হায়দৰাবাদ: আজিৰে পৰা আৰম্ভ টেক জায়ান্ত গুগলৰ I/O 2025 ৷ এই বাৰ্ষিক অনুষ্ঠানত গুগলে তেওঁলোকৰ আহিবলগীয়া বহু নতুন ছফটৱেৰ বৈশিষ্ট্যৰ বিষয়ে ঘোষণা কৰিব বুলি আশা কৰা হৈছে ৷ এণ্ড্ৰইড 16 ভাৰ্চনৰ লগতে এণ্ড্ৰইড XR স্মাৰ্ট গ্লাছ, হেডছেটৰ লগতে জেমিনী AI সন্দৰ্ভতো বহু নতুন ঘোষণা কৰিব বুলি আশা কৰা হৈছে ৷
চলিত বৰ্ষৰ গুগল I/O অনুষ্ঠানৰ আঁত ধৰিব গুগলৰ শীৰ্ষ কাৰ্যবাহী বিষয়া সুন্দৰ পিছাইৰ লগতে তেওঁৰ সহযোগীসকলে ৷
Don’t forget to tune into #GoogleIO, streaming live tomorrow, May 20 at 10 am PT. Learn more → https://t.co/BJCe4w8BPR pic.twitter.com/bmocihmoov
— Google (@Google) May 19, 2025
ক’ত, কেনেদৰে প্ৰত্যক্ষ কৰিব পাৰিব সেই অনুষ্ঠান?
20 মে’ ৰ দিনা ভাৰতীয় সময় অনুসৰি নিশা 10.30 বজাত এই অনুষ্ঠান লাইভ প্ৰত্যক্ষ কৰিব পাৰিব ভাৰতীয়সকলে ৷ গুগলে তেওঁলোকৰ অফিচিয়েল ইউটিউবৰ জৰিয়তে এই অনুষ্ঠানৰ লাইভ সম্প্ৰচাৰ কৰিব ৷ লাইভ সম্প্ৰচাৰ চাব বিচাৰিলে তলত দিয়া লিংকটোত ক্লিক কৰিব পাৰিব ৷ ইয়াৰ জৰিয়তে দৰ্শকে অনুষ্ঠানটোৰ সকলো তথ্য সঠিক সময়ত লাভ কৰিব পাৰিব ৷
দৰ্শকে মূল ভাষণটো লাইভ চোৱাৰ পিছত, শীৰ্ষ কাৰ্যবাহী বিষয়াৰ মূল ভাষণ অনুসৰণ কৰা অধিক কাৰিকৰী ডেভেলপাৰৰ মূল ভাষণটোও শুনিব পাৰে । এইটো PT সময় অনুসৰি 2 বজাৰ পৰা আৰম্ভ হোৱাৰ কথা ।
গুগল আই/অ’ 2025 ৰ প্ৰথম দিনটোত পৰৱৰ্তী অধিবেশনত এআই, এণ্ড্ৰইড, ৱেব (ৱেব ষ্টেজ) আৰু ক্লাউড (ক্লাউড ষ্টেজ)ৰ ওপৰত গুৰুত্ব আৰোপ কৰা হ’ব । এই সকলোবোৰ অনুষ্ঠান PT সময় অনুসৰি পুৱতি নিশা 3 বজাত লাইভ ষ্ট্ৰীম কৰা হ’ব (ভাৰতীয় সময় অনুসৰি পুৱা 4 বজাত), কিন্তু লাইভষ্ট্ৰীম শেষ হোৱাৰ পিছত আন শ্ব’বোৰৰ ৰিপ্লেও চাব পাৰিব ।
একেদৰে 21 মে’ত গুগলৰ বাৰ্ষিক ডেভেলপাৰ সন্মিলনৰ দ্বিতীয় দিনৰ বাবে নিৰ্ধাৰিত এআই, এণ্ড্ৰইড, ৱেব আৰু ক্লাউড অনুষ্ঠান চাব পাৰিব । এইবোৰৰ সময় PT অনুসৰি পুৱা 10 বজাত আৰু ভাৰতীয় সময় অনুসৰি দুপৰীয়া 10.30 বজাত ৷
লগতে পঢ়ক
