এই গাড়ীখনক ভুলতো আৱদ্ধ নকৰিব কেমেৰাত; ধ্বংস হৈ পৰিব আপোনাৰ কেমেৰা চেন্সৰ
ভাৰতত শীঘ্ৰে মুকলি হ’ব এনে এখন গাড়ী যাক কেমেৰাত আৱদ্ধ কৰিলে ধ্বংস হৈ পৰিব আপোনাৰ কেমেৰা চেন্সৰ ৷
Published : May 20, 2025 at 3:20 PM IST
হায়দৰাবাদ: কোম্পানীসমূহে এতিয়া আধুনিক যাত্ৰীবাহী বাহনত এডভান্সড ড্ৰাইভাৰ এচিষ্টেন্স চিষ্টেম (ADAS)ৰ বহু বৈশিষ্ট্য প্ৰৱৰ্তন কৰিছে । কোম্পানীসমূহেও গাড়ীসমূহক বহুতো উন্নত প্ৰযুক্তি-সহায় বৈশিষ্ট্য প্ৰদান কৰিছে। ইয়াৰে এটা হ’ল লিডাৰ ব্যৱস্থা, যিটো ADAS ৰ বাবে এক গুৰুত্বপূৰ্ণ প্ৰযুক্তি । বিলাসী গাড়ী নিৰ্মাতা ভলভোৰ ইলেক্ট্ৰিক SUV ভলভো EX90 ত এই প্ৰযুক্তি সংযোগ কৰা হৈছে ।
এই প্ৰযুক্তি ব্যৱহাৰ কৰা Volvo EX90 ইলেক্ট্ৰিক গাড়ীৰ এটা ভিডিঅ’ ইণ্টাৰনেটত ভাইৰেল হৈ পৰিছে, য’ত বিলাসী ইলেক্ট্ৰিক এছ ইউ ভিখনৰ লিডাৰ চিষ্টেমে ইয়াক চিত্ৰগ্ৰহণ কৰা স্মাৰ্টফোনটো ধ্বংস কৰি পেলাইছে । ভিডিঅ’টোত ভলভো ইভিৰ লিডাৰ চিষ্টেমৰ পৰা নিৰ্গত হোৱা লেজাৰে স্মাৰ্টফোনৰ কেমেৰাৰ চিএমঅ’এছ চেন্সৰৰ কিছুমান ব্যক্তিগত পিক্সেল ধ্বংস কৰা দেখা গৈছে ।
অটোমোবাইল অনুৰাগীসকলে নিজৰ স্মাৰ্টফোন ব্যৱহাৰ কৰি নতুন আৰু ৰোমাঞ্চকৰ বাহনৰ ছবি আৰু ভিডিঅ’ বন্দী কৰাটো অতি সাধাৰণ কথা । অৱশ্যে ভাইৰেল ভিডিঅ’টোত এনেকুৱা কিবা এটা দেখা গৈছে যিয়ে ভলভো EX90ৰ ADAS চিষ্টেমৰ ফটো বা ভিডিঅ’ লোৱাৰ আগতে ভালদৰে চিন্তা কৰিব লাগিব ।
তলত প্ৰকাশ কৰা ভিডিঅ’টো হাজাৰোধিক নেটিজেনে প্ৰত্যক্ষ কৰিছে ৷ ভিডিঅ’টোত দেখা গৈছে যে এগৰাকী লোকে লিডাৰ ছিষ্টেম সংযোগ হৈ থকা ভলভো EX90 ইলেক্ট্ৰিক SUV খন কেমেৰাত আৱদ্ধ কৰাৰ পাচতে ইলেক্ট্ৰিক SUV খনত থকা ছিষ্টেমে বহু হাজাৰটকীয়া স্মাৰ্টফোনটোৰ কেমেৰাৰ চেন্সৰ নিমিষতে ধ্বংস কৰি পেলাইছে ৷ দূৰত্ব জুখিবলৈ পালছ কৰা লিডাৰ বীমত ছবিখন লক হোৱাৰ লগে লগে ই ফোনটোৰ স্ক্ৰীণত পোহৰৰ ৰেখা এৰিবলৈ আৰম্ভ কৰে, যিয়ে কেমেৰাৰ চেন্সৰত প্ৰভাৱ পেলায় ।
চকুৰ বাবে হানিকাৰক নে ?
শেহতীয়াকৈ প্ৰকাশ হোৱা ভিডিঅ’টোৱে বহু লোকৰ মনত এনে প্ৰশ্নৰো অৱতাৰণা হৈছে যে এই লিডাৰ প্ৰযুক্তি স্বাস্থ্যৰ বাবে হানিকাৰক নেকি বুলি ৷ আমেৰিকান নেশ্যনেল ষ্টেণ্ডাৰ্ডছ ইনষ্টিটিউট (ANSI)ৰ মতে লিডাৰ ৰশ্মিৰ তীব্ৰতা কঠোৰভাৱে নিয়ন্ত্ৰিত হয় আৰু বাহনৰ লিডাৰ ব্যৱস্থাই প্ৰথম শ্ৰেণীৰ মানদণ্ড পূৰণ কৰে, অৰ্থাৎ ই মানুহৰ চকুৰ বাবে নিৰাপদ ।
এইটো বহুতৰে বাবে একপ্ৰকাৰ সকাহৰ বিষয়ে, কিয়নো আতংকিত হোৱাৰ প্ৰয়োজন নাই । Volvo EX90 বা এই প্ৰযুক্তিৰে সজ্জিত আন যিকোনো বাহনৰ Lidar ব্যৱস্থাই আপোনাৰ চকুৰ কোনো ক্ষতি নকৰে । অৱশ্যে মনত ৰাখিবলগীয়া কথাটো হ’ল ই আপোনাৰ দামী ফোনটোৰ কেমেৰাৰ ক্ষতি কৰিব পাৰে ।
ভাৰতত কেতিয়া মুকলি হ’ব ?
কোম্পানীয়ে 2024 বৰ্ষত এই Volvo EX90 electric SUV ৰ উৎপাদন আৰম্ভ কৰিছিল আৰু বিগত বৰ্ষৰ পৰাই একাংশ আৰ্ন্তজাতিক বজাৰত এই গাড়ীখনৰ ডেলিভাৰী আৰম্ভ কৰিছিল ৷ ভাৰতত এই অত্যাধুনিক গাড়ীখন চলিত বৰ্ষতেই মুকলি হ’ব বুলি জানিব পৰা গৈছে ৷
লগতে পঢ়ক
