চলিত বৰ্ষত 1 লাখৰো অধিক গাড়ী বিক্ৰীৰ অভিলেখ গঢ়িলে কিয়া ছনেটে

হায়দৰাবাদ: দক্ষিণ কোৰিয়াৰ গাড়ী নিৰ্মাতা কোম্পানী কিয়া ইণ্ডিয়াৰ অন্যতম বেষ্ট চেলাৰ গাড়ীয়ে বিক্ৰীৰ এক বৃহৎ মাইলৰ খুঁটি অৰ্জন কৰিছে । তথ্য অনুসৰি 2024 চনৰ জানুৱাৰী মাহত কিয়া ছনেট ফেচলিফ্টে এক লাখ ইউনিট বিক্ৰীৰ পৰিসংখ্যা লাভ কৰিছে ।

উল্লেখ্য যে, 2020 চনত ভাৰতীয় বজাৰত কিয়া ছনেট মুকলি কৰা হৈছিল । মুকলিৰ লগে লগে এই গাড়ীখন ভাৰতীয় গ্ৰাহকে অতিশয় ভাল পাইছিল, কাৰণ এই SUV খন বৈশিষ্ট্যৰে ভৰপূৰ । চলিত বৰ্ষৰ আৰম্ভণিতে এই ছাব-4 মিটাৰ এছ ইউ ভিক মিডলাইফ আপডেট দিয়া হৈছিল, যিয়ে কিয়া ছনেটক বিক্ৰীৰ গতি বজাই ৰখাত সহায় কৰিছিল ।

এক বিবৃতিযোগে কিয়া ইণ্ডিয়াই প্ৰকাশ কৰিছে যে চলিত বৰ্ষৰ জানুৱাৰী মাহত ফেচলিফ্ট কৰা মডেলটো বিক্ৰীৰ বাবে মুকলি হোৱাৰ পিছত প্ৰতিমাহে 9 হাজাৰৰো অধিক ইউনিট ছনেট বিক্ৰী কৰিছে । কিয়াই ছনেটৰ বাবে গ্ৰাহকৰ পছন্দৰ বিষয়েও সবিশেষ শ্বেয়াৰ কৰিছে । কোম্পানীটোৱে জনোৱা মতে, 76 শতাংশ বা প্ৰতি চাৰিটাৰ ভিতৰত প্ৰায় তিনিজন ক্ৰেতাই 1.2 লিটাৰৰ প্ৰাকৃতিক পেট্ৰ’ল বা 1.0 লিটাৰৰ টাৰ্বো-পেট্ৰ’ল ইঞ্জিন বাছি লৈছে ।

ইয়াৰ উপৰিও বাকী 24 শতাংশ গ্ৰাহকে 1.5 লিটাৰৰ ডিজেল ইঞ্জিন বাছি লৈছিল । আটাইতকৈ আমোদজনক কথাটো হ’ল যে কিয়া ছনেটৰ সকলো গ্ৰাহকৰ 79 শতাংশই ছানৰুফযুক্ত ভেৰিয়েণ্টটো বাছি লৈছিল, আনহাতে 34 শতাংশ ক্ৰেতাই অটোমেটিক ট্ৰেন্সমিছন বা ইনটেলিজেণ্ট মেনুৱেল ট্ৰেন্সমিছন (আইএমটি) বাছি লৈছিল ।

কিয়া ছনেটৰ বিক্ৰীৰ প্ৰদৰ্শনৰ বিষয়ে মন্তব্য কৰি কিয়া ইণ্ডিয়াৰ জ্যেষ্ঠ ভিপি তথা বিক্ৰী আৰু বিপণনৰ মুৰব্বী হৰদীপ সিং ব্ৰাৰে কয়, “Kia ৰ ক্ষেত্ৰত আমাৰ অহৰহ মনোযোগ গ্ৰাহকৰ প্ৰয়োজনীয়তা বুজি পোৱা, সেইবোৰ পূৰণ কৰা আৰু সমাধান সৃষ্টি কৰাত । আমি যেতিয়া নতুন কিয়া ছনেট প্ৰৱৰ্তন কৰিছিলো, তেতিয়া ইয়াত বহুতো ডাঙৰ ডাঙৰ বৈশিষ্ট্য আহিছিল যিয়ে ইয়াক এই ছেগমেণ্টত প্ৰিমিয়াম কৰি তুলিছিল ।”

তেওঁ আৰু কয়, "এই বৈশিষ্ট্যসমূহে নতুন ছনেটৰ মূল্য প্ৰস্তাৱ বহু পৰিমাণে বৃদ্ধি কৰিছে, যাৰ ফলত বিক্ৰীৰ ক্ষেত্ৰত এক শক্তিশালী প্ৰদৰ্শন হৈছে । এই কৃতিত্ব আমাৰ গ্ৰাহকৰ আস্থা আৰু প্ৰশংসাৰ প্ৰমাণ, যিয়ে আমাক আশা কৰাতকৈ অধিক সামগ্ৰী যোগান ধৰিবলৈ প্ৰেৰণা দিয়ে।" ভাৰতীয় বজাৰত কিয়া ছনেটৰ মূল্য 7.99 লাখৰ পৰা 15.77 লাখ টকাৰ ভিতৰত (এক্স শ্ব’ৰুম) ।