হায়দৰাবাদ: বৰ্তমান সমগ্ৰ ইণ্টাৰনেট জগত দখল কৰিছে ষ্টুডিঅ’ ঘিবলী ষ্টাইলৰ ছবিয়ে ৷ নিজৰ পছন্দৰ এখন ছবি নেটিজেনসকলে ঘিবলী ষ্টাইলত বনাবলৈ চেটজিপিটিত ভিৰ কৰা পৰিলক্ষিত হৈছে । আৰম্ভণিৰ সময়ছোৱাত এই বৈশিষ্ট্য কেৱল ChatGPT প্ৰিমিয়াম ব্যৱহাৰকাৰীসকলৰ বাবে উপলব্ধ আছিল, কিন্তু ই লাভ কৰা জনপ্ৰিয়তালৈ লক্ষ্য কৰি OpenAI এ এতিয়া এই সুবিধা বিনামূলীয়া ব্যৱহাৰকাৰীসকলৰ বাবেও মুকলি কৰিছে ।
26 মাৰ্চত Ghibli বৈশিষ্ট্য মুকলি কৰাৰ সময়ত AI জায়ান্টটোৱে ঘোষণা কৰিছিল,"4o ইমেজ জেনেৰেচন আহি পৰিছে ।"
এঘণ্টাত 10 লাখ ব্যৱহাৰকাৰী !
বিনামূলীয়া ব্যৱহাৰকাৰীৰ বাবে ছবি সৃষ্টিৰ আবেদন OpenAI এ যথেষ্ট বৃদ্ধি কৰিছে । Altman এ X ত শ্বেয়াৰ কৰিছে যে এই সেৱাৰ সৈতে শেহতীয়া এঘণ্টাৰ ভিতৰতে এক মিলিয়ন ব্যৱহাৰকাৰী যোগ হৈছে আৰু বৈশিষ্ট্যটো মুকলি হোৱাৰ পাঁচ দিনৰ ভিতৰতে ই এক মিলিয়ন ব্যৱহাৰকাৰী লাভ কৰিলে ।
chatgpt image gen now rolled out to all free users!
— Sam Altman (@sama) April 1, 2025
ChatGPT ব্যৱহাৰ কৰি বিনামূলীয়া Ghibli-শৈলীৰ ছবি কেনেকৈ সৃষ্টি কৰিব?
যদি আপুনি এজন বিনামূলীয়া ব্যৱহাৰকাৰী, তেন্তে এই ষ্টেপ-বাই-ষ্টেপ প্ৰক্ৰিয়া অনুসৰণ কৰক Studio Ghibli-শৈলীৰ ছবি সৃষ্টি কৰিবলৈ
প্ৰথম প্ৰক্ৰিয়া: ChatGPT ৱেবছাইটত লগ অন কৰক বা এপটোত টেপ কৰক ।
দ্বিতায় প্ৰক্ৰিয়া: প্ৰমপ্ট বক্সৰ তলৰ বাওঁফালৰ চুকত থকা ‘+’ চিনটোত ক্লিক কৰি আপোনাৰ ফটো আপলোড কৰক ।
তৃতীয় প্ৰক্ৰিয়া: ‘Ghiblify this’ বা ‘এই ছবিখন Studio Ghibli থিমলৈ পৰিৱৰ্তন কৰক’ অংশ বাচনি কৰক ।
চতুৰ্থ প্ৰক্ৰিয়া: আপুনি আপোনাৰ আকাংক্ষিত ছবিখন Ghibli Style ত পাব । আপোনাৰ ডিভাইচত ছবিখন ডাউনলোড কৰক ।
Ghibli ট্ৰেণ্ডক লৈ গোপনীয়তাৰ চিন্তা
the chatgpt launch 26 months ago was one of the craziest viral moments i'd ever seen, and we added one million users in five days.
— Sam Altman (@sama) March 31, 2025
we added one million users in the last hour.
ট্ৰেণ্ডত থাকিলেও সকলোৱে এয়া অনুসৰণ কৰা নাই । ছ’চিয়েল মিডিয়া প্লেটফৰ্ম X ত ডিজিটেল গোপনীয়তাৰ সমৰ্থকসকলে এই সন্দৰ্ভত সৰ্তকতা উত্থাপন কৰিছে, ইয়াৰ পৰা অনুমান কৰিব পাৰি যে অ’পেনএআইয়ে এই ধাৰাটোক AI প্ৰশিক্ষণৰ বাবে হাজাৰ হাজাৰ ব্যক্তিগত ছবি সংগ্ৰহ কৰাৰ সুযোগ হিচাপে ব্যৱহাৰ কৰিছে । বহু ব্যৱহাৰকাৰীয়ে এই নতুন বৈশিষ্ট্য উপভোগ কৰি থকাৰ সময়তে, সমালোচকসকলে সতৰ্ক কৰি দিছে যে তেওঁলোকে অজানিতে OpenAI-ক সতেজ মুখৰ ডাটা প্ৰদান কৰিব পাৰে ।
এই ধাৰাটোৱে কপিৰাইটযুক্ত সৃষ্টিশীল কৰ্মৰ ওপৰত প্ৰশিক্ষণপ্ৰাপ্ত কৃত্ৰিম বুদ্ধিমত্তাৰ সঁজুলি আৰু মানৱ শিল্পীৰ ভৱিষ্যত জীৱিকাৰ ওপৰত ইয়াৰ সম্ভাৱ্য প্ৰভাৱৰ ওপৰতো নৈতিক বিতৰ্কৰ সূচনা কৰিছে ।
লগতে পঢ়ক
