মুকলি হোৱাৰ দিশে ইল’ন মাস্কৰ ডিজিটেল পেমেণ্ট এপ - X Money; ব্যৱহাৰকাৰীয়ে কি কি সুবিধা লাভ কৰিব ?

হায়দৰাবাদ: বিশ্বৰ জনপ্ৰিয় মাইক্ৰ’ব্লগিং প্লেটফৰ্ম এক্স (পুৰণি নাম টুইটাৰ) এতিয়া কেৱল মাইক্ৰ’ ব্লগিং প্লেটফৰ্ম নহয়, ডিজিটেল পেমেণ্ট প্লেটফৰ্মলৈও পৰিণত হ’বলৈ গৈ আছে । এক্সৰ মালিক ইল’ন মাস্কে নিজাকৈ ডিজিটেল পেমেণ্ট প্লেটফৰ্ম মুকলি কৰিবলৈ ওলাইছে । এই প্লেটফৰ্মৰ নাম X Money, ইয়াৰ মুকলিৰ বাবে প্ৰস্তুতি চলাই থকা হৈছে ।

এক্স, টেছলা আৰু স্পেচএক্সৰ স্বত্বাধিকাৰী ইল’ন মাস্কে শীঘ্ৰে X Money মুকলি কৰাৰ কথা নিশ্চিত কৰিছে । এই বিষয়ে টেছলাৰ মালিক ছিলিকন ভেলীয়ে (@teslaownersSV) এটা পোষ্ট কৰিছে, য’ত লিখা আছে যে ইলন মাস্কে অতি সোনকালে এক্স মানি মুকলি কৰাৰ খবৰ নিশ্চিত কৰিছে । ইয়াৰ বাহিৰেও এই পোষ্টটোত লিখা আছে, "পেমেণ্ট, বেংকিং আৰু এতিয়া সকলো এই এপটোতেই....।" X ৰ এই পোষ্টটোৰ উত্তৰত ইল’ন মাস্কে নিজেই লিখিছে যে এক্স মানি প্ৰথম বিটা সংস্কৰণত অতি সীমিত প্ৰৱেশৰ সৈতে মুকলি কৰা হ’ব ।

কেতিয়া মুকলি হ’ব?

স্বত্বাধিকাৰী ইল’ন মাস্কে এই এক্স মানি মুকলি সন্দৰ্ভত বৰ্তমানলৈকে কোনো তথ্য প্ৰকাশ কৰা নাই ৷ অৱশ্যে এইটো 2025 চনত মুকলি কৰা হ’ব বুলি আশা কৰা হৈছে ৷ অৱশ্যে ইল’ন মাস্কে তেওঁৰ শেহতীয়া পোষ্টৰ জৰিয়তে নিশ্চিত কৰিছে যে প্ৰথম অৱস্থাত ই সীমিত প্ৰৱেশৰ সৈতে বিটা পৰ্যায়ত উপলব্ধ হ’ব, যিটো মাত্ৰ কেইজনমান নিৰ্বাচিত ব্যৱহাৰকাৰীৰ বাবেহে উপলব্ধ হ’ব।

এই ডিজিটেল পেমেণ্ট প্লেটফৰ্ম মুকলি কৰাৰ পূৰ্বে ইল’ন মাস্কে আমেৰিকাৰ 50 খন ৰাজ্যৰ সকলোৰে পৰা প্ৰয়োজনীয় অনুমতি ল’ব বিচাৰে । উল্লেখ্য যে মাস্কৰ কোম্পানী এক্স পেমেণ্টছ এল এল চিয়ে আমেৰিকাৰ 41 খন ৰাজ্যত ধন ট্ৰেন্সমিটাৰৰ অনুজ্ঞাপত্ৰ লাভ কৰিছে । এই অনুজ্ঞাপত্ৰৰ জৰিয়তে কোম্পানীটোৱে নিজৰ পেমেণ্ট সেৱা আইনীভাৱে চলাবলৈ অনুমতি লাভ কৰিছে ।

X Money কি কি বৈশিষ্ট্যযুক্ত ?

• পেমেণ্ট আৰু বেংকিং: ব্যৱহাৰকাৰীয়ে যিকোনো লোকলৈ X এপ ব্যৱহাৰ কৰি ধন প্ৰেৰণ কৰিব পাৰিব ৷ এইটোৱে PhonePe, Paytm ৰ লগতে অন্যান্য ডিজিটেল পেমেণ্ট এপবোৰৰ দৰেই কাম কৰিব ৷ এইবোৰৰ উপৰিও ব্যৱহাৰকাৰীয়ে ধন সঞ্চয় কৰিব পাৰিব আৰু ক্ৰিয়েটৰসকলক টিপছ দিব পাৰিব ৷
• ক্ৰিপ্ট’কাৰেঞ্সী সমৰ্থিত: X মানিয়ে ক্ৰিপ্টোকাৰেন্সীৰ জৰিয়তে পেমেণ্ট কৰাৰ বৈশিষ্ট্যও প্ৰদান কৰিব পাৰে । যদি এনেকুৱা হয়, তেন্তে ব্যৱহাৰকাৰীয়ে এক্স মানিৰ জৰিয়তে বিটকইনৰ দৰে ক্ৰিপ্টোকাৰেন্সীৰ জৰিয়তেও পেমেণ্ট কৰিব পাৰে । আচলতে এক্স মানিত ক্ৰিপ্টোকাৰেন্সী যোগ কৰাৰ জল্পনা-কল্পনা কৰা হৈছে কাৰণ ইল’ন মাস্কে ইতিমধ্যে বিটকইন আৰু ডজকইনক সমৰ্থন কৰাৰ কথা কৈছে ।
• ভিছাৰ সৈতে অংশীদাৰিত্ব: এক্সে এক্স মানিৰ বাবে ভিছাৰ সৈতেও অংশীদাৰিত্ব কৰিছে । ইয়াৰ সহায়ত ব্যৱহাৰকাৰীয়ে ভিছা ডাইৰেক্টৰ জৰিয়তে তৎক্ষণাত ধন স্থানান্তৰৰ সুবিধা লাভ কৰিব । ইয়াৰ জৰিয়তে ব্যৱহাৰকাৰীয়ে তেওঁলোকৰ ডেবিট কাৰ্ডৰ পৰা এক্স ৱালেটত ধন যোগ কৰিব পাৰিব, যাৰ জৰিয়তে তৎক্ষণাত ধন ট্ৰেন্সফাৰ কৰিব পাৰিব ।

ইলন মাস্কৰ লক্ষ্য

ইল’ন মাস্কৰ লক্ষ্য হৈছে X ক এনে এটা প্লেটফৰ্ম হিচাপে গঢ়ি তোলা য’ত ব্যৱহাৰকাৰীয়ে সকলো সুবিধা লাভ কৰিব পাৰে । সেইবাবেই ইল’ন মাস্কে ইয়াক Everything App বুলিও কয় । ইয়াত তেওঁ মাইক্ৰ’ ব্লগিঙৰ লগতে চেট, ভিডিঅ’ কলিং, শ্বপিং, বেংকিং আৰু পেমেণ্টৰ দৰে বহু বৈশিষ্ট্য আৰম্ভ কৰিব বিচাৰে ।

লগতে পঢ়ক

• অধিক সহজ হৈ পৰিল পৰিৱৰ্তিত বতৰৰ খবৰ লাভ কৰাটো; মুকলি হ’ল থলুৱাভাৱে নিৰ্মিত ভাৰত ফৰকাষ্টিং ছিষ্টেম
• এই গাড়ীখনক ভুলতো আৱদ্ধ নকৰিব কেমেৰাত; ধ্বংস হৈ পৰিব আপোনাৰ কেমেৰা চেন্সৰ
• ভাৰতত আৰম্ভ হোৱাৰ দিশে মাস্কৰ ষ্টাৰলিংক; কিমান হ’ব পাৰে ৰিচাৰ্জ প্লেনৰ মূল্য ?