গ্ৰাহকৰ সৈতে সংযোগ স্থাপন কৰাত ব্যৱসায়ীসকলক সহায় কৰিব এপলৰ বিজনেছ কানেক্টে

হায়দৰাবাদ: এপলে ঘোষণা কৰিছে বাণিজ্যিক সংযোগৰ বাবে নতুন বৈশিষ্ট্য, যিটো পদক্ষেপে বিশ্বৰ সকলো ব্যৱসায়ীক এপল ব্যৱহাৰকাৰীৰ ফোনত তেওঁলোকৰ পৰিচয় দেখা দিয়াৰ ধৰণ পৰিচালনা কৰাত সহায় কৰিব । প্ৰমাণীকৃত ব্যৱসায়বোৰে এপল মেপ আৰু ৱালেটকে ধৰি এপ্পবোৰত অৱস্থানৰ (লোকেশ্যন) উপস্থিতিৰ উপৰিও ফোন এপ্প আৰু মেইলৰ মাধ্যমেৰে এক নিৰন্তৰ উপস্থিতিৰ সৈতে ব্ৰেণ্ডটোৰৰ বাবে সুনাম সৃষ্টি কৰিব পাৰে।

অহা বছৰৰ পৰা ব্যৱসায়ীসকলে ব্যৱসায়িক কলাৰ আইডিৰ বাবেও পঞ্জীয়ন কৰিব পাৰিব, যাৰ ফলত তেওঁলোকে গ্ৰাহকৰ সৈতে যোগাযোগ কৰাৰ সময়ত ইনবাউণ্ড কল স্ক্ৰীণৰ বাবে এটা নাম, ল’গ’, আৰু বিভাগ নিৰ্বাচন কৰিব পাৰিব । এপলে কয় যে ইয়াৰ ফলত ব্যৱহাৰকাৰীয়ে প্ৰকৃত ব্যৱসায়িক সেৱাবোৰ আৰু ভুৱা কলাৰৰ মাজৰ পাৰ্থক্য নিৰ্ণয় কৰাত সুবিধা হ’ব ।

Apple Business Connect ৰ বাবে পঞ্জীয়ন কৰিবলৈ, মালিক বা ভাৰ্চুৱেল, অনলাইন আৰু ভৌতিক ষ্ট'ৰসমূহে যিকোনো স্মাৰ্টফোন, টেবলেট, বা কম্পিউটাৰৰ পৰা ছেল্ফ ছাৰ্ভিছ ৱেবছাইটত তেওঁলোকৰ বৰ্তমানৰ Apple একাউণ্ট ব্যৱহাৰ কৰিব পাৰে (বা নতুন এটা সৃষ্টি কৰি ল’ব পাৰে)। এবাৰ চাইন আপ কৰাৰ পিছত ব্যৱসায়ীসকলে বিনামূলীয়াকৈ নিজৰ ব্ৰেণ্ড কাষ্টমাইজ কৰিবলৈ আৰম্ভ কৰিব পাৰে ।

বিগত বছৰৰ পৰা এপল বিজনেছ কানেক্টে ব্যৱসায়ীসকলক তেওঁলোকৰ স্থান, প্লেচ কাৰ্ডত ফটো আৰু ল’গ’ যোগ বা আপডেট কৰি গ্ৰাহকক ব্যৱহাৰ কৰিবলৈ আমন্ত্ৰণ কৰাৰ অনুমতি দিয়ে, যেনে খাদ্য অৰ্ডাৰ কৰা বা প্লেচ কাৰ্ডৰ পৰা পোনপটীয়াকৈ ৰিজাৰ্ভেশ্যন কৰা। এতিয়া ভৌতিক দোকানসহ প্ৰতিটো ব্যৱসায়ে. গ্ৰাহকৰ সৈতে সংযোগ কৰাটো সহজ কৰি তুলিবলৈ আৰু চিৰি, ৱালেট আদিৰ দৰে এপল এপ্পৰ ব্যৱহাৰকাৰীসকলৰ বাবে প্ৰদৰ্শন কৰিবলৈ এক ভিজুৱেল ব্ৰেণ্ডৰ পৰিচয় সৃষ্টি কৰিব পাৰিব।

বিজনেছ কানেক্টে এতিয়া ব্যৱসায়ীসকলক আইফোনত টেপ টু পেত নিজৰ ল’গ’ কাষ্টমাইজ কৰিবলৈও অনুমতি দিয়ে । মেইল আৰু ফোন এপত নিজৰ ব্ৰেণ্ড প্ৰদৰ্শন কৰিবলৈও চাইন আপ কৰিব পাৰিব । টেপ টু পে কাষ্টমাইজেচনৰ দৰেই ব্ৰেণ্ডেড মেইলেও তেওঁলোকক বিশ্বাস গঢ়ি তোলাৰ বাবে গ্ৰাহকক ই-মেইলত ব্ৰেণ্ডৰ নাম আৰু ল’গ’ প্ৰদৰ্শন কৰিবলৈ দিব ।