মুকলিৰ পূৰ্বে ফাদিল হ’ল আইফোন 17 ছিৰিজৰ বহু তথ্য; জানক সম্ভাব্য দাম, বৈশিষ্ট্য
প্ৰতি বছৰৰ দৰে এই বছৰো এপলে বজাৰত মুকলি কৰিব নতুন আইফোন ছিৰিজ । ইতিমধ্যে ফাদিল হৈছে আহিহলগীয়া এই ফোনটো সন্দৰ্ভত বহু তথ্য ---
Published : March 10, 2025 at 7:08 AM IST
হায়দৰাবাদ: প্ৰতি বছৰে এপলে মুকলি কৰে নতুন আইফোন ছিৰিজ । এইবাৰ এপলে আইফোন 17 ছিৰিজ মুকলি কৰাৰ বাবে প্ৰস্তুতি চলাইছে । এই ছিৰিজত কোম্পানীয়ে বহুতো নতুন উদ্ভাৱনৰ পৰিচয় দিব পাৰে বুলি আশা কৰা হৈছে । আইফোন 17 এয়াৰো আইফোন 17 ছিৰিজৰ অধীনত মুকলি কৰাৰ সম্ভাৱনা আছে আৰু প্ৰতিবেদন অনুসৰি ই এপলৰ আটাইতকৈ শ্লীম স্মাৰ্টফোন হ’ব পাৰে বুলি চৰ্চা চলিছে ।
এজন টিপষ্টাৰৰ মতে, আইফোন 17 এয়াৰৰ ঘনত্ব 5.5 মিমি হ’ব পাৰে, আনহাতে ইয়াৰ দৈৰ্ঘ আৰু প্ৰস্থ আইফোন 17 প্ৰ’ মেক্সৰ দৰেই হ’ব পাৰে । যদি টিপষ্টাৰৰ দাবী শুদ্ধ হয় তেন্তে অহা মাহত মুকলি হ’বলগীয়া ছেমছাং গেলেক্সি এছ 25 এজতকৈ এপলৰ আটাইতকৈ পাতল হেণ্ডছেটটো 0.34 মিলিমিটাৰ পাতল হ’ব পাৰে ।
আইফোন 17 ছিৰিজৰ সম্ভাৱ্য বিৱৰণ
টিপষ্টাৰগৰাকীয়ে কৰা পোষ্ট অনুসৰি আইফোন 17 এয়াৰ আৰু আইফোন 17 প্ৰ’ মেক্সৰ দৈৰ্ঘ, প্ৰস্থ আৰু স্ক্ৰীণৰ আকাৰ একে হ’ব । টিপষ্টাৰগৰাকীয়ে অধিক জানিবলৈ দি কয় এই দুয়োটা ফোনৰ মাত্ৰা আইফোন 16 প্ৰ’ মেক্সৰ দৰেই হ’ব । আইফোন 17 এয়াৰ আৰু আইফোন 17 প্ৰ’ৰ উচ্চতা 163 মিমি আৰু প্ৰস্থ 77.6 মিমি হ’ব পাৰে ।
টিপষ্টাৰগৰাকীয়ে দাবী কৰিছে যে আইফোন 17 এয়াৰত 6.9 ইঞ্চিৰ LTPO AMOLED স্ক্ৰীণ থাকিব পাৰে । টিপষ্টাৰগৰাকীৰ মতে, আইফোন 17 এয়াৰ আৰু আইফোন 17 প্ৰ’ মেক্সত আইফোন 16 প্ৰ’ মেক্সৰ দৰে পাতল বেজেল থাকিব । টিপষ্টাৰৰ মতে আইফোন 17 এয়াৰৰ ঘনত্ব 5.5 মিমি আৰু আইফোন 17 প্ৰ’ মেক্সৰ ঘনত্ব 8.7 মিমি হ’ব পাৰে । এই ফোনত তিনিটা বেক কেমেৰা থাকিব পাৰে আৰু আইফোন 17 এয়াৰত মাত্ৰ এটা বেক কেমেৰা থাকিব পাৰে ।
পৰৱৰ্তী আইফোনটো সন্দৰ্ভত প্ৰকাশিত প্ৰতিবেদন অনুসৰি আইফোন 17, আইফোন 17 প্ৰ’ আৰু আইফোন 17 প্ৰ’ মেক্স তিনিওটা ফোনতে এলুমিনিয়াম ফ্ৰেম ব্যৱহাৰ কৰা হ’ব বুলি আশা কৰা হৈছে ।
প্ৰকাশিত প্ৰতিবেদন অনুসৰি আইফোন 17 এয়াৰ আৰু ছেমছাং গেলেক্সি এছ 25 এজ দুয়োটাই কোম্পানীটোৰ ষ্টেণ্ডাৰ্ড মডেলতকৈ সৰু বেটাৰীৰে আহিব বুলি আশা কৰা হৈছে । আইফোন 17 এয়াৰক যিমান পাৰি পাতল কৰি ৰাখিবলৈ কোম্পানীটোৱে স্মাৰ্টফোনটোৰ ভৌতিক ছিম স্লটটোও আঁতৰাই পেলাব বুলি জানিব পৰা গৈছে ।
আইফোন 17 ৰঙৰ বিকল্প
এপলে আইফোন 17 ৰ ৰঙৰ লাইনআপ নিশ্চিত কৰা নাই যদিও চৰ্চিত তথ্যত প্ৰকাশ পাইছে যে ইয়াৰ বগা, ক’লা আৰু গুলপীয়া ৰঙৰ বিকল্প মুকলি হ’ব পাৰে বুলি ।
প্ৰত্যাশিত মূল্য
আহিবলগীয়া এই ফোনটোৰ মূল্য আইফোন 16 ৰ দৰেই হোৱাৰ সম্ভাৱনা আছে, বেচ মডেলৰ মূল্য 799 ডলাৰ (ভাৰতীয় হিচাপত প্ৰায় 79,900 টকা)ৰ পৰা আৰম্ভ হ’ব বুলি আশা কৰা হৈছে ।
iPhone 17 মুকলিৰ তাৰিখ (প্ৰত্যাশিত)
এপলে সাধাৰণতে ছেপ্টেম্বৰ মাহত নিজৰ আইফোন মডেলবোৰ মুকলি কৰে আৰু আইফোন 17 লাইনআপ 2025 চনৰ 11-13 ছেপ্টেম্বৰৰ ভিতৰত মুকলি হোৱাৰ সম্ভাৱনা আছে। চলিত বৰ্ষৰ শেষৰ ফালে হেণ্ডছেটটোৰ প্ৰত্যাশিত মুকলিৰ পূৰ্বে এই হেণ্ডছেটটোৰ বিষয়ে অধিক বিৱৰণ প্ৰকাশ পোৱাৰ সম্ভাৱনা আছে ।
লগতে পঢ়ক
