ৰেট্ৰ’ ডিজাইনৰ সৈতে ভাৰতত মুকলি হ’ল HMD ৰ বাৰ্বি ফোন
ভাৰতত মুকলি কৰা হৈছে এইচ এম ডি বাৰ্বি ফোন । এই ফিচাৰ ফোনটোত সংযুক্ত হৈ আছে ফ্লিপ ডিজাইন আৰু ই গোলাপী ৰঙত উপলব্ধ ।
Published : March 23, 2025 at 7:52 PM IST
হায়দৰাবাদ: 2025 চনৰ 20 মাৰ্চত ফিনলেণ্ডৰ মোবাইল ব্ৰেণ্ড এইচ এম ডিয়ে ভাৰতত এটা ষ্টাইলিছ বাৰ্বি থিমযুক্ত ফল্ডেবল ফিচাৰ ফোন মুকলি কৰে । এই ফোনটোত নষ্টালজিয়া আৰু আধুনিক প্ৰযুক্তিৰ সুন্দৰ মিশ্ৰণ ঘটিছে । 2.8 ইঞ্চিৰ ইণ্টাৰনেল ডিছপ্লে আৰু 1.77 ইঞ্চিৰ এক্সটাৰ্নেল স্ক্ৰীণৰ সৈতে এই ফোনটো যুৱক-যুৱতীসকলক আকৰ্ষণ কৰিবলৈ নিৰ্মাণ কৰা হৈছে । এই ফোনটোৰ বৈশিষ্ট্য আৰু দামৰ বিষয়ে জানো আহক---
ভাঁজ কৰিব পৰা বৈশিষ্ট্যযুক্ত ফোন
এইচ এম ডিয়ে 20 মাৰ্চত ভাৰতত বাৰ্বি থিমযুক্ত ফল্ডেবল ফিচাৰ ফোন মুকলি কৰিছিল । কোম্পানীটোৰ মতে এই ফোনটো ষ্টাইল আৰু আধুনিক ফিচাৰৰ এক অনন্য মিশ্ৰণ । ফোনটোত 2.8 ইঞ্চিৰ ইণ্টাৰনেল ডিছপ্লে আৰু 1.77 ইঞ্চিৰ এক্সটাৰ্নেল ডিছপ্লে আছে ।
এইচএমডি বাৰ্বি ফোন মূল্য আৰু উপলব্ধতা
64MB ৰেম + 128MB ষ্ট’ৰেজ থকা এই ফোনটো 7,999 টকাত ক্ৰয় কৰিব পাৰিব । এই ফোনটো এইচ এম ডিৰ অফিচিয়েল ৱেবছাইটত উপলব্ধ । ইয়াৰ লগতে কোম্পানীয়ে বিডেড লেনিয়াৰ্ড, এটেচেবল চাৰ্ম, ষ্টীকাৰ আৰু দুটা অতিৰিক্ত বেক কভাৰৰ দৰে আকৰ্ষণীয় আনুষংগিক সামগ্ৰীও প্ৰদান কৰিছে ।
এইচএমডি বাৰ্বি ফোনৰ বৈশিষ্ট্য
- ফোনটো ইউনিছ’ক টি107 প্ৰচেছৰত চলিব আৰু ই S30+ অপাৰেটিং চিষ্টেমৰ ওপৰত ভিত্তি কৰি নিৰ্মাণ কৰা হৈছে, যিটো সৰলতা আৰু নিৰ্ভৰযোগ্যতাৰ বাবে ডিজাইন কৰা হৈছে । ইয়াত 128MB ষ্ট’ৰেজ আৰু 64MB ৰেম আছে আৰু এই ফোনটোৱে 32GB পৰ্যন্ত microSD কাৰ্ড সমৰ্থন কৰে ।
সংযোগ ক্ষমতা
সংযোগৰ বাবে ইয়াত ব্লুটুথ 5.0, ইউএছবি টাইপ-চি প’ৰ্ট আৰু 3.5 মিমি অডিঅ’ জেক আছে । এই ফোনটোৰ বেটাৰী 1450mAh, কথা পাতি থাকিলে ই 9 ঘণ্টা পৰ্যন্ত সক্ৰিয় হৈ থাকিব বুলি দাবী কৰিছে । ইয়াৰ উপৰিও MP3 প্লেয়াৰ, এফ এম ৰেডিঅ’ (তাঁৰযুক্ত আৰু বেতাঁৰ) আৰু 0.3MP VGA কেমেৰা (টৰ্চ ফ্লেছৰ সৈতে)ৰ দৰে বৈশিষ্ট্য আছে । এই ফোনটোৱে ডুৱেল ছিম সমৰ্থন কৰে ।
- ডিছপ্লে: 2.8 ইঞ্চি আভ্যন্তৰীণ, 1.77 ইঞ্চি বাহ্যিক
- প্ৰচেছৰ : Unisoc T107
- অপাৰেটিং চিষ্টেম : S30+
- ষ্ট’ৰেজ: 128এমবি ROM + 64এমবি ৰেম, মাইক্ৰ’এছডি 32জিবিলৈকে
- কেমেৰা: 0.3MP VGA + টৰ্চ ফ্লেছ
- অডিঅ’: এম পি 3 প্লেয়াৰ, এফ এম ৰেডিঅ’
- বেটাৰী: 1450mAh
- নেটৱৰ্ক : জিএছএম/জিপিআৰএছ 900/1800 , ডব্লিউচিডিএমএ, এলটিই কেট
- সংযোগ: ব্লুটুথ 5.0, ইউএছবি টাইপ-চি, 3.5 মিমি জেক
- মাত্ৰা: 108.4 x 55.1 x 18.9 মি.মি
- ওজন: 123.5 গ্ৰাম
লগতে পঢ়ক
