ভাৰত-পাকিস্তান সংঘাত: আপোনাৰ মোবাইলটোতেই কেনেকৈ লাভ কৰিব ভাৰত চৰকাৰৰ জৰুৰীকালীন বাৰ্তা ?

হায়দৰাবাদ: বৰ্তমানেও অব্যাহত আছে ভাৰত-পাকিস্তানৰ মাজত সংঘাত ৷ প্ৰতি মুহুৰ্ততে সীমান্তত উত্তেজনাৰ সৃষ্টি হোৱাৰ খবৰ পোৱা গৈছে ৷ এই পৰিস্থিতিত মানুহে চৰকাৰৰ পৰা সময়োপযোগী আৰু প্ৰয়োজনীয় তথ্য লাভ কৰাটো অতি প্ৰয়োজনীয় । যাতে সুৰক্ষিত ব্যৱস্থা গ্ৰহণ কৰি সুৰক্ষিত হৈ থাকিব পাৰে । এণ্ড্ৰইড আৰু আইফোন দুয়োটা স্মাৰ্টফোনতে এক ব্যৱস্থা আছে যাৰ জৰিয়তে ব্যৱহাৰকাৰীয়ে চৰকাৰ আৰু সংশ্লিষ্ট সংস্থাৰ জৰিয়তে জৰুৰীকালীন তথ্য লাভ কৰিব পাৰে ।

এই সতৰ্কবাণী বাৰ্তাসমূহ বিনামূলীয়া আৰু পোনপটীয়াকৈ আপোনাৰ ফোনলৈ প্ৰেৰণ কৰা হয় । সাধাৰণতে ইয়াত চৰকাৰৰ একোটা জৰুৰী বাৰ্তা থাকে যাতে জনসাধাৰণক আহিব পৰা গুৰুতৰ ভাবুকি সন্দৰ্ভত সতৰ্ক কৰি দিয়া হয় ৷ সন্ত্ৰাসবাদী আক্ৰমণ অথবা দেশৰ নিৰাপত্তাৰ সৈতে জড়িত পৰিস্থিতিৰ লগতে প্ৰাকৃতিক জৰুৰীকালীন অৱস্থা যেনে ভূমিকম্প, বানপানী আদিৰ বাবেও চৰকাৰৰ দ্বাৰা প্ৰদান কৰা হয় সৰ্তকতাবাণী । এই সতৰ্কবাণীসমূহে এটা বিশেষ নেটৱৰ্ক চেনেল ব্যৱহাৰ কৰে, যিয়ে দুৰ্বল নেটৱৰ্ক থকাৰ সময়তো আপোনাৰ ফোনত বাৰ্তাসমূহ পোৱাৰ অনুমতি দিয়ে ।

যদি আপোনাৰ মোবাইলত জৰুৰীকালীন সতৰ্কবাণী বন্ধ হৈ থাকে তেন্তে গুৰুত্বপূৰ্ণ তথ্য লাভ নকৰিব পাৰে । গতিকে আপুনি এণ্ড্ৰইড বা আইফোন ব্যৱহাৰকাৰী যিয়েই নহওঁক, চৰকাৰৰ পৰা গুৰুত্বপূৰ্ণ তথ্য লাভ কৰিবলৈ আপুনি কেনেকৈ আপোনাৰ ডিভাইচত জৰুৰীকালীন সতৰ্কবাণী অন কৰিব পাৰে জানক:

এণ্ড্ৰইড ব্যৱহাৰকাৰী

মোবাইলৰ 'Settings' লৈ যাওঁক ।

• তাৰ পিছত ছেটিংছ চাৰ্চ বাৰত ‘Safety and Emergency’ বা ‘Emergency alerts’ বুলি সন্ধান কৰক ।
• তাৰ পিছত 'ৱায়াৰলেছ জৰুৰীকালীন সতৰ্কবাণী' নিৰ্বাচন কৰক ।
• ইয়াত সকলো বিকল্প অন কৰক ।

মন কৰিবলগীয়া যে যদি আপুনি Samsung, Xiaomi বা OnePlus মোবাইল ব্যৱহাৰ কৰি আছে তেন্তে ওপৰৰ ছেটিঙৰ নামটো অলপ বেলেগকৈ লাভ কৰিব পাৰে । 'ৱায়াৰলেছ জৰুৰীকালীন সতৰ্কবাণী' বিকল্প আপোনাৰ ফোনত উন্নত, অধিক ছেটিংছ বা চেল সম্প্ৰচাৰত থাকিব পাৰে ।

আইফোন ব্যৱহাৰকাৰী

• Settings app খুলি Notifications লৈ যাওঁক ।
• তললৈ স্ক্ৰল কৰক আৰু 'চৰকাৰ সতৰ্কবাণী' বিকল্পটো পৰীক্ষা কৰক।
• তাৰ পিছত 'Test Alerts' অন কৰক ।

2024 চনৰ ছেপ্টেম্বৰ মাহত দিল্লী-এনচিআৰৰ কেইবাজনো ব্যৱহাৰকাৰীক DoT ৰ পৰা এটা পৰীক্ষামূলক বাৰ্তা প্ৰেৰণ কৰা হৈছিল ৷ দূৰসংযোগ বিভাগে চেল ব্ৰডকাষ্টিং চিষ্টেমৰ জৰিয়তে প্ৰেৰণ কৰিছিল এই পৰীক্ষামূলক বাৰ্তা । প্ৰাকৃতিক দুৰ্যোগ, সন্ত্ৰাসবাদী আক্ৰমণ বা যিকোনো ৰাষ্ট্ৰীয় দুৰ্যোগৰ ক্ষেত্ৰত সঠিক সময়ত সতৰ্কবাণী প্ৰেৰণৰ বাবে এই ব্যৱস্থাসমূহ ভাৰত চৰকাৰে গ্ৰহণ কৰিছে ।

লগতে পঢ়ক

• বিভ্ৰান্তিকৰ বাতৰিৰ প্ৰচাৰ আৰু প্ৰসাৰ: সাৱধানতা অৱলম্বন কৰিবলৈ নেটিজেনলৈ আহ্বান বিশেষজ্ঞৰ
• কণ্টেট ক্ৰিয়েটৰসকলৰ বাবে সুখবৰ: অধিক সহজ হৈ পৰিল ইউটিউব শ্বৰ্টছ সৃষ্টি কৰাটো
• ডিজিটেল জালিয়াতি: 23,000 ফেচবুক একাউণ্ট বন্ধ কৰিলে মেটাই