হায়দৰাবাদ: বাজাজ অটোই ভাৰতীয় বজাৰত নিজৰ জনপ্ৰিয় ইলেক্ট্ৰিক স্কুটাৰ ৰেঞ্জত মুকলি কৰিছে নতুন চেটক 3001 । এই মডেলে চেটক 2903 ৰ স্থান ল’ব । ইয়াৰ এক্স-শ্ব’ৰুম মূল্য 99,990 হাজাৰ টকা নিৰ্ধাৰণ কৰা হৈছে, যাৰ ফলত এই স্কুটাৰখন ইয়াৰ ছেগমেণ্টত এক সুলভ আৰু অনন্য বিকল্প ।
নতুন প্লেটফৰ্ম আৰু বেটাৰী বিন্যাস
নতুন বৈদ্যুতিক বাহনৰ আৰ্কিটেকচাৰৰ ওপৰত নিৰ্মাণ কৰা হৈছে চেটক 3001 । ইয়াৰ বিশেষ বৈশিষ্ট্য হৈছে ফ্ল’ৰব’ৰ্ডত মাউণ্ট কৰা 3.0 কিলোৱাট ঘণ্টাৰ বেটাৰী, যিয়ে স্কুটাৰৰ ভাৰসাম্য উন্নত কৰে । লগতে এই ডিজাইনে মজিয়াখন বহল কৰি তুলিছে । ইয়াৰ ছিটৰ তলত 35 লিটাৰ ষ্ট’ৰেজ স্থান আছে, যিটো এই ছেগমেণ্টৰ সৰ্বাধিক ।
ৰেঞ্জ আৰু চাৰ্জিং স্পীড
চেটক 3001 সম্পূৰ্ণ চাৰ্জত প্ৰায় 127 কিলোমিটাৰ দূৰত্ব অতিক্ৰম কৰিব পাৰে । এই ৰেঞ্জ দৈনন্দিন প্ৰয়োজনৰ বাবে যথেষ্ট আৰু চুটি ভ্ৰমণৰ বাবেও নিৰ্ভৰযোগ্য । ইয়াক চাৰ্জ কৰিবলৈ কোম্পানীয়ে 750 ৱাটৰ চাৰ্জাৰ প্ৰদান কৰিছে, যিয়ে মাত্ৰ 3 ঘণ্টা 50 মিনিটত বেটাৰী 0ৰ পৰা 80% চাৰ্জ কৰে । এই চাৰ্জিং গতি এই ছেগমেণ্টত দ্ৰুত বুলি ধৰা হয় ।
TechPack বৈশিষ্ট্যসমূহৰ সৈতে উন্নত প্ৰযুক্তি
এই স্কুটাৰৰ সৈতে এটা বৈকল্পিক “TechPack” প্ৰযুক্তি পেকেজ উপলব্ধ । ইয়াত কল এক্সেপটেন্স বা ৰিজেকচন, মিউজিক কণ্ট্ৰ’ল, গাইড-মি-হোম লাইট, হিল হ’ল্ড এচিষ্ট, ৰিভাৰ্ছ মোডৰ সৈতে লাইট আৰু ব্ৰেকিঙৰ সময়ত অটোমেটিক ফ্লেছ লাইটৰ দৰে স্মাৰ্ট ফিচাৰ আছে । এই বৈশিষ্ট্যসমূহে স্কুটাৰখনক প্ৰিমিয়াম টাচ প্ৰদান কৰে আৰু ৰাইডাৰৰ অভিজ্ঞতা বৃদ্ধি কৰে ।
ৰবাষ্ট বডি আৰু ৱাটাৰপ্ৰুফ ডিজাইন
চেটক 3001 একমাত্ৰ ইলেক্ট্ৰিক স্কুটাৰ যিখন সম্পূৰ্ণ মেটাল বডিৰ সৈতে আহে । ইয়াৰ উপৰিও ইয়াৰ IP67 ৰেটিং আছে, যিয়ে ইয়াক ধূলি আৰু পানীৰ পৰা ৰক্ষা কৰে । বিশেষকৈ যিসকলে সকলো সময়তে স্কুটি চলাবলৈ পছন্দ কৰে তেওঁলোকৰ বাবে এইখন উপযোগী ।
আমাজনত বুকিং কৰি চেটক 3001 ক্ৰয় কৰাটো সহজ কৰি তোলাৰ বাবে বাজাজে এক নতুন পদক্ষেপ গ্ৰহণ কৰিছে ৷ এতিয়া গ্ৰাহকে আমাজনতো এই স্কুটাৰ বুকিং কৰিব পাৰিব । এই সুবিধা অতি সোনকালে মুকলি কৰা হ’ব, যাৰ ফলত আপুনি ঘৰৰ পৰাই স্কুটাৰ ক্ৰয় কৰাৰ অভিজ্ঞতা লাভ কৰিব ।
বাজাজ চেতকে বিত্তীয় বৰ্ষৰ চতুৰ্থ ত্ৰৈমাসিকত (জানুৱাৰীৰ পৰা মাৰ্চলৈ) সৰ্বাধিক বিক্ৰী হোৱা ইলেক্ট্ৰিক স্কুটাৰ হিচাপে পৰিগণিত হৈ সকলোকে আচৰিত কৰি তুলিছিল । এই সফলতা চেটক 35 ছিৰিজৰ (3501 আৰু 3502 ) সফলতাৰ বাবেই লাভ কৰা হয় ।
লগতে পঢ়ক
