হায়দৰাবাদ: বিশ্বজুৰি বৃদ্ধি পাইছে কৃত্ৰিম বুদ্ধিমত্তাৰ (AI) ব্যৱহাৰ ৷ সমান্তৰালভাৱে ইয়াৰ ব্যৱহাৰৰ ফলত সৃষ্টি হোৱা বিপদসমূহো বৃদ্ধি হোৱা পৰিলক্ষিত হৈছে । শেহতীয়াকৈ ব্যৱহাৰকাৰীসকলে অ’পেনএআইৰ সহায়ত ভুৱা আধাৰ, স্থায়ী একাউণ্ট নম্বৰ (PAN), পাছপ’ৰ্ট আৰু ভোটাৰ আইডি প্ৰস্তুত কৰা বুলি অভিযোগ উত্থাপন কৰিছে । যোৱা সপ্তাহত, ChatGPT এ ইয়াৰ স্থানীয় ইমেজ জেনেৰেচন ক্ষমতা আনলক কৰিছিল । তেতিয়াৰ পৰা ব্যৱহাৰকাৰীয়ে 70 কোটিতকৈও অধিক ছবি সৃষ্টি কৰিছে ।
কেৱল সেয়াই নহয়, মানুহে এই ছবিবোৰ সৃষ্টি কৰিবলৈ নতুন নতুন সঁজুলিৰ সহায় লৈছে । ইয়াৰে আটাইতকৈ উল্লেখযোগ্য হৈছে ঘিবলী শৈলীৰ ছবি । মাইক্ৰ’-ব্লগিং চাইট X ত একাংশ ব্যৱহাৰকাৰীয়ে অ’পেনএআইৰ শীৰ্ষ কাৰ্যবাহী বিষয়া ছেম অল্টমেন আৰু টেছলাৰ চি ই অ’ ইল’ন মাস্কৰ ভুৱা আধাৰ কাৰ্ডৰ লগতে কিউ আৰ ক’ড আৰু আধাৰ নম্বৰ শ্বেয়াৰ কৰিছে ।
ChatGPT ৰ জৰিয়তে সৃষ্টি কৰা হৈছে ভুৱা PAN কাৰ্ড
ChatGPT is generating fake Aadhaar and PAN cards instantly, which is a serious security risk.
— Yaswanth Sai Palaghat (@yaswanthtweet) April 4, 2025
This is why AI should be regulated to a certain extent.@sama @OpenAI pic.twitter.com/4bsKWEkJGr
ChatGPT ৰ অপব্যৱহাৰ কেৱল আধাৰ কাৰ্ডতে সীমাবদ্ধ নহয় । ছ’চিয়েল মিডিয়া ব্যৱহাৰকাৰীসকলেও এনে উদাহৰণ দাঙি ধৰিছে যে চেটবটে ভুৱা পেন কাৰ্ড সৃষ্টি কৰিব পাৰে । আধাৰ কাৰ্ড ভাৰতীয় ইউনিক আইডেন্টিটি অথৰিটি (ইউআইডিএআই)ৰ দ্বাৰা প্ৰদান কৰা হয় যদিও পেন কাৰ্ড আয়কৰ বিভাগে প্ৰদান কৰে ।
এই সন্দৰ্ভত এটা উদাহৰণ দি এজন ব্যৱহাৰকাৰীয়ে লিখিছে যে যেতিয়া তেওঁ চেটজিপিটিক ড’নাল্ড ট্ৰাম্পৰ নামত আধাৰ কাৰ্ড বনাবলৈ ক’লে তেতিয়া এখন ভুৱা আধাৰ কাৰ্ড সৃষ্টি কৰি তেওঁক দিয়া হৈছিল । যশৱন্ত সাই পলাঘাট নামৰ এজন ছ’চিয়েল মিডিয়া ব্যৱহাৰকাৰীয়ে আৰ্যভট্টৰ ছবি শ্বেয়াৰ কৰাৰ সময়ত লিখিছে যে চেটজিপিটিয়ে নিমিষতে ভুৱা আধাৰ আৰু পেন কাৰ্ড সৃষ্টি কৰিছে, যিটো নিৰাপত্তাৰ ক্ষেত্ৰত ভয়াৱহ বিপদ । এই কাৰণেই এআইক এক নিৰ্দিষ্ট পৰিমাণে নিয়ন্ত্ৰণ কৰা উচিত ।
ChatGPT ৰ নতুন ইমেজ জেনেৰেটৰ নিষিদ্ধ কৰা হৈছে
ChatGPT ৰ ছবি সৃষ্টি ক্ষমতাৰ অৰ্থ হ'ল যে চেটবটক ড্ৰাইভ কৰা ইনবিল্ট ফাউণ্ডেশ্যন মডেলে DALL-E 3 ৰ দৰে বাহ্যিক মডেলৰ ওপৰত নিৰ্ভৰ নকৰি, প্ৰত্যক্ষভাৱে ছবি সৃষ্টি কৰিব পাৰে । ই চেটবটক প্ৰাকৃতিক ভাষাৰ নিৰ্দেশনা অনুসৰণ কৰিবলৈ আৰু অধিক বিশদ আৰু সঠিক ছবি সৃষ্টি কৰিবলৈ অনুমতি দিয়ে ।
ইয়াৰ GPT-4o নেটিভ ইমেজ জেনেৰেচন চিষ্টেম কাৰ্ডত, OpenAI এ স্বীকাৰ কৰিছে যে নতুন মডেলটোৱে পুৰণি DALL-E মডেলতকৈ অধিক বিপদৰ সৃষ্টি কৰাৰ সম্ভাৱনা আছে ।
কোম্পানীৰ প্ৰতিক্ৰিয়া
কোম্পানীটোৱে কয়, "ডিফ্লুচন মডেল হিচাপে কাম কৰা DALL-Eৰ দৰে নহয়, 4o হৈছে ইমেজ জেনেৰেচনৰ এটা অটোৰিগ্ৰেছিভ মডেল যিটো নেটিভভাৱে চেটজিপিটিৰ ভিতৰত নিহিত হৈ থাকে । এই মৌলিক পাৰ্থক্যই কেইবাটাও নতুন ক্ষমতাৰ প্ৰৱৰ্তন কৰে যিবোৰ পূৰ্বৰ জেনেৰেটিভ মডেলৰ পৰা পৃথক আৰু নতুন ভাবুকিৰ সৃষ্টি কৰে । এই ক্ষমতাসমূহে, অকলে আৰু নতুন সংমিশ্ৰণত, পূৰ্বৰ মডেলসমূহৰ একাধিক ক্ষেত্ৰত ভাবুকি সৃষ্টি কৰাৰ সম্ভাৱনা আছে ।" মন কৰিবলগীয়া যে বৰ্তমান চেটজিপিটিত শিশুৰ ফটোগ্ৰাফিক ছবি, যৌন হিংসাত্মক বিষয়বস্তু আৰু আপত্তিজনক আৰু ঘৃণনীয় ছবি সৃষ্টিৰ ক্ষেত্ৰত কঠোৰ নিষেধাজ্ঞা আৰোপ কৰা হৈছে ।
পেন আৰু আধাৰ কাৰ্ডত কি কি সুৰক্ষা বৈশিষ্ট্য আছে?
কেলেংকাৰীকাৰীয়ে পেন বা আধাৰ কাৰ্ড জাল কৰাটো নতুন পৰিঘটনা নহয়, তেওঁলোকে এই অনন্য ডিজিটেল পৰিচয় পত্ৰ জাল কৰিবলৈ বিভিন্ন ধৰণৰ সঁজুলি ব্যৱহাৰ কৰি আহিছে । PAN 2.0 কাৰ্ডসমূহৰ সৈতে ফটোগ্ৰাফ, স্বাক্ষৰ, হ’ল’গ্ৰাম আৰু বৰ্ধিত সুৰক্ষাৰ বাবে QR ক’ড আছে ।
শেহতীয়া সংস্কৰণত অতিৰিক্ত সুৰক্ষাৰ বাবে মাইক্ৰ’ চিপও অন্তৰ্ভুক্ত কৰা হৈছে । একেদৰে আধাৰ কাৰ্ডত টেম্পাৰ-প্ৰুফ QR ক’ড, হ’ল’গ্ৰাম, মাইক্ৰ’টেক্সট, গিলোচ পেটাৰ্ণ, আৰু এম্ব’ছড আধাৰ ল’গ’ থাকে । এই জালিয়াতি বিৰোধী বৈশিষ্ট্যসমূহৰ কোনোটোৱেই চেটজিপিটিৰ দ্বাৰা সৃষ্টি হোৱা ভুৱা আধাৰ আৰু পেন কাৰ্ডত দেখা পোৱা নাছিল ।
ভুৱা নথি-পত্ৰৰ পৰা হাত সাৰিবলৈ কি কৰিব পাৰি?
কোনোবাই আপোনাৰ নামত ভুৱা নথি-পত্ৰ সৃষ্টি নকৰাৰ বাবে আপোনাৰ ব্যক্তিগত নথি-পত্ৰ কাৰো লগত শ্বেয়াৰ নকৰিব । অচিনাকি লিংকত নভবাকৈ ক্লিক নকৰিব । তৃতীয় পক্ষৰ এপসমূহক ফটো গেলেৰীত প্ৰৱেশ কৰিবলৈ নিদিব ।
ভুৱা নথি কেনেকৈ চিনাক্ত কৰিব?
ভুৱা নথি চিনাক্ত কৰিবলৈ নথিপত্ৰত দিয়া তথ্যৰ আখৰ (Font) পৰীক্ষা কৰক, সেয়া সঠিক হয় নে নহয় । ইয়াৰ বাহিৰেও নথিপত্ৰত থকা ফটোখন ভালদৰে চাওক, ফটোখন মৌলিক হওক বা সম্পাদিতই হওক ।
লগতে পঢ়ক
ঘিবলী ট্ৰেণ্ড: ফটো আপলোড কৰাৰ পূৰ্বে সাৱধানতা অৱলম্বনৰ আহ্বান ডিজিটেল অধিকাৰ কৰ্মীৰ
কৃত্ৰিম বুদ্ধিমত্তাৰে অসম তথা উত্তৰ-পূৰ্বাঞ্চলত ১১২ নিযুত ভুৱা কল চিনাক্ত এয়াৰটেলৰ
কৃত্ৰিম বুদ্ধিমত্তাৰ দ্ৰুত আগ্ৰাসনেও স্থান ল’ব নোৱাৰিব এইকেইটা বৃত্তিৰ !
