বৃদ্ধি হ’ব পাৰে সকলো দুচকীয়াৰ মূল্য; জানক ইয়াৰ আঁৰৰ কাৰণ
2026 চনৰ জানুৱাৰী মাহৰ পৰা ভাৰতত বিক্ৰী হোৱা সকলো নতুন দুচকীয়া বাহনত এণ্টি-লক ব্ৰেকিং চিষ্টেমেৰে (এবিএছ) সজ্জিত হ’ব ।
Published : June 21, 2025 at 4:48 PM IST
হায়দৰাবাদ: শেহতীয়া তথ্য অনুসৰি 2026 চনৰ জানুৱাৰী মাহৰ পৰা ভাৰতত বিক্ৰী হোৱা সকলো নতুন দুচকীয়া বাহনত এণ্টি-লক ব্ৰেকিং চিষ্টেম (এবিএছ) থাকিব আৰু ডিলাৰশ্বিপসমূহেও দুটা বিআইএছ প্ৰমাণিত হেলমেট প্ৰদান কৰিব লাগিব, এটা ৰাইডাৰৰ বাবে আৰু এটা পিলিয়ন যাত্ৰীৰ বাবে ।
পৰিবহণ মন্ত্ৰণালয়ে বাধ্যতামূলক কৰিলে এবিএছ
পথ পৰিবহণ আৰু ঘাইপথ মন্ত্ৰণালয়ে পথ সুৰক্ষা বৃদ্ধিৰ লক্ষ্যৰে এক উল্লেখযোগ্য পদক্ষেপ গ্ৰহণ কৰি ঘোষণা কৰিছে যে 2026 চনৰ জানুৱাৰী মাহৰ পৰা ভাৰতত বিক্ৰী হোৱা সকলো নতুন দুচকীয়া বাহনত ইঞ্জিনৰ ক্ষমতা যিয়েই নহওক কিয়, এবিএছৰ বৈশিষ্ট্য থাকিব লাগিব । ইয়াৰ উপৰিও ডিলাৰসকলে প্ৰতিখন নতুন বাহনৰ সৈতে দুটাকৈ বিআইএছ প্ৰমাণিত হেলমেট যোগান ধৰাটো বাধ্যতামূলক হ’ব ।
এই সিদ্ধান্তই বিশেষকৈ দুচকীয়া বাহন আৰোহীৰ মাজত দেশৰ পথ দুৰ্ঘটনাৰ এক প্ৰধান কাৰণ দুৰ্ঘটনা হ্ৰাস কৰাত সহায় কৰিব । চৰকাৰী তথ্য অনুসৰি বৃহৎ সংখ্যক দুচকীয়া বাহনৰ দুৰ্ঘটনাত ব্ৰেকৰ লগত জড়িত স্কিডিং আৰু মূৰত আঘাত পোৱা যায়, যিবোৰ হ্ৰাস কৰাৰ লক্ষ্যৰে প্ৰণয়ন কৰা হ’ব এই নতুন নিয়ম ।
মূল্যৰ ওপৰত প্ৰভাৱ পৰিব
উল্লেখযোগ্য যে এই পদক্ষেপক পথ সুৰক্ষাৰ সমৰ্থকসকলে বহুলভাৱে আদৰণি জনাইছে যদিও কিছুমান দুচকীয়া বাহন কোম্পানীয়ে এণ্ট্ৰি লেভেল মডেলৰ বাবে সম্ভাৱ্য খৰচৰ প্ৰভাৱক লৈ উদ্বেগ প্ৰকাশ কৰিছে । কিন্তু চৰকাৰী বিষয়াসকলৰ মতে জীৱন ৰক্ষা আৰু আঘাত হ্ৰাস কৰাৰ ক্ষেত্ৰত ইয়াৰ লাভ মূল্যবৃদ্ধিৰ তুলনাত অধিক হ’ব ।
উল্লেখযোগ্য যে হিৰো মট’কৰ্প, হোণ্ডা মটৰ চাইকেল, টিভিএছ মটৰ, বাজাজ অটো আৰু চুজুকি মটৰ চাইকেলৰ দৰে প্ৰধান দুচকীয়া কোম্পানীসমূহৰ কেইবাটাও সামগ্ৰী আছে যিবোৰ 125CC শ্ৰেণীৰ অন্তৰ্গত, যিবোৰ এই নতুন নিয়ম পূৰণ কৰিবলৈ আপডেট কৰিব লাগিব । এই সকলোবোৰ সামগ্ৰীৰ মূল্য প্ৰায় 1 লাখ টকা (এক্স-শ্ব’ৰুম) আৰু এই নতুন নিয়মৰ বাবে প্ৰয়োজনীয় অতিৰিক্ত হাৰ্ডৱেৰৰ বাবে মূল্য বৃদ্ধি হ’ব পাৰে ।
শীঘ্ৰে গাইডলাইন জাৰি কৰা হ’ব
এই নতুন নিয়মৰ দ্বাৰা আটাইতকৈ বেছি প্ৰভাৱিত হ’বলগীয়া বজাৰ খণ্ডটো হ’ব এণ্ট্ৰি লেভেল 100 CC মটৰ চাইকেল আৰু স্কুটাৰ, যিবোৰ 60 হাজাৰ টকাৰ পৰা আৰম্ভ হ’ব (এক্স শ্ব’ৰুম) । ফ্ৰন্ট ডিস্কৰ লগতে একক চেনেল এবিএছৰ প্ৰয়োজন হোৱা দুচকীয়া বাহনৰ বাবে গ্ৰাহকে প্ৰায় 6 হাজাৰৰ পৰা 10 হাজাৰ টকা অধিক দিব লাগিব । এই নিয়ম সুকলমে কাৰ্যকৰী কৰিবলৈ মন্ত্ৰণালয়ে অতি সোনকালে বিশদ নিৰ্দেশনা আৰু সময়সীমা জাৰি কৰিব বুলি আশা কৰা হৈছে ।
লগতে পঢ়ক
