হায়দৰাবাদ: যোৱা কেইবছৰমানৰ পৰা ভাৰতত দ্ৰুতগতিত বৃদ্ধি পাইছে স্মাৰ্টফোনৰ বিক্ৰী । 2024 চনত স্মাৰ্টফোনৰ বিক্ৰীও বৃদ্ধি পাইছে । এক প্ৰতিবেদন অনুসৰি যোৱা বছৰ অৰ্থাৎ 2024 চনত স্মাৰ্টফোনৰ বিক্ৰী 5% বৃদ্ধি পাইছে । এই বছৰৰ ভিতৰত ভাৰতত সৰ্বাধিক ফোন বিক্ৰী কৰা শীৰ্ষ 5 টা ব্ৰেণ্ডৰ তালিকাত চীনৰ স্মাৰ্টফোন কোম্পানী ভিভ’ৰ নাম শীৰ্ষত আছে । ইয়াৰ পিছত ছেমছাং, ছাইঅ’মি, অ’প’ আৰু ৰিয়েলমি ।
আইডিচিৰ প্ৰতিবেদন অনুসৰি 2024 চনত ভাৰতত স্মাৰ্টফোনৰ বিক্ৰী 5% বৃদ্ধি পাইছে । এই বছৰ মুঠ 12.8 কোটি অৰ্থাৎ 12 কোটি, 80 লাখ স্মাৰ্টফোন ইউনিট বিক্ৰী হৈছে । এই সময়ছোৱাত ভিভ’ কোম্পানীৰ চাহিদা অধিক দেখা গৈছে । ভিভ’ৰ স্মাৰ্টফোনৰ বিক্ৰী 14.2% বৃদ্ধি পাইছে । এই তালিকাৰ দ্বিতীয় স্থানত আছে ছেমছাং । ছেমছাঙে 7.0% লোকচানৰ সন্মুখীন হৈছে যদিও দক্ষিণ কোৰিয়াৰ কোম্পানীটো এই তালিকাৰ দ্বিতীয় স্থানত আছে ।
চীনা কোম্পানীয়ে আধিপত্য বিস্তাৰ কৰিছে
এই তালিকাত Samsung ৰ পিছত Xiaomi ৰ নাম অন্তৰ্ভুক্ত কৰা হৈছে । 2024 চনত Xiaomi ৰ স্মাৰ্টফোনৰ বিক্ৰী 2.7% বৃদ্ধি পাইছে । এই তালিকাত Oppo চতুৰ্থ স্থানত আছে, যাৰ স্মাৰ্টফোনৰ বিক্ৰী 13.4% বৃদ্ধি পাইছে । এই তালিকাত ৰিয়েলমি পাঁচ নম্বৰ স্থানত আছে, যাৰ স্মাৰ্টফোনৰ বিক্ৰী 10.9% হ্ৰাস পাইছে ।
অৰ্থাৎ ভাৰতৰ শীৰ্ষ 5 টা স্মাৰ্টফোন ব্ৰেণ্ডৰ ভিতৰত 4 টা চীনা কোম্পানী । এই স্মাৰ্টফোনসমূহৰ ভিতৰত 20% স্মাৰ্টফোনৰ দাম 50 হাজাৰতকৈ অধিক । একে সময়তে 50% স্মাৰ্টফোন হ’ল সেইবোৰ যাৰ দাম 10 হাজাৰৰ পৰা 30 হাজাৰ টকাৰ ভিতৰত ।
ভাৰতত দিল্লী, মুম্বাই আৰু চেন্নাইত সৰ্বাধিক স্মাৰ্টফোন বিক্ৰী হৈছে । দিল্লী আৰু মুম্বাইত 3.8% ৰ পৰা 6%লৈ বৃদ্ধি পাইছে । একে সময়তে 2023 চনৰ তুলনাত চণ্ডীগড়ত 22.8% উল্লেখযোগ্য বৃদ্ধি হৈছে । এইবোৰৰ বাহিৰে যদি আমি শীৰ্ষ টায়াৰ-3 চহৰৰ কথা কওঁ, তেন্তে 2024 চনত মীৰুট, ভুৱনেশ্বৰ আৰু হুবলি-ধাৰৱাদত সৰ্বাধিক ফোন বিক্ৰী হৈছে ।
লগতে পঢ়ক
