17.25 লাখ টকাত মুকলি হ’ল MG Windsor EV Pro
বজাৰত মুকলি হৈছে JSW MG মটৰে নতুন এম জি উইণ্ডচৰ এক্সক্লুছিভ প্ৰ’ ট্ৰিম । ইয়াৰ মূল্য নিৰ্ধাৰণ কৰা হৈছে 17.25 লাখ টকা (এক্স শ্ব’ৰুম) ।
Published : May 22, 2025 at 11:41 AM IST
হায়দৰাবাদ: গাড়ী নিৰ্মাতা কোম্পানী জে এছ ডব্লিউ এম জি মটৰে ইলেক্ট্ৰিক বাহন ছেগমেণ্টৰ নেতা টাটা মটৰ্ছৰ ওপৰত হেঁচা বৃদ্ধি কৰিছে কাৰণ কোম্পানীয়ে শেহতীয়াকৈ মুকলি কৰা এম জি উইণ্ডচৰ এক্সক্লুছিভ প্ৰ’ৰ নতুন ভেৰিয়েণ্ট মুকলি কৰিছে । কোম্পানীটোৱে নতুন এম জি উইণ্ডচৰ এক্সক্লুছিভ প্ৰ’ ট্ৰিম 17.25 লাখ টকা (এক্স শ্ব’ৰুম) মূল্যত মুকলি কৰিছে ।
ষ্টেণ্ডাৰ্ড এম জি উইণ্ডচৰ আৰু প্ৰ’ লাইনআপৰ অন্যান্য ভেৰিয়েণ্টৰ দৰেই এই ভেৰিয়েণ্টটোও বেটাৰী-এজ-এ-চাৰ্ভিচ (BaaS) বিকল্পৰ সৈতে আগবঢ়োৱা হৈছে, যাৰ আৰম্ভণি মূল্য 12.24 লাখ টকা (এক্স-শ্ব’ৰুম)। BaaS বিকল্পৰ সৈতে প্ৰতি কিলোমিটাৰত 4.5 টকা ব্যৱহাৰ মাচুলও দিব লাগিব ।
মন কৰিবলগীয়া যে এম জি উইণ্ডচৰ এক্সক্লুছিভ প্ৰ’ এচেন্স আৰু এচেন্স প্ৰ’ ভেৰিয়েণ্টৰ মাজত অৱস্থিত। কোম্পানীটোৱে জনোৱা মতে, জুন মাহৰ প্ৰথম সপ্তাহৰ পৰা ডেলিভাৰী আৰম্ভ হ’ব, আৰু সমগ্ৰ ভাৰতৰ এম জি ডিলাৰশ্বিপত 11 হাজাৰ টকাৰ অগ্ৰিম বুকিং আৰম্ভ হৈছে ।
এম জি উইণ্ডচৰ এক্সক্লুছিভ প্ৰ' স্পেচিফিকেশন আৰু ৰেঞ্জ
উইণ্ডচৰ এক্সক্লুছিভ প্ৰ’ত পোৱা বেটাৰী পেকৰ কথা ক’বলৈ গ’লে কোম্পানীটোৱে ইয়াত 52.9 কিলোৱাট ঘণ্টাৰ বেটাৰী পেক ব্যৱহাৰ কৰিছে, যাৰ প্ৰমাণিত ৰেঞ্জ 449 কিলোমিটাৰ । ইয়াৰ মটৰে 134 বিএইচপি শক্তি আৰু 200 এনএম টৰ্ক প্ৰদান কৰে । ইয়াৰ বেটাৰী 7 কিলোৱাট চাৰ্জাৰেৰে 9.5 ঘণ্টাত 10 ৰ পৰা 100 শতাংশ চাৰ্জ কৰিব পৰা যায় আৰু 60 কিলোৱাট ফাষ্ট চাৰ্জাৰেৰে মাত্ৰ ৫০ মিনিটত 20 ৰ পৰা 80 শতাংশ চাৰ্জ কৰিব পৰা যায় ।
এম জি উইণ্ডচৰ এক্সক্লুছিভ প্ৰ’ৰ ৰঙৰ বিকল্প
উইণ্ডচৰ এক্সক্লুছিভ প্ৰ’ক পাৰ্ল হোৱাইট, ষ্টাৰী ব্লেক আৰু টাৰ্কুইজ গ্ৰীণকে ধৰি তিনিটা ৰঙৰ বিকল্পত উপলব্ধ কৰা হৈছে । এই গাড়ীখনত আছে 18 ইঞ্চিৰ ডুৱেল টোন মেচিনেৰে নিৰ্মিত এলয় হুইল । জে এছ ডব্লিউ এম জি মটৰ ইণ্ডিয়াই প্ৰথম মালিকৰ বাবে লাইফটাইম বেটাৰী ৱাৰেণ্টী আৰু 3-60 এশ্বুৰেড বাইবেক প্লেন আগবঢ়াইছে, যিয়ে তিনি বছৰৰ পিছত 60 শতাংশ মূল্য ধৰি ৰখাৰ নিশ্চয়তা প্ৰদান কৰে ।
এম জি উইণ্ডচৰ এক্সক্লুছিভ প্ৰ’ৰ বৈশিষ্ট্যসমূহ
উইণ্ডচৰ এক্সক্লুছিভ প্ৰ’ত আছে ডুৱেল টোন আইভৰি আৰু ক’লা ইণ্টেৰিয়ৰ আৰু এৰো লাউঞ্জৰ আসন, যিবোৰ 135 ডিগ্ৰীলৈকে হেলনীয়া কৰিব পাৰি । আটাইতকৈ বিশেষ কথাটো হ’ল ইয়াত পোৱা 15.6 ইঞ্চিৰ টাচ্চ ডিছপ্লেটো ন’ স্পীকাৰৰ অডিঅ’ চিষ্টেমৰ সৈতে সংযোগ কৰা হৈছে । এম জিৰ i-SMART চিষ্টেমে 80 টাতকৈও অধিক সংযুক্ত বৈশিষ্ট্য আৰু 100 টাতকৈও অধিক AI-চালিত ভয়েচ কমাণ্ড প্ৰদান কৰিব পাৰে, যাৰ ফলত প্ৰতিটো ড্ৰাইভক স্মাৰ্ট আৰু অধিক সুবিধাজনক কৰি তোলা হৈছে ।
মন কৰিবলগীয়া যে মধ্যম স্তৰৰ উইণ্ডচৰ ইভি প্ৰ’ই এডভান্সড ড্ৰাইভাৰ এচিষ্টেন্স চিষ্টেম (এডিএএছ) লেভেল 2 বৈশিষ্ট্য লাভ নকৰে, কিয়নো কেৱল শীৰ্ষ সংস্কৰণ এছেন্স প্ৰ’তহে লেভেল 2 ছুইট আছে । ইয়াত 12 টা ADAS বৈশিষ্ট্য আছে ।
লগতে পঢ়ক
