত্তি মেটাৰ বৃহৎ ভাষাভিত্তিক মডেল Llama 4 ৷ মেটাই এই মডেলটো ভইচৰ জৰিয়তে ভাৱ প্ৰকাশ কৰিবলৈ সৃষ্টি কৰিছে ৷ এই এপটোৰ জৰিয়তে যিকোনো লোকে AI ৰ সৈতে কথা পাতিব পাৰিব আৰু যিকোনো প্ৰশ্ন সুধিব পাৰিব ৷ এই নতুন কৃত্ৰিম বুদ্ধিমত্তা এপটো মেটাৰ আন আন ছ’চিয়েল মেডিয়া প্লেটফৰ্ম হোৱাটচএপ, ইনষ্টাগ্ৰাম আৰু মেছেঞ্জাজাৰতো উপলব্ধ ৷ এই নতুন এপটো 30 এপ্ৰিলৰ পৰাই এন্ড্ৰ’ইড আৰু ios ডিভাইচ ব্যৱহাৰকাৰীৰ বাবে উপলব্ধ হৈছে ৷
এই নতুন মেটা এ আই এপে কেনেকৈ কাম কৰে ?
- এই নতুন এপটোৱে প্ৰথমে আপোনাক জানিবলৈ আৰু বুজিবলৈ যত্ন কৰিব যাতে আপুনি বিচৰা ধৰণে ই আপোনাৰ সহায় হোৱাকৈ ই প্ৰয়োজনীয় তথ্য যোগান ধৰিব পাৰে ৷
- ই ব্যৱহাৰকাৰীসকলক কথিত ভাষাত উত্তৰ প্ৰদান কৰিব ৷ ইয়ে ব্যৱহাৰকাৰীসকলক মানুহৰ সৈতে কথোপকথন কৰাৰ লেখীয়া অনুভৱ কৰাব আৰু নতুন এই এপটোৰ সৈতে অধিক সহজ হৈ মনৰ ভাৱৰ আদান-প্ৰদান কৰিব পাৰিব ৷
- এই নতুন এপটোৱে ব্যৱহাৰকাৰীৰ পছন্দ আৰু প্ৰ’ফাইলত উপলব্ধ তথ্যৰ জৰিয়তে ব্যৱহাৰকাৰীজনৰ ব্যক্তিত্ব সন্দৰ্ভত অৱগত হয় আৰু তাৰ পিছত সেই অনুসৰি ব্যক্তিগতকৃত অভিজ্ঞতা প্ৰদান কৰে ।
- যদি আপুনি ফেচবুক আৰু ইনষ্টাগ্ৰাম একেটা একাউণ্টৰ সৈতে লিংক কৰে তেন্তে এপটোৱে দুয়োটা একাউণ্টৰ পৰা তথ্য আহৰণ কৰি অধিক উপযোগী উত্তৰ প্ৰদান কৰিব ৷
- মেটাই এই এপটো আমেৰিকা আৰু কানাডাত মুকলি কৰিছে ৷
ভইচ বৈশিষ্ট্য আৰু সম্পূৰ্ণ-ডুপ্লেক্স প্ৰযুক্তি
- এই AI app ৰ জৰিয়তে আপুনি নিজৰ কণ্ঠ ব্যৱহাৰ কৰি কথা পাতিব পাৰিব । যিয়ে আপোনাক কোনো বন্ধুৰ সৈতে কথা পাতি থকাৰ দৰে অনুভৱ কৰিব ।
- এই এপটোত ভইচ ডেমোও দিয়া হৈছে, য’ত সম্পূৰ্ণ ডুপ্লেক্স স্পিচ প্ৰযুক্তি ব্যৱহাৰ কৰা হৈছে । ইয়াৰ ফলত এআইয়ে ধাৰাবাহিকভাৱে সঁহাৰি দিব পাৰে । ইয়াৰ সহায়ত আপুনিও বন্ধুৰ সৈতে কথা-বতৰাৰ সময়ত যি অভিজ্ঞতা লাভ কৰিব, সেই অভিজ্ঞতা লাভ কৰিব । এই বৈশিষ্ট্য বৰ্তমান কেৱল ডেমো হিচাপেহে মুকলি কৰা হৈছে । ইয়াৰ উদ্দেশ্য হৈছে মানুহক কোৱা যে ভৱিষ্যতে এনেদৰে AI ব্যৱহাৰ কৰা হ’ব ।
- এই ভয়েচ ডেমো বৰ্তমান কেৱল আমেৰিকা, কানাডা, অষ্ট্ৰেলিয়া আৰু নিউজিলেণ্ডতহে উপলব্ধ।
Meta AI app ৰ কিছু বিশেষ বৈশিষ্ট্য
- এই এপটোৰ জৰিয়তে এজন ব্যক্তিয়ে বৰ্ণনা দি অথবা শব্দৰে প্ৰকাশ কৰিও এখন ছবি সৃষ্টি কৰিব পাৰিব ৷ লগতে এ আই ইডিটিঙো সম্ভৱ এই এপটোত ৷
- আপুনি এই এপটোত কথা পাতি আপোনাৰ হবিৰ বিষয়েও জনাব পাৰিব যেনে - আপুনি ক’ত ফুৰি ভাল পায়, আপুনি কি খাই ভাল পায়, আপোনাৰ হবি ইত্যাদি ৷ এই সকলোবোৰ কথা মনত ৰাখি এ আইয়ে আপোনাৰ সহায়ক হিচাপে কাম কৰিব ৷
- মেটা এআইয়ে কিছুমান দেশত এটা সমৃদ্ধ দস্তাবেজ সম্পাদকও পৰীক্ষা কৰি আছে, য'ত আপুনি লিখনী আৰু ছবিৰ সৈতে দস্তাবেজ সৃষ্টি কৰিব পাৰে আৰু ইয়াক পিডিএফ ফাইল হিচাপেও ৰপ্তানি কৰিব পাৰে ।
- আপুনি দস্তাবেজসমূহ আমদানি কৰিব পাৰে আৰু সিহতক AI দ্বাৰা বিশ্লেষণ কৰিব পাৰে, যদিও এই বৈশিষ্ট্যও পৰীক্ষা কৰা হৈছে ।
Discover Feed আৰু Social Use
মেটা এআই এপটোত আছে ডিস্কভাৰ ফিড । ইয়াত আপুনি চাব পাৰিব যে আন মানুহে কেনেকৈ AI ব্যৱহাৰ কৰিছে । আপুনি আন ব্যৱহাৰকাৰীয়ে ব্যৱহাৰ কৰা প্ৰমপ্টসমূহো ৰিমিক্স কৰিব পাৰে আৰু নিজেই ব্যৱহাৰ কৰিব পাৰে । যিকোনো বস্তু মেটা এআই এপৰ জৰিয়তে যেতিয়াই নিজে পোষ্ট কৰিব বিচাৰে তেতিয়াই শ্বেয়াৰ কৰিব পাৰিব ।
অৰ্থাৎ আপোনাৰ সম্পূৰ্ণ নিয়ন্ত্ৰণ আছে । আপুনি নিয়ন্ত্ৰণ আৰু ছেটিংছলৈ গৈ সিদ্ধান্ত ল’ব পাৰে যে এই এপটোৰ ভইচ ফিচাৰ সদায় অন হ’ব লাগে নে নহয়। এটা AI এপে মাইক্ৰ’ফোন ব্যৱহাৰ কৰাৰ সময়ত আপোনাৰ পৰ্দাত এটা আইকন ওলাব ।
লগতে পঢ়ক
