হায়দৰাবাদ: যদি আপুনি গুগল পিক্সেলৰ অনুৰাগী আৰু আপুনি গুগল পিক্সেল 10 ছিৰিজৰ বাবে অপেক্ষাৰত তেন্তে এই খবৰ আপোনাৰ বাবে ৷ গুগল পিক্সেল 10 ছিৰিজ শীঘ্ৰেই মুকলি হ’ব বুলি চৰ্চা চলিছে ৷ এণ্ড্ৰ’ইড কৰ্তৃপক্ষৰ এক ৰিপ’ৰ্ট অনুসৰি গুগলে লণ্ডনত 27 জুনৰ দিনা অনুষ্ঠিত কৰিবলগীয়া বিশেষ প্ৰি-ৰিলিজ অনুষ্ঠানৰ বাবে পিক্সেল ছুপাৰফেনছলৈ নিমন্ত্ৰণী পত্ৰ প্ৰেৰণ কৰিবলৈ আৰম্ভ কৰিছে । অৱশ্যে এই নিমন্ত্ৰণী পত্ৰত গুগল পিক্সেল 10 ছিৰিজ সন্দৰ্ভত কোনো কথা প্ৰকাশ কৰা নাই ৷ এই ছিৰিজটো এণ্ড্ৰইড 16 মুকলিৰ পূৰ্বে মুকলি হ'ব পাৰে বুলি বিভিন্ন সূত্ৰত প্ৰকাশ ।
যদিও নিমন্ত্ৰণী পত্ৰত পিক্সেল 10 ছিৰিজৰ নাম পোনপটীয়াকৈ উল্লেখ কৰা হোৱা নাই, তথাপিও পিক্সল 10 হোৱাৰ সম্ভাৱনাই অধিক । ইতিমধ্যে পিক্সেল 9A মুকলি কৰা হৈছে আৰু বৰ্তমান গুগলৰ ছিৰিজত বাকী থকা একমাত্ৰ বৃহৎ প্ৰডাক্টটো হ’ল পিক্সেল 10 ছিৰিজ — য’ত আছে পিক্সেল 10, পিক্সেল 10 প্ৰ’, পিক্সেল 10 প্ৰ’ XL আৰু পিক্সেল 10 প্ৰ’ ফল্ড ।
গতিকে ভাগ্যৱান পিক্সেল অনুৰাগীসকলে স্নিক পিক (আনুষ্ঠানিকভাৱে মুক্তি বা ৰাজহুৱা হোৱাৰ আগতে আগতীয়াকৈ প্ৰত্যক্ষ কৰা অথবা অৱগত হোৱা ) পালেও, আনুষ্ঠানিক মুকলি জুলাই মাহৰ আৰম্ভণিতে বা আগষ্ট মাহৰ প্ৰথমাৰ্ধত হ’ব পাৰে — ঠিক যোৱা বছৰৰ পিক্সেল 9 ছিৰিজৰ দৰেই ।
Pixel 10 ৰ সৈতে আশা কৰা আটাইতকৈ চৰ্চিত উন্নীতকৰণসমূহৰ ভিতৰত এটা হৈছে ইয়াৰ নতুন Tensor G5 ছিপলৈ স্থানান্তৰ, যিটো TSMC য়ে নিৰ্মাণ কৰা বুলি উৰাবাতৰি প্ৰচাৰিত হৈছে । যদি সঁচা হয়, তেন্তে ই পিক্সেলৰ পাৰফৰমেঞ্চৰ এক বৃহৎ উন্নতি হ’ব পাৰে । টি এছ এম চিৰ উৎপাদন প্ৰক্ৰিয়াই অৱশেষত বিগত টেনছৰ ছিপসমূহত দেখা পোৱা হিটিং সমস্যা আৰু বেটাৰীৰ অদক্ষতা সমাধানত সহায় কৰিব পাৰে, যাৰ ফলত গুগলক ফ্লেগশ্বিপ স্নেপড্ৰেগন প্ৰচেছৰৰ পাৰফৰমেঞ্চ স্তৰৰ ওচৰলৈ লৈ যাব ।
ছফট্ ৱেৰলৈ চালে দেখা যায় যে পিক্সেল 10 ছিৰিজে এণ্ড্ৰইড 16 আউট অৱ দ্য বক্সৰ সৈতে মুকলি হোৱাৰ সম্ভাৱনা আছে । এণ্ড্ৰইড 15 ৰ সৈতে দেখাৰ দৰে AI য়ে আকৌ এবাৰ মুখ্য ভূমিকা পালন কৰিব । কেমেৰা বিভাগত গুগলে বেচ পিক্সেল 10 মডেলত ট্ৰিপল লেন্স ছেটআপ যোগ কৰিব বুলি চৰ্চা চলিছে — যিটো নন-প্ৰ’ পিক্সেলৰ বাবে প্ৰথমটো । এইখিনিতে ক’ব পাৰি যে উন্নীতকৰণৰ লগে লগে কিছু আপোচ আহিব যেন ধাৰণা কৰা হৈছে । এণ্ড্ৰ’ইড অথৰিটিৰ মতে, বেছ পিক্সেল 10 ত টেলিফ’টো লেন্স থাকিব বুলি আশা কৰা হৈছে যদিও ইয়াৰ সামগ্ৰিক কেমেৰা হাৰ্ডৱেৰ প্ৰ’ ষ্টেণ্ডাৰ্ডৰ তলত পৰিব পাৰে । আচলতে কেইবাটাও ছেন্সৰ আমি Pixel 9a ত দেখাৰ সৈতে অধিক মিল থকা যেন লাগে । প্ৰাথমিক চেন্সৰটো হ’ব পাৰে ছেমছাং GN8, যিয়ে পূৰ্বে ব্যৱহাৰ কৰা বৃহৎ GNV ৰ স্থান ল’ব ।
ডিজাইনৰ ফালৰ পৰা বিশেষ কিবা সাল-সলনি হ’ব আশা কৰিব নোৱাৰি ৷ পিক্সেল 10 ছিৰিজে পিক্সেল 9 লাইনআপৰ লুক এণ্ড ফিলৰ লগত থিয় দিয়াৰ সম্ভাৱনা আছে । ফ্লেট চাইড, পিছফালে কেমেৰা বাৰ আৰু সন্মুখত শ্লীম বেজেল থাকিব বুলি আশা কৰা হৈছে । গুগলে এই বছৰত ফোনবোৰ চুলিৰ সমান পাতল কৰি তুলিব পাৰে বুলি আশা কৰা হৈছে, কিন্তু সামগ্ৰিকভাৱে ডিজাইনৰ ভাষা একেই থাকিব ।
এণ্ড্ৰ’ইড হেডলাইনছে এক সূত্ৰৰ উদ্ধৃতি দি ষ্টেণ্ডাৰ্ড পিক্সেল 10 আৰু পিক্সেল 10 প্ৰ’ই পূৰ্বৰ দৰে একে দামত মুকলি হ’ব পাৰে — ক্ৰমে 79,999 টকা আৰু 99,999 টকা । আনহাতে, পিক্সেল 10 প্ৰ’ XL ত 100 ডলাৰ বৃদ্ধি হ’ব পাৰে, যিটো 1199 ডলাৰ (প্ৰায় 1,02,400 টকা)ৰ পৰা আৰম্ভ । প্ৰসংগক্ৰমে ভাৰতত Pixel 9 Pro XL মুকলি কৰা হৈছিল 1,24,999 টকাত ।
উল্লেখযোগ্য দিশটো হ’ল পিক্সেল 10 প্ৰ’ ফল্ড, যিটো যোৱা বছৰৰ মডেলতকৈ কম মূল্যত মুকলি কৰিব পাৰে — সম্ভৱতঃ 1600 ডলাৰ (প্ৰায় 1,36,500 টকা)ৰ পৰা আৰম্ভ । প্ৰসংগক্ৰমে ভাৰতত Pixel 9 Pro Fold মুকলি কৰা হৈছিল 1,72,999 টকাত ।
লগতে পঢ়ক
